ထာဝရ ခရီးသည်: ယောသင်္ကြန် (ဒုတိယတွဲ)

ယောသင်္ကြန် (ဒုတိယတွဲ)

( တိုင်ပင်ကြခြင်း )

အလွန်ပူပြင်းသော နွေရာသီနေ့ခင်းတစ်ခုတွင် ကျွနှုပ် သည် ရွှေတိဂုံဘုရားပေါ်တွင် ပုတီးစိတ် တရားထိုင် တံမြတ်စည်းလှဲ
အလုပ်ဖြင့် ကုသိုလ်ယူကာ အရှေ့ဘက်မုခ်မှ ပြန်အဆင်း ရေတာရှည် လမ်း ထဲသို့ ရောက်သော အခါ....
ကျွနှုပ်၏ မိတ်ဆွေကြီး ကိုရင်လူထွက် ကို တွေ့လိုက်ရသည်.။
အတော်ကြာ ကွဲကွာနေရာမှ ရုတ်တရတ် တွေ့လိုက်သောအခါ
ကျွန်ှုပ်လည်း ၀မ်းသာအားရဖြင့်

မမြင်ချင်ယောင်ဆောင်ကာ ရှောင်ထွက်လာခဲ့တော့လေသတည်း.......။

သို့သော်.... ကိုရင်လူထွက်က မြင်ဖြစ်အောင်မြင်လိုက်ပြီး.....
`` အောင်ဘု... ဟေ့ အောင်ဘု´´ ဟု ခေါ်ဆိုသောအခါ
မကြားချင်ယောင်ဆောင်ကာ ဆက်လျှောက်လာခဲ့တော့သည်....။

`` အောင်ဘု... ဟေ့ကောင် အောင်ဘု´´
လှည့်မကြည့်မချင်း ခေါ်နေတော့မည် သိသဖြင့် ကျွနှုပ်လည်း ပြန်လှည့်ကြည့်လိုက်ကာ

`` ဟာ ကိုရင်ပါလား ကျန်း... မတွေ့တာတောင် အတော်ကြာပေါ့ ဘယ်တွေပျောက်နေတုံး
ကျုပ်က ခီညားကို တွေ့ချင်နေတာဗျ..´´ဟုဆိုကာ ပလီပလာ ဖြင့် ပြန်လည် နှုတ်ဆက်လိုက်သော အခါ

`` အေးကွာ... မင်းကို တွေ့တာနဲ့ အတော်ပဲ.. ရာသီဥတုက ပူတယ်ကွာ...... ဘီယာသွားသောက်ရအောင်...´´
`` ဟာ..ကိုရင်ကလည်း.. ကျုပ် အခုမှ ဘုရားပေါ်က ဆင်း......´´
`` အေးပါကွာ ငါသိပါတယ်... ငါ့ညီက သူတော်ကောင်းလေးဆိုတာကို....
အခုက မင်းသောက်စရာ မလိုပါဘူးကွာ... မင်းက အအေးထိုင်သောက်ပေါ့... ငါ့ကို အဖော်လုပ်ပေးကွာ..´´

တိန်...သေဇမ်း...စကားကိုလည်း ဆုံးအောင်နားမထောင်ဘူး ကျုပ်ပြောချင်တာက
ဘုရားပေါ်က ဆင်းလာတာပေမယ့် ကိုရင့်ကို အားနာလို့ လိုက်သောက်ပါမယ်လေဆိုပြီး
ဒိုင်ဗင်ပစ်မလို့ဟာ....
အခုတော့ တေချင်းဇိုးကြီးက
သူတော်ကောင်းလေး ဆိုတာနဲ့ ပိတ်ပြီး
သူဘီယာသောက်တာကို ကျုပ်က အအေးတစ်ဗူးနဲ့ အဖော်လုပ်ရမယ်တဲ့ ကောင်းရော...

သို့ဖြင့်..
ဘီယာဆိုင်သို့ရောက်သောအခါ

`` ကိုင်းငါ့ညီရေ... မင်းသောက်ချင်တဲ့ အအေးသာမှာကွာ...အားမနာနဲ့´´
`` တော်ပြီ အကို ကျွန်တော် အအေး မသောက်ချင်ဘူး´´
`` ဟေ..ဘာလို့လည်းကွ.. အော်..... ရင်ကြပ်မှာ စိုးလို့လား
အေး..အေး.. ဒါဆိုလည်း ရေသောက်ကွာ....ရာသီဥတုက ပူတော့ ရေများများသောက်ဟ....
အကို လူမိုက်ကြီးကတော့ ဘီယာပဲ ချမယ်ဟေ့......ဟဲဟဲ´´

ငင်..မီတာကြီး အရိပ်ပြလည်း အကောင်မမြင်ဘူး....

``ညီလေးရေ စည်ဝမ်းကပ်... ရေသန့်တစ်ဗူးပါပေးကွာ´´

သူကဘီယာလေးသောက်လိုက် မြေပဲဆားလှော်လေးဝါးလိုက်... တစ်ခွက်ပြီးတစ်ခွက် ကစ်နေချိန်
ကျုပ်ကတော့ ရေတစ်ဗူးနဲ့ လျှာသပ်နေရတယ်...

ကိုရင်တစ်ယောက် ရေချိန် မှန်လာသော အခါ...ရင်ထဲမှ စကားများ ပွင့်အန်လာတော့သည်....

`` ညီလေးရေ..မိန်းမတွေ... မကောင်းဘူးကွ...သိလား´´
`` ဟုတ်တာပေါ့ဗျ.. မိန်းမတွေက.. ဘီယာလောက်တောင် မကောင်းဘူး´´
`` အေးပေါ့ကွာ... ဒါပေမယ့်.. ဘီယာကလည်း မင်းလို သူတော်ကောင်းလေးနဲ့ကျတော့
မကောင်းပြန်ပါဘူးကွာ´´

လာပြန်ပြီ ...သေနာကြီး အထူအပါးကို နားမလည်ဘူး...
``ဘာဖြစ်လာလို့လည်းဗျ.. ကျုပ်ကိုလည်း ရှင်းရှင်းပြောပါအုံး ကိုရင်ရ´´
`` ဒီလိုကွ.. မင်းအမ သီရိပေါ့ကွ... သင်္ကြန်းတွင်းကို အတင်း ဘုန်းကြီးဝတ်ခိုင်းနေတယ်..´´

`` အာ့များ ၀တ်လိုက်ပေါ့ဗျ...ကုသိုလ်ရပါတယ်´´ ကျုပ်လည်း အမြင်ကပ်ကပ်နဲ့.. ပိတ်ပြောပစ်လိုက်တယ်..

`` မဟုတ်သေးဘူး အောင်ဘုရ.. အကိုက သင်္ကြန်မှာ ကဲချင်သေးတယ်ကွ... ဒါကို မင်းအမက သိတယ် ထင်ပါတယ်ကွာ..
တစ်ချက်လွှတ် အမိန့်နဲ့.. ဘုန်းကြီးဝတ်ခိုင်းနေတယ်....ဟေ့..ညီလေး.. စည်နောက် တစ်ခွက်ဟေ့´´

`` နှစ်ခွက်ချကွာ´´
``ဟေ.. နှစ်ခွက် မလုပ်ပါနဲ့ဟ.. တစ်ခွက်ပြီးမှ တစ်ခွက်သောက်ပါ့မယ်..´´

`` တစ်ခွက်က ခီညားဖို့ မှုတ်ဘူးဗျ...ကျုပ်သောက်မလို့...ရှင်းပြီလား တေနာကြီး´´
`` အာ... မင်းအကုသိုလ်တွေ မလုပ်စမ်းပါနဲ့ကွာ...´´

`` ကိုရင်..ခီညား အချင်းချင်းမသိချင်ယောင်ဆောင်မနေနဲ့နော်..´´

`` သိသားပဲ.. ဂဒေါင်းဂျားယေး... ဘုရားပေါ်က ဆင်းလာပြီး ငါ့ကို မမြင်ချင်ယောင်ဆောင်လို့
ငါ သက်သက် လက်စင်ပေးထားတာ...ဟွန်း..´´
`` ငင်..ဟဲဟဲ ကိုကြီးကလည်းဗျာ... ´´

အခုမှ သူတစ်ခွက် နဲ့ အဆင်ပြေလာတော့မယ်..

`` အကိုရာ သင်္ကြန်ကဲချင်တာများ လွယ်လွယ်လေး.. မသီရိကို ဘုန်းကြိးတော့ မ၀တ်နိုင်ဘူး တရားစခန်းဝင်မယ်ပြောပြီး
တစ်နေရာရာမှာ သွားခိုနေလိုက်ဗျာ... ပြီးတော့မှ ကဲပေါ့ဗျ´´
`` မင်းပေးတဲ့ အကြံက ဆိုးတော့ မဆိုးဘူးကွ ဒါပေမယ့်... သူက လည်တယ်ကွ လွယ်လွယ်နဲ့တော့ ညာလို့ မရနိုင်ဘူး´´

ထိုသို့ ပြောနေကြစဉ်..... ဆိုင်တွင်းသို့.. ကိုသက်လတ်ကြီးနှင့် အဘခေါ် လင်းထက်ကိုတို့ ၀င်လာကြလေသည်...
ကျွန်ှုပ်တို့ကို မြင်သောအခါ..သူတို့လည်း လာထိုင်ရင်း

`` ကိုရင်တို့ကို တွေ့တာနဲ့ အတော်ပဲဗျို့... ´´
`` ဟာ..လာကွာ´´
အခုမှ ၀ိုင်းက စိုစိုပြေပြေဖြစ်သွားတော့တယ်...
ကျွန်တော်တို့လေးယောက် သင်္ကြန်တွင်းကို မည်သို့ မည်ပုံ ကဲကြမည်ကို ဆင်ကြံကြံနေချိန်

ဆိုင်ရှေ့မှာ မြွေအလမ္ပါယ်လာပြနေလေသည်...
ပထမတော့.. မသိချင်ယောင်ဆောင်နေသော်လည်း....
အတန်ကြာသောအခါ...

``ဟုတ်ကဲ့ဗျ...ကျွန်တော်တို့ရဲ့ ဆရာ.. ယောပြန်ကြီး နဂါးနိုင် ဆရာသန်းက.. ခုနှစ်ရက်သားသမီးများကို..
ကယ်တင်ချင်တဲ့အတွက် ဟောဒီ မြွေနိုင်ဆေးများကို မေတ္တာနဲ့ ဝေငှသွားမှာ ဖြစ်ပါတယ်...
အရေအတွက် နည်းနည်းပါလာတဲ့အတွက်..ဦးတဲ့သူ သာ ရမှာ ဖြစ်လို့..လိုချင်သူများ.. လက်ဝါးလေးတွေ ရှေ့ထုတ်ထားတော်မူကြပါ ခင်ဗျ.´´

`` ထွိန် ကြီးကျယ်လိုက်တာကွာ...ခုနှစ်ရက်သားသမီးကို အလကားဝေ မတဲ့.. ပြီးမှ မြွေစာဖိုး အလှူခံမှာကိုများကွာ..´´
ကိုရင်လူထွက်က မကျေမနပ် ရေရွတ်သောအခါ...

`` ဟုတ်ပါ့ဗျာ... အလကား လူညာတွေ´´ ကိုသက်လတ်က ထောက်ခံလိုက်သည်..
ဘိုးအေကြီး အဘလင်းကတော့... ထို မြွေအလမ္ပါယ်ဆရာကို မျက်မှောင်ကုတ်ကြည့်ရင်း....

`` ကိုရင်တို့ ခနဗျာ..´´ ဟုဆိုက.. မြွေအလမ္ပါယ်ဝိုင်းဘက်သို့ ထွက်သွားလေသည်..
ခနနေတော့....အဘ ဘာလုပ်လိုက်သည် မသိ
မြွေအလမ္ပါယ်ဝိုင်းဘက်မှ ၀ရုန်းသုန်းကား ဖြင့် ပြေးသူက ပြေးကြ
နဂါးနိုင် ဆရာသန်း ဆိုသူကိုလည်း သူ့တပည့်များက နှာနှပ်နေကြလေသည်...

အဘကတော့ ခပ်တည်တည်ပြန်လာထိုင်လေသည်..
ကျုပ်တို့လည်း သိချင်စိတ်ဖြင့်..
`` အဘ.. ခုနက ဘာလုပ်လိုက်တာလည်း´´

`` ဒီလိုပါပဲကွာ ပါးပါးလေးပုတ်လိုက်တာပါ..´´

``အေးလေ.. အာ့ ပါးပါးလေးက ဘာလုပ်လိုက်တာလည်းလို့ ဆို´´

`` ဒီလိုပါပဲ ဆိုနေ..´´
`` ဟာဗျာ..´´

``ဟေ့ကောင် လင်းထက်ကိုရ.. ပြောပါကွ..ငါတို့လည်း သိချင်တယ်..´´
`` မသိချင်ပါနဲ့ဗျာ... ဘာမှ မဟုတ်ပါဘူး ယောပြန်တဲ့ဗျာ ကြည့်ပါအုံး နှာနှပ်နေရတယ်..ခိခိ´´

`` အေး..ယောပြန်ဆိုမှ သတိရတယ်..´´
`` ဘာတုံး အူးသက်လတ်ရ´´

`` ငါတို့ မနှစ်ကလိုပဲ.. မင်းတို့ရွာ သွားမယ်ကွာ´´
ကိုရင်က အားတက်သရော..
`` အေး ကောင်းတယ်..မနှစ်က ငါ မပါလိုက်ဘူးကွ...ယောကို သွားမယ်ဆိုရင် မင်းအမ မသီရိလည်း မတားလောက်ပါဘူးကွာ ဟုတ်တယ်မဟုတ်လား ´´

`` အင်း.. ကိုရင်ကလည်း မရောက်ဖူးဘူး.. အူးသက်လတ်တို့ကလည်း သွားချင်တယ်ဆိုရင်တော့.. ယောကို သွားကြတာပေါ့ဗျာ..´´
လင်းထက်ကိုကတော့..
`` ငင်.. ယောမှာ သင်္ကြန် သွားကျမယ်..ဟုတ်လား.. မဖြစ်ဘူးနော်..မနှစ်က ကတည်းက ငါကြောက်နေပြီ အောင်ဘုရ´´
`` ဟာ.. ဘာဖြစ်လည်းကွာ.. ငါတို့သွားမယ်ဆိုရင် ဟိုကောင်တွေလည်း လိုက်မှာပဲ... ဘယ်လောက်ပျော်စရာ ကောင်းလိုက်လည်း´´

`` အေးကွ... တစ်ခုတော့ ရှိတယ် အောင်ဘု..ဒီနှစ် ငါတို့..ယောက်ျားလေးတွေချည်းပဲ သွားမယ်ကွာ မိန်းခေးတွေကို ထားပစ်ခဲ့မယ်ကွာ ရှုပ်တယ်´´
`` အိုခေ..ကိုရင်က ပိုင်ပါ့မလား..´´
`` အောင်မာ.. ဘာလို မပိုင်ရမှာလည်း သူများကို မမေးပါနဲ့....မင်းကရော.. သံပုရာသီးကို ပိုင်ပါ့မလား´´

`` ဟား ဟား .. အောင်ဘုပါဗျ.. ပိုင်ပြီးသား... ´´
`` အေးပါ.. ပြီးတော့မှ မသွားရဘူးဆိုရင်တော့.. ´´
`` နားလိုက်စမ်းဘာဗျာ.. သူလား တားရဲမှာ တားရဲ တားကြည့်... ´´

`` ဒါဆို ဟိုကောင်တွေကို ဖုန်းဆက်ထားလိုက်တော့... ဒါနဲ့ ဘယ်နေ့ စထွက်ကြမလည်း´´
`` အင်း.. သင်္ကြန် မတိုင်ခင် တစ်ပါတ်လောက် ကြိုထွက်ကြတာပေါ့ဗျာ´´

``အိုကေ.. ညီစေနော်...´´

`` ညီစေပေါ့ဗျာ´´

`` ချီးယား......´´
---------------------------------------------------------------------
( အစီအစဉ် ပျက်သွားခြင်း)

ခရီးထွက်မည့်နေ့...
စုရပ်ဖြစ်သော... ကိုရင့်အိမ်သို့ ကျွန်ှုပ်တို့ သူငယ်ချင်းတစ်စု ရောက်သော အခါ
`` ကိုရင်.. ဗျို့ ကိုရင်..´´
`` ဟေ.. ၀င်ခဲ့ကြလေကွာ´´
ကိုရင့်ကို ဘယ်လိုလည်းဆိုပြီး မေးဆတ်ပြတော့..ကိုရင်က ပိုင်တယ်ကွာဆိုသော မျက်နှာပေးဖြင့်.. လက်ကာပြလေသည်..

`` ခနကွာ မင်းတို့ ထိုင်ကြအုံး...ငါ အ၀တ်စားလဲ လိုက်အုံးမယ်´´
`` ရတယ် အကို အေးဆေးပဲ´´

ကျွန်တော်တို့ တစ်တွေ ထိုင်နေကြစဉ် မသီရိမှ...
`` အော်.. အများကြီးပါလား.. သာဓုကွယ် သာဓု သာဓု´´
ထိုအခါ ရန်ရှင်းမှ...
`` တိန် အမ.. ဘာကို သာဓု ခေါ်နာတုံး´´
`` ဟင် မင်းတို့ စုပြီး တရားစခန်း ၀င် မလို့ဆို´´

ရန်ရှင်း ပါးစပ်ကို လှမ်းပိတ်သော်လည်း မမှီတော့....
`` ဘယ်ကလာ အောင်ဘုတို့ ရွာကို သွားပြီး မနှစ်ကလို ကဲမလို့ဗျ.. ကဲမလို့´´

`` ဘာ.............´´

`` တော့ ကိုရင်လူထွက်ကြီး..´´
`` ဟေ ဘာတုန်းကွာ´´
`` ဘာတုန်း မလုပ်နဲ့ အခုထွက်ခဲ့ စမ်း...´´

ကိုရင် ထွက်လာသော အခါ
`` တော် ပြောတော့... တရား စခန်း ၀င်မလို့ဆို´´
`` အေးလေ.. အာ့ ဘာဖြစ်တုံး´´
`` အောင်မာ ကြည့်စမ်း ကြည့်စမ်း...
အခုချိန်ထိ လိမ်ချင်တုံး... ရန်ရှင်းပြောလို့ သိပြီးပြီတော်ရေ့...´´
`` ငင်... သေပြီ ဆရာ´´

`` မဟုတ်ပါဘူးကွာ... အာ့ကောင်ရန်ရှင်း သပ်သပ် ကြပ်နေတာပါကွ..
ဘယ်ကို မှ မသွားဘူး... တရားစခန်း သွားမှာပါကွ..
ဟေ့ကောင်တွေ မင်းတို့ ၀ိုင်းပြောအုံးလေကွာ´´
`` ဟုတ်ပါတယ် အမရာ... ရန် ရှင်း ရူးကြောင်မူးကြောင်နဲ့ လျှောက်ပြောနေတာပါ..´´

`` တော် တန် တိတ် .....တရားစခန်းပဲ ဖြစ်ဖြစ်.. ယောပဲ ဖြစ်ဖြစ် လုံးဝ မသွားရဘူး..ဒီနေ့က စပြီး..
နှစ်ဆန်း တစ်ရက်နေ့အထိ အိမ်ထဲက အိမ်ပြင် လုံးဝ မထွက်ပါနဲ့ ဒါပဲ´´

အခြေ အနေ က ရုတ်တရတ်ပင် တင်းမာ သွားတော့သည်...ကျွန်တော်တို့လည်း.. တစ်ယောက်မျက်နှာ တစ်ယောက်ကြည့်ကာ..
ဘာလုပ်ရမှန်း မသိ ဖြစ်နေကြစဉ်....

သီဟ ရဲခေါင်မှ...
`` ကိုရင် မပါလည်း ထားလိုက်ပေါ့ကွာ..ငါတို့ပဲ သွားကြတာပေါ့...
အလကားကိုရင် ... ငါတို့ အဖွဲထဲမှာ မယားကြောက်မပါဘူးကွ....´´
`` အေး..ဟုတ်တယ်..လာ အောင်ဘု သွားမယ်´´

``နေ... နေကြပါအုံးကွ´´
`` ဟ ဘာကို နေရမှာလည်းကွ´´
`` ကိုရင် မပါရင် သွား လို့ မဖြစ်ဘူးကွ...´´
`` ဟေ.. ဘာလို့တုံး... ´´

`` ဟို လေ.. ဟိုဟာ..... သံ သံပုရာသီးက... ကိုရင် ပါတယ်ဆိုလို့ လွှတ်တာတဲ့....
ကိုရင် မပါဘဲ လုံးဝ မသွားရဘူးတဲ့....အာ့ ကြောင့်လေ... ငါ.. ငါ ကိုရင် မပါဘဲ မသွားရဲဘူးကွ...´´
`` ဘာကွ...´´
ရန်ရှင်းနိုင် ဒေါသပုန်ထလေပြီ...
`` ကတောက်စ် ယောက်ျား သိက္ခာကျလိုက်တာ အောင်ဘု ရာ.. ကိုရင်က မယားကြောက်... မင်းက ရည်းစားကြောက်
ယူတောင် မယူရသေးဘူး ဒီလောက်ကြောက်နေရလားကွာ.. ငါတို့နဲ့များကွာပါ...
ငါ့လိုကောင်ကို ဒီလိုလာလုပ်ရင် ၈တူသော ဘာသော နားမလည်ဘူး
ပိတ်ရိုက်ပလိုက်မှာ.....´´

`` ဒီမှာ ကိုရန်ရှင်း.. ခုနက စကားကို ပြန်ပြောလိုက်စမ်း....´´
ထိုအသံကြားတော့.. ရန်ရှင်းတစ်ယောက် တွန့်သွားလေသည်...

`` ငင်... ချစ်လေး မင်း မင်း ဘယ်တုံးက ရောက်နေတာတုံး..´´
``ကြာပြီ ရှင် စပြောကတည်းက ရောက်နေတာ..´´
`` တိန်...သေစမ်း´´
`` ပြောလိုက်စမ်းဘာ.. ခုနက စကားကို ပြန်ပြောလိုက်စမ်းဘာ...´´
`` ၈လေးကို ပြောပါဘူး... ဟွာလေ.. အောင်ဘုကို ပြောနေတာပါ... ဟီးဟီး´´

သွားပြီ အစီအစဉ် ပျက်ပြီ....
အားလုံး စီစဉ်ထားပြီးမှ ပျက်သွားတယ်ဆိုတော့....
ကျန်တဲ့လူတွေလည်း မျက်နှာ မကောင်းကြ....

လင်းထက်ကိုက..`` အေးလေ.. မသွားဖြစ်တော့ဘူးဆိုတော့လည်း ဘယ်တတ်နိုင်မလည်းကွာ.. ´´ဆိုတော့
`` ဟုတ်ပါတယ်... မသွားဖြစ်တာပဲ ကောင်းပါတယ်လေ.. ´´ ကိုသက်လတ်က ထောက်ခံကာ...
အထုပ်ကိုယ်စီ ဆွဲလျှက် ကိုရင့်အိမ်မှ ထွက်ခွာ သွားကြတော့လေသည်...
ကိုရင့်အိမ်မှ အထွက်....
သီဟ ရဲခေါင်မှ...`` အော်..ဟကောင်တွေ ကိုရင့်ကို နှုတ်ဆက်လိုက်ကြအုံးလေကွာ´´
`` ဟာကွာ... ဒီလောက် မိန်းမကြောက်တဲ့လူကြီး နှုတ်ဆက်မနေနဲ့ကွာ´´
`` အေး...ဟုတ်တယ်ကွာ´´
------------------------------------------------------------------------------
(ညှိနှိုင်းကြခြင်း)

အစီအစဉ်ပျက်ကာ သူငယ်ချင်းများ ပြန်သွားရတယ်ဆိုတော့...
မသီရိတစ်ယောက်လည်း စိတ်မကောင်းပြန်....
အမှန်တော့... ယောကို သွားတာကို စိတ်မဆိုး.. ကိုရင်က သူ့ကို ညာတာကိုသာ စိတ်ဆိုးခြင်းဖြစ်သည်...

ကိုရင့်အိမ်တွင် ကျွန်တော် နှင့် ရန်ရှင်းတို့ ဘာလုပ်ရမှန်း မသိဖြစ်နေစဉ်....
မသီရီက...`` ငါ့ မောင်တို့တော့ အားနာပါတယ်... ဒီလူကြီး မကြီးမငယ်နဲ့ ယွပိုးထိုးမှာကို သိလို့ မလွှတ်ချင်တာ ပါ...´´

မသီရိရဲ့ ပြောင်းလည်းသွားသော လေသံကို ရိပ်မိသော
ရန်ရှင်းက....`` အမရယ်.. ယောမှာ ဘာယွပိုးထိုးစရာရှိမှာမို့လည်း မနှစ်ကလည်း အမရောက်ဖူးတာပဲကို´´
`` ဒါတော့ ဒါပေါ့ ငါ့မောင်ရယ်... ဒါပေမယ့်.. ကိုရင့်ကို စိတ်မချဘူး..´´
`` ဟာဗျာ.. အမကလည်း စိတ်မချရအောင် ကိုရင်က ကလေးမှ မဟုတ်တာ´´
`` ကလေး မဟုတ်လို့ စိတ်မချတာပေါ့ဟဲ့..ဒီလိူကြီး အကြောင်း မသိရင်ခက်မှယ်.. လစ်ရင် လစ်သလို ယွမယ့်လူကြီး´´
`` တိန်..´´

`` အင်း... အမလည်း မင်းတို့ကို အားနာတာက တစ်ဖက်. သူ့ကို စိတ်မချတာက တစ်ဖက် ဆိုတော့..
အကောင်းဆုံးဖြစ်သွားအောင်... ဒီလိုလုပ်.. မင်းတို့ ယောကို အမပါ လိုက်မယ်...ဘယ်လိုလည်း..´´
`` ဟာ ကောင်းတာပေါ့ အမရ...´´ ကျုပ်လည်း ရတဲ့ အခွင့်အရေးကို အမိအရ အသုံးကျကာ ပြောလိုက်တော့..

`` ဝေးး.. ဟေးးး... အစီစဉ်ပျက်ဘူး... သွားဖြစ်ပြီတဲ့ကွ´´အော်လိုက်တဲ့ လူတွေက..
စောစောက ပြန်သွားပြီဆိုသော... သူငယ်ချင်း တစ်အုပ်....

`` ဟင်..မင်းတို့က.. ဘယ်တုံးက ပြန်ရောက်လာပြီး နားထောင်နေတာလည်း´´
`` ကျုပ်တို့က တစ်ကယ် မပြန်ဘူးဗျ... ဒါတွေကြိုမြင်လို့ ခိုးနားထောင်နေတာ´´
``ကောင်းကွာ´´

ထိုအချိန် ချစ်ခွန်းချိုက တစ်စခန်းထလေတော့သည်...
`` မသီရိပါ လိုက်ရင် ညီမလည်း လိုက်မယ်..´´
`` အေးပေါ.. ညီမရဲ့.. ညီမတင်မကဘူး.. သံပုရာ သီးကိုလည်း ခေါ်ရမယ်..
ဗူးနွယ်ကိုလည်း ခေါ်ရမယ်.. နွယ်နွယ်အောင့်ကို လည်းခေါ်ရမယ်.. သမီးလတ်ကိုလည်း ခေါ်ရမယ်..
မူးပိုင်လည်း ခေါ်ရမယ်... အို အကုန်ခေါ်ရမှာပေါ့... ကျေနပ်လား ကိုရင်..´´

အားမတန်လို့ မာန်လျှော့ရသော လေသံဖြင့်
`` ကျေနပ်ပါတယ်.ကွာ..´´
-----------------------------------------------
( ၁၀၉/ ၁၁၀၏ ဆေးကျမ်း)

ကျွန်တော်တို့ တစ်သိုက်... ခရီးထွက်လာရင်း ထမင်းစားနားသော အခါ ပြဿနာ စတော့ သည်...

အမှန်ဆိုရင်တော့... ကျွန်တော်တို့ ယောက်ျားလေးတွေက ထမင်း မစားချင်သေး...
ဘီယာပဲ သောက်ချင်နေကြသည်... သို့သော်... သောက်လည်း မသောက်ရဲကြ...

ကိုရင်က.. ``ဟေ့ကောင် အောင်ဘု ကြံစမ်းပါအုံးဟ... ငါ ဘီယာ သောက်ချင်လို့´´
`` ဘယ်လိုကြံရမှာတုန်းဗျ... ကျုပ် လည်း ငတ်နေတာ ခီညား အသိပဲကို..´´
`` အေးကွာ.. အခုမှ မသောက်ရရင် မင်းတို့ရွာမှာ ဘီယာရှိတာ မဟုတ်ဘူးကွ´´
`` ဒွတ်ခပါပဲ ကိုရင်ရာ.... ကျုပ်ဘယ်လိုလုပ်ရမတုန်း.. ကျုပ်လည်း သောက်ချင်တာပဲကို...´´

ထိုအချိန်...၁၀၉/၁၁၀က
အားလုံးကြားလောက်သော လေသံဖြင့်...
`` ရာသီဥတုက အရမ်းပူတာပဲကွာ.... ဒီလိုသာ ပူရင်တော့... အကုန်ဖျားနာ ကုန်တော့မှာပဲ´´
သီဟက..`` အေးကွာ.. ဒီလောက်ပူတာ ဘယ်လို လုပ်ရင်ကောင်းမလည်း´´

``မပူပါနဲ့ကွာ.. ဆေကျမ်းတစ်ခု ငါဖတ်ဖူးတယ်ကွ...´´
`` လုပ်စမ်းပါအုံး ဟ´´

``ထိုထို ယောက်ျား ဘီယာခါးကို
တစ်ခွက် တစ်ဖလား..
သောက်သော်ငြား
ဆီးဝမ်းလည်းရွှင်..
အပူဒဏ်ခံ...
အားအင်ပြည့်ဖြိုး..
ကျက်သရေတိုး၏... တဲ့ကွ´´

`` ဟေ..ဟုတ်လားကွ.. အာ့ဆိုရင်တော့ အပူဒဏ်ခံနိုင်အောင်...ဘီယာလေး ချအုံးမှပါ...
ဟေ့ ညီလေး.. မြန်မာ ငါးလုံးချကွာ..´´ဒီအကွက် ချောင်းနေသော.. ရန်ရှင်းက ပြောပြောဆိုဆို မှာလိုက်လေသည်..

ဒါကို သံပုရာသီးက...
`` ဘီယာ က အပူဒဏ် ခံနိုင်တယ်ဆိုရင် ငါတို့လည်း သောက်မယ်လေ...´´
`` အေး ဟုတ်တယ်.. ´´

`` မရဘူး.. မရဘူး နင်တို့ မိန်းခေးဒွေ သောက်လို့မရဘူး´´
`` ဘာလို့တုန်း..´´
``ဆေးကျမ်းထဲမှာ ဒီလိုပါတယ်ဟ..´´
``ဘယ်လိုပါတာလည်း´´
`` မိန်းမဟူဘိ
ဣထိတို့ကား...
နေပူ နွေခေါင်
ဘီယာရှောင်လော့..
သောက်မိပါမူ..
သူ၏ ကေသာ ပျက်ခါကျသည်..
ကတုံးမများ ဖြစ်လေသတည်း´´

`` တိန်.. ဟုတ်ရဲ့လား ၁၀၉/၁၁၀ ရယ် ငါဖြင့် တစ်ခါမှ မကြားဖူးပါဘူး..´´
`` နင်တို့ကဗဟုသုတာ နည်းတာကိုး... ဆေးကျမ်းထဲမှာ ငါ ဖတ်ထားလို့ ပြောပြတာ..´´
`` ဘယ်ဆေးကျမ်းတုံး..´´
`` မသိချင်စမ်းပါနဲ့ဟာ´´

အမှန်ပဲ ယုံသွားတာလား.. ပြောလို့မရမှန်းသိလို့ လွှတ်ပေးလိုက်တာလားတော့ မပြောတတ်...
ကျုပ်တို့လည်း ၁၀၉/ ၁၁၀ ကျေးဇူးကြောင့် ဘီယာကို ဘေးမသီ ရန်မခဘဲ သောက်နိုင်ခဲ့ကြတော့သည်...

အားလုံး စားသောက် ပြီးသော အခါမှ... ကိုသက်လတ်က..
`` ဟေ့ကောင် ၁၀၉/၁၁၀ မင်းဆေးကျမ်းက ကောင်းလှချည်လားကွ..
ဒူရေးထားတဲ့ ဘာဆေးကျမ်းတုံး´´
`` ကျုပ်ရေးထားတဲ့.. ယမကာ အာဟာရ ဆေးကျမ်းကြီးလေဗျာ´´
`` တိန်...´´

-----------------------------------------------------------------
(ရွာအ၀င် တမာတန်းက လက်ကမ်းလို့ကြိုသူ)

ကျွန်တော်တို့ သူငယ်ချင်း တစ်သိုက်... ညနေစောင်းအချိန်တွင်...
ကျွန်ှုပ်၏ မွေးရပ်မြေ သံတောင်ရွာ အ၀င်သို့ရောက်ရှိလာခဲ့ကြတော့သည်...

`` ဟေ့ အောင်ဘု.. ဟိုနေရာကို မှတ်မိလား..´´
`` ဘယ်နေရာလည်း ရန်ရှင်း ရ....´´
``ဟိုမှာလေကွာ.. ညောင်ဖြူပင်ကြီး´´
`` သြော်... အဘ.. ရတနာသိုက်တူးခဲ့ရတဲ့.... နေရာကို ပြောတာကိုး....ခိခိ´´
`` ဂဒေါင်းဂျားတွေ.. မနှစ်က ကိစ္စကို ဒီနှစ်ကို ယူမလာနဲ့..´´

ကိုရင်လူထွက်က.. ``အော် `သံတောင် ရွာတောင် ခွေးတစ်ဟောင် ညောင်ဖြူပင်ရင်း ရွှေတစ်တင်း ´ဆိုတဲ့ .. ရတနာသိုက်လား..´´

`` တော်တော့ ကိုရင်ရာ.. ကျုပ် အာ့အကြောင်းတွေ သတိရရင် စိတ်နာလွန်းလို့...´´ဘိုးအေကြီး အဘလင်း တစ်ယောက်
အတိတ်က ဝေဒနာ များ အသစ် ပြန်ဖြစ်လာခဲ့တော့သည်....
`` အဘ ကျေးဇူးကြောင့်... အောင်ဘုတို့ တစ်သိုက်.. ရတနာ သေတ္တာကြီး ရခဲ့ကြတယ်ဆို..ခိခိ´´
`` အာ... ဒီ မှူးပိုင်ကတစ်မျိုး... သူတောင်စား..ခွက်စုတ်တွေကို... ရတနာ ဆိုပြီး..ဖော်ခိုင်းခဲ့တာလေ´´
အဘလင်းခေါ် လင်းထက်ကို ကို ၀ိုင်း စနေကြသဖြင့် ပင်ပန်းခဲ့သမျှ ရယ်မောကြရင်း...အမော ပြေရပြန်သည်....

လင်းထက်ကိုကလည်း မခေ.. ရန်ရှင်းကို အညှာ ပြန်ကိုင်သည်...
`` ဟေ့ကောင်.. ရန်ရှင်း...ခတ္တာလေး တစ်ယောက်တော့...မင့်ကို မျှော်နေတော့မှာပဲကွ..နော်´´
``ငင်.. အဘ.. အာ့တွေ မပါကြေးလေ...´´
ခေတ္တာ ဆိုသော အသံကြောင့် ရန်ရှင်း တစ်ယောက် နှုတ်က ဘာမှ မပြောရဲတော့...

`` ဟေးးး.. အောင်ဘု.. နင် ရွာကို အလည်ပြန်လာတာလား...´´
`` အော်..ခတ္တာပါလား.. အသက်ရှည်အုံးမယ်..ခိခိ´´
ခတ္တာကိုမြင်တော့.. ရန်ရှင်း အသံတောင် မထွက်နိုင်...

``ဟဲ့ ခေတ္တာ.. နင့်လက်ထဲက.. ရေအိုးကြီးနဲ့.. ရေခပ်ဆင်းမလို့လား..´´
`` မဟုတ်ပါဘူး အောင်ဘုရယ်.. ငါ ရေတော် သွားဆက် မလို့ပါ..´´
`` ဘာ.. ဘာ.. ဘယ်လို..ဘယ်ကို ရေတော်သွားဆက်ရမှာလည်း´´
``အော် နင် မသိသေးဘူးကိုး.... နဂါး ဗိမာန်ကို သွားဆက်ရမှာလေ..´´
`` ငါ့ကို ရှင်းရှင်းပြောဇမ်းဘာဟာ.. ဘယ်တုံးက နဂါး ဗိမာန်ပေါ်လာတာတုံး...´´
`` ရွာထဲရောက်မှ မေးကြည့်တော့ဟာ... နောက်ကျနေပြီဟ´´
`` ဟင်...´´

အံ့သြမိပါသည်.. အမှန်ပင် အံ့သြရပါသည်... ခါတိုင်းနှစ်များ ကျွန်တော်ရွာပြန်ရောက်ချိန်တွင်..
ပထမဦးဆုံး တွေ့မိသူက.. ၀မ်းသာအားရ.. ရွာထဲသို့ အပြေးအကြောင်းကြား ကြစမြဲ...
ဧည့်သည်ပါလာလျှင် ပိုဆိုးသည်.. ဧည့်သည် အင်မတန် လာခဲသော ရွာမို့..
ဧည့်သည်လာ လျှင် ဧည့်ဝတ် အလွန်ကျေသော ရွာ...
အခုတော့.. ကျွနှုပ်နှင့် ဧည့်သည်များကို ပင် ဂရုမစိုက်အား..
မနေ့တစ်နေ့ကမှ ဘယ်ကမှန်း မသိ ပေါ်ပေါက်လာသော...
နဂါးဗိမာန်ကိုသာ ဂရုစိုက်ခဲ့လေပြီ...
ကျွန်တော့်စိတ်ထဲတော့ နာကျင်ဝမ်းနည်းမိပါသည်...

ကျွန်တော်ဖြစ်ပုံကို.. သီဟ ရဲခေါင်က ရိပ်မိသည်ထင်..
`` အောင်ဘုရာ..မင်းကလည်း.. သူက.. မင်းကို မနှုတ်ဆက်ချင်တာ မဟုတ်လောက်ပါဘူး..ကွာ..
အခု ရန်ရှင်းနဲ့ ချစ်ခွန်းချိုကို မြင်လို့....သူ မျက်နှာပူလို့နေမှာပေါ့..´´
သီဟ ပြောမှ သေခြာကြည့်မိသည်... ရန်ရှင်းနိုင် ထွက်ပြေးမှာ စိုးလို့လားမသိ..
ချစ်ခွန်းချိုတစ်ယောက် ရန်ရှင်းလက်ကို လုံးဝ မလွှတ်တမ်း ဆွဲထားလေသည်...

`` အင်း..ဟုတ်မှာပါလေ..´´
-----------------------------------------------------------------
(ပြောင်းလည်းခြင်းကြားက မပြောင်းလည်းသော အရာများ)

သို့ဖြင့် ရွာထဲသို့ ခြေချမိသည်နှင့်...
`` ဟေ့ကောင် အောင်ဘု.. ညီလေး..´´
`` ဟာ... အကို ကိုအောင်ဒင်...´´
`` ငါ ထင်တော့ ထင်သား.. ဒီနှစ်လည်း မင်းတို့ပြန်လာလိမ့်မယ်လို့...လာကြဟေ့..
အော.. ရန်ရှင်းတို့.. သီဟတို့...သက်လတ်တို့ရောပါလား..လာလာ´´
မနှစ်ကတည်းက ခင်မင်ရင်းစွဲရှိထားသဖြင့်.. သူတို့နှင့်လည်း ညီရင်း အကိုတစ်မျှ ဖြစ်နေကြပေသည်ကိုး...

`` အရီးမြ.. အုန်းလေး လှတင်.. ကျုပ်ညီပြန်လာပြီဗျ... ဒီနှစ်ရွာမှာ သင်္ကြန်ကျမလို့တဲ့ဗျိုး´´
``ဟ.. အောင်ဘုတို့ပါလား..ဧည့်သည်တွေလည်း ပါတယ်ဟေ့.. ဟဲ့.. မိနွဲ့တို့.. မိသွဲ့တို့...
နင်တို့ အမတွေ အ၀တ်အိတ်တွေ ၀ိုင်းသယ်ပေးလိုက်ကြလေ..တကည်းမှပဲ..ပြောနေရတော့တာပဲ´´

ကျွန်တော်တို့ရွာ တစ်ရွာလုံး.. ကျွန်တော်တို့ သူငယ်ချင်း တစ်စုအား..၀မ်းသာအားရ ဆီးကြိုသံများဖြင့်...
ဆူညံသွားပါလေရော.....
ဒီလိုဆိုပြန်တော့.. ရွာအ၀င်မှာ စိတ်မကောင်းခဲ့သမျှ.. အခုတော့လည်း ပျောက်ပျက်သွားပါရောလား...

အိမ်သို့ရောက်သောအခါ...
``ဟေ့အောင်ဘု.. ဒီနေ့ညနေ..ငါတို့အိမ် ထမင်းလာစားရမယ်နော်....´´
``အောင်မာ.. ဒီလို လုပ်လို့ ဘယ်ရမလည်း... အောင်ဘုဆိုတာ.. ငါ့မောင်..ငါ့အိမ်မှာပဲ စားရမှာပေါ့
နင်တို့က ထုံးစံအတိုင်း ဟင်းတစ်ခွက်စီပို့ ဒါပဲ´´
`` ဟုတ်ကဲ့ပါ.. မကြည်ရာ....ရမလားလို့ ပြောကြည့်တာပါ.. ဒါပေမယ့်..မနက်ဖြန်တော့.. ကျုပ်တို့အိမ်စားရမယ်ဗျို့..´´

`` ဟေ့လူကြီး.. မနှစ်ကလို လက်ဝှေ့ထိုးအုံးမလားဗျ´´ရွာထဲက ထွန်းတင်ရဲ့ အမေးကြောင့်
အမေးခံရသော အဘလင်း..
ဇက်ကလေးပုသွားပြီး...
`` ဒီနှစ်တော့ ထိုးဘက်မရှိလို့ ထိုးဖြစ်မယ်မထင်ပါဘူးဗျာ..´´ဟု
အလိမ္မာသုံးကာ ဖြေလိုက်ရသည်...
သို့သော်...
`` ထိုးဘက်မရှိလည်း မပူနဲ့ဗျ.. တောင်ပိုင်းက.. လက်ဝှေ့ကျော် အုန်းမောင်နဲ့.. ထိုးခိုင်းလိုက်မယ်..´´
`` ငင်..´´´
`` ဟျောင့် အောင်ဘု လုပ်အုံးဟ... မင်းရွာရောက်မှ... ငါ သေကိန်းမြင်နေပြီ´´
``ကဲပါကွာ.. သူလည်း ဒီနှစ် လက်ဝှေ့မထိုးတော့ပါဘူး.. ဒါပေမယ့်.. မနှစ်ကထက် သာစေရမယ်လို့..
ငါတို့ တစ်ဖွဲ့လုံးက အာမခံတယ်ကွာ... ဟုတ်ပြီလား´´
``အေး..ကောင်းတယ်ကွာ´´

``အဲ.. အောင်ဘုရေ.. ဒီပုံစံအတိုင်းဆိုရင်တော့.. ပွဲလုရတော့မယ်ထင်တယ်.ဟေ့´´
``အယ်.. ဒီနှစ် ဘယ်က ကျလို့တုံးဗျ..´´
`` ဝေလံကုန်းက ကျတာကွ´´
`` အာ...ခက်ပြီ.. ဒါဆိုလည်း လုမနေပါနဲ့တော့ အကိုရာ... သူတို့ဆီပဲ သွားအားပေးတာပဲ ကောင်းပါတယ်..´´
`` ဘယ်ဖြစ်မလည်းကွ... သူတို့လုပ်မယ့် ပွဲက.. ရိုးအီနေပြီ.. မင်းတို့လုပ်မယ့်ပွဲကမှ..ကောင်းမှာပေါ့..´´

ကျွန်တော်တို့ ညီအကို နှစ်ယောက် အပြန်အလှန်ပြောသော စကားများကို ကိုရင်လူထွက်က နားမလည်ဘူးထင်...
`` အောင်ဘု.. အကို့လည်း ရှင်းပြလေကွာ.. ဘာတွေ လုရမှာတုံး.. ´´
`` ဒီလိုဗျ.... မနှစ်က ကျွန်တော်တို့ရွာက နှစ်ဆန်း တစ်ရက် ဧည့်ခံ ကျထားတာကိုး...
ဒီတော့ဗျာ... ဒီနှစ်က တစ်ခြားရွာ ကျတယ်လေ...´´
`` ဟာကွာ.. ငါက ဒီနှစ် မင်းတို့ရွာမှာ.. အပြတ်ကဲမယ်လို့..အားခဲပြီးလိုက်လာတာကွ.. အခုတော့ကွာ´´
`` မဟုတ်သေးဘူးကိုရင်ရ.. နှစ်ဆန်း တစ်ရက် ဧည့်ခံ ကို ကျွန်တော်တို့ရွာ ကျအောင်..ပွဲလုရင်တော့ ရတယ်´´
`` ဟေ.. အာ့လို လုရမယ်ဆိုရင်တော့ မလုပ်ပါနဲ့ကွာ´´
``မဟုတ်ဘူးလေ.. ပွဲလုတယ်ဆိုတာ.. ဒေသသုံးစကားပါဗျ.. ဟိုလိုလုရတာ ဘယ်ဟုတ်မလည်း...တစ်ရွာနဲ့ တစ်ရွာ ညှိလိုက်ကြတာပေါ့ဗျာ..
ဟိုဘက်ရွာကလည်း.. သူတို့ထက် ကောင်းအောင် လုပ်နိုင်မယ်ထင်ရင်.. ပေးလိုက်တာပဲလေ...´´
`` အော်..´´
`` အော်မနေနဲ့... ဒီနှစ် ကိုရင် ဦးဆောင်ပြီး သူတို့ထက် သာရပါစေမယ်လို့....အာမခံလားပြော...´´
``အေးကွာ.. ချ... ငါ ဦးဆောင်မယ်..´´
`` အိုကေ.. ဒါဆို..အကို.. ပွဲလုဖို့သာ.. လုပ်လိုက်တော့..´´
`` အေးအေး.. ငါ့ညီ.. ဒီညပဲ.. လူကြီးတွေနဲ့တိုင်ပင်ပြီး.. မနက်ဖြန် လုလိုက်တော့မယ်..´´

ထိုအချိန် သက်ပြင်းရှည်ကြီး ချသံ ကြားလိုက်သဖြင့် လှည့်ကြည့်လိုက်တော့....
မသိရီက.. မကြားတကြား...ရေရွတ်လိုက်သည်..
``သူ ဦးဆောင်မယ်ဆိုရင်.. မျက်ခုံးလှုပ်တယ်... ဘာတွေဖြစ်အုံးမလည်း မသိဘူး..´´ တဲ့....
-----------------------------------------------
( ဆရာတော်နှင့် စကားစမြည်)

နောက်တစ်နေ့....
`` အောင်ဘုရေ... မင်းကို.. ဆရာတော်က ခေါ်ခိုင်းလိုက်လို့ကွ..´´
``အော်...ကပ္ပိယကြီးပါလား... အင်း.. ကျုပ်လည်း လာမလို့ပါပဲ..ဗျ.. ညက..
မိုးချုပ်သွားလို့ မလာဖြစ်တော့တာ...´´

ရွာဦးဆရာတော်.. ဘကြိးဘုန်းကြီးက..
ခါတိုင်းဆိုရင်တော့.. အကြောင်းမရှိဘဲ.. မခေါ်ခိုင်းတတ်..
အခု.. ဘာများ အရေးကြီးလည်းမသိ....

``ဟေ့..အောင်ဘုငါတို့ရော လိုက်ခဲ့ရအုံးမလား..´´
`` လိုက်ခဲ့ကြလေ.. ဆရာတော်ကိုတော့ ဖူးရအုံးမယ် မဟုတ်လား´´
``အေး..အေး.. လှူစရာလေးတွေ ယူလိုက်အုံးမယ်ကွာ...´´

ဆရာတော့်ကျောင်းရောက်တော့.....

`` အော်.. ဧည့်သည်တွေ ပါလာကြသကိုး.... အိမ်း..အိမ်း.. ´´
`` တင်ပါ့ဘုရား.. အဘ ခေါ်လွှတ်တယ်ဆိုလို့.. တပည့်တော်တို့.. လာခဲ့ကြတာပါဘုရား..
အဘ ဘာများ အကြောင်းရှိလို့ ခေါ်လိုက်တာလည်း ဘုရာ့´´

``အကြောင်းကတော့ ဒီလိုကွ.... မင်းတို့ တစ်သိုက်.. မနှစ်ကလို ဧည့်ခံမယ်လို့ သတင်းကြားတယ်.. ဟုတ်ရဲ့လား´´
`` မှန်ပါ့ဘုရား.. ´´
`` အေး.. ဒီတော့ ဝေလံကုန်းရွာ က ဆရာတော်နဲ့ ညှိပေးဖို့ ရွာလူကြီးတွေက မနက်ကပဲ ငါ့ကို လာ လျှောက် သွားတယ်..´´
`` တင်ပါ့ ဘုရား.. ´´
`` ငါကတော့.. ဧည့်ခံ ဖြစ်သည် ဖြစ်စေ မဖြစ်သည် ဖြစ်စေ ငါ့အတွက် ကိစ္စ မရှိလှပါဘူးကွယ်.....
ဒါပေသိ.. မင်းတို့ သူငယ်ချင်းတွေက ဒီရွာအတွက် အားကျိုးမာန်တတ်.. ၀ိုင်းဝန်းကူညီကြမယ်ဆိုတော့..
ငါ့အနေနဲ့.. ဆောင်ရွက်စရာရှိတာ ဆောင်ရွက်ရမယ်ကိုး...´´
`` တင့်ပါ့ဘုရား´´
`` ဒီတော့ မင်းတို့ကို တစ်ခု ပြောချင်တာက.. မင်းတို့ရောက်တဲ့ နေ့က စပြီး.. ပြန်တဲ့ အထိ.. ရွာက အရက်ဆိုင်ကို ပိတ်ခိုင်းထားရလိမ့်မယ်.. ´´
`` တိန်.. အဘ.. ဒါတော့ ... မဖြစ်´´
`` တိတ်စမ်း.. ဘာ မဖြစ်ရမှာလည်း´´

`` မဖြစ် ဖြစ်အောင် ပိတ်ခိုင်းလိုက်ပါလို့ ပြောမလို့ပါ ဘုရား´´
`` အောင်ဘုနော် အောင်ဘု.. ငါ နင့်အကြောင်း မသိရင်ခက်မယ်..
ကျေနပ် သလား မကျေနပ်ဘူးလား.. ဒါပဲ ပြောစမ်း´´
``မကျေနပ်´´
`` ဘာ..´´
`` ဟို လေ.. မကျေနပ်စရာ ဘာမှ မရှိပါဘူးလို့ လျှောက်မလို့ပါဘုရာ့´´
`` ဟင်း.ဟင်း.. ကိုင်း သွားလို့ ရပြီ´´

`` ဟျောင့် အောင်ဘု ဘယ်လို လုပ်ကြမလည်း.. မင်း ဘကြီး ဘုန်းကြီး ကလည်း.. ရက်စက်လွန်းပါတယ်ကွာ´´
`` အေးလေ.. ငါတို့က သင်္ကြန် တွင်း တစ်တွင်းလုံး.. ရေသောက်နေရမှာလားကွ´´
`` အာ.. ခီညားတို့ကလည်း အသာနေစမ်းဘာ...
ဘယ်လောက် ပိတ်ပင်ထားတဲ့ ပစ္စည်းပဲ ဖြစ်ဖြစ် မှောင်ခိုဈေးကွက်ဆိုတာ ရှိပါတယ်ဗျ´´
``သေခြာတယ်နော်...´´
`` စိတ်ချစမ်းဘာဗျာ..´´
----------------------------------------------------------------------------
( ပွဲလုကြခြင်း)

ညနေစောင်းတွင် ကျွန်ှုပ် အကို ကိုအောင်ဒင်နှင့်
ရွာလူကြီး တစ်ချို့... နောက်ပြီး.. ဝေလံကုန်းက ရွာလူကြီး တစ်ချို့.. ရောက်လာကြသည်...

`` အောင်ဘုရေ.. ဟေ့ အောင်ဘု..´´
`` ဗျာ..´´
`` အေး..လာပါအုံးကွ´´
``ဘာကိစ္စလည်း အကို..´´
`` ဒီလိုကွ.. ဟော့ဒီ ဝေလံကုန်းက လူကြီးတွေကလည်း.. ပွဲ မပေးနိုင်ဘူး ဖြစ်နေတယ်..´´
`` ဗျာ..´´
`` ဒီလို ပါ ငါ့တူရဲ့.. အဘတို့ ဒေသတစ်ဝိုက်က.. အင်မတန် ပွဲရှားတဲ့ ဒေသ ဖြစ်နေလေတော့..´´
`` ဟုတ်..´´
`` ဒီနှစ် အဘတို့..ရွာက.. အရပ်ပြဇာတ်လေး... လုပ်ဖို့ စိတ်ကူးထားလို့ပါ့...´´
``အဲဒီတော့..´´
`` အဲဒီတော့.. မင်းတို့ မြို့က လူတွေ အနေနဲ့ အဘတို့လို ပြဇာတ်လေး ဘာလေး ထည့်မယ်ဆိုရင်တော့..
အဘတို့က.. ပေးဖို့ အဆင်သင့်ပါပဲကွယ်.. တို့တောက ထက်တော့ မင်းတို့ သာအောင် လုပ်နိုင်မှာပါ..´´

စဉ်းစားရပြီ.. သူတို့ကလည်း.. ဒီပွဲအတွက် အားခဲပြီး ပြဇာတ် ခင်းမယ်..
ကျုပ် တို့ အလွန်ဆုံး လုပ်နိုင်လှ.. မနှစ်ကလို သီချင်းဆို.. ယိမ်းက.. ဒီလောက်ပဲ လုပ်နိုင်မှာ..
ပြဇာတ်ဆိုတာက အပြောသာ လွယ်တာ.. အင်မတန်ခက်ခဲ့တဲ့ အလုပ်..

အတန်ကြာ စဉ်းစားပြီး... ပွဲမလုတော့ဖို့ ဆုံးဖြတ်ချက် ချလိုက်မိတယ်...
ဒါပေမယ့်...
ကိုရင်က...
`` ဟျောင့် အောင်ဘု မင်းဘာတွေ စဉ်းစားနေတာလည်း...
သူတို့က ပြဇာတ်ဆိုတော့လည်း..ငါတို့က ပြဇာတ်ကလိုက်ရုံပေါ့ကွာ...´´
`` ဖြစ်ပါ့မလား..ကိုရင်ရ.. ´´
`` ဖြစ်ပါတယ်ကွာ.. ငါအာမခံတယ်..´´
``ကဲ.. ဘကြီးတို့ ကြားကြတဲ့ အတိုင်းပဲ.. ကျုပ် အကိုကြီးက.. သူအာမခံတယ်တဲ့´´
`` အင်း.. ဒါဆိုရင်တော့.. အဘတို့ဘက်က.. ပွဲကို ကျေကျေနပ်နပ်ကြီး လွှဲပေးပါတယ်ဗျာ..
တစ်ခုတော့ ရှိတယ်နော....မင်းတို့ကမယ့်ပွဲကို.. အကုန်လာကြည့်ကြမှာဗျ..´´

``စိတ်ချစမ်းဘာဗျာ.. ကျုပ် ဦးစီးတဲ့ ပွဲ မကောင်းရင်..ကျုပ်ကို ခဲနဲ့သာထု..´´
`` ယုံပါတယ်ကွယ်..ယုံပါတယ်..´´
-------------------------------------------------------------
(သူကြီး အိမ်တွင် ကိုရင် သောင်းကျန်းခြင်း)

`` ကိုရင် ဖြစ်ပါ့မလား..ဗျ... သင်္ကြန်က ဘာမှ မလိုတော့ဘူး..
ပြဇာတ်ကဖို့က.. ဘယ်မလည်း .ဇာတ်ထုပ်..ဘယ်မလည်း သရုပ်ဆောင်..´´
`` လွယ်ပါတယ်ကွ´´
`` ဘာလွယ်တာတုံး..ကိုရင်.. ပေါက်ကရတော့ မလုပ်နဲ့နော်´´
``သရုပ်ဆောင်က.. ငါတို့အားလုံး သရုပ်ဆောင်မယ်...´´
``ငင်..´´
`` ပြဇာတ် ရေးဖို့ကတော့ကွာ.. ဒီ တစ်ညတည်းနဲ့ ရေးလို့.. ဖြစ်ပါတယ်..´´
`` ဟုတ်ကော ဟုတ်ရဲ့လားဗျာ..´´

`` ဟုတ်ပါတယ်ကွ.. ကိုရင်ပါကွ.. မပိုင်ရင်.. လေတောင် မလည်ဘူး´´
`` မျက်ခုံးလှုပ်တယ်..´´

`` ဒါပေမယ့်ကွာ.. မင့် ဘကြီး ဘုန်းကြီး..အမိန့်နဲ့.. ငါတို့ မှာ..ယမကာ ငတ်ပြီကွ..
ယမကာလေး မှီဝဲရမှ.. ငါ ပြဇာတ်ရေးလို့ ရမှာကွ...´´
`` အေး.. အာ့တော့ ဟုတ်တယ်... အောင်ဘုရ.. ငါတို့လည်း သောက်ချင်နေပြီ..´´

`` ကျုပ်မှာ အကြံတော့ ရှိတယ်ဗျ..´´
`` ပြောပါအုံးဟ..´´
`` မနှစ်က မပါတဲ့ လူက ကိုရင်ဆိုတော့.. ကိုရင့်.အပေါ် အများကြီး မူတည်တယ်..´´
`` အရက်သာ ရပေ့စေကွာ.. ငါဘာလုပ်ရမလည်း ပြော´´
`` ဒီလိုလေဗျာ...@#%$#^%%#%^$%$@%@$@%}´´

`` ဟ..ဖြစ်ပါ့မလား.. အောင်ဘုရ..´´
`` ဖြစ်ပါတယ်ဆိုဗျာ...´´
`` ဟုတ်တယ်. ခုနက ပြောတော့. ကိုရင်ပဲ ဘာမဆိုလုပ်မယ်ဆို´´
`` အေးကွာ..အေးအေး..´´

ဒီလိုနဲ့....

`` သူကြီး ...ဗျို့..သူကြီး...´´
`` ဟေ့ ဘယ်သူတုံးကွ.. ငါ့အိမ်ရှေ့လာ အော်နေတာ..´´
`` ဘယ်သူတုံး မလုပ်နဲ့... လူအရင်ထွက်ခဲ့စမ်းဘာ..´´

`` အော်.. ဘယ်သူများလည်းလို့... အောင်ဘု ဧည့်သည်ပါလား.. ဘာအကြောင်းများ ရှိလို့လည်း...´´
``ဟုတ်တယ်.. အောင်ဘု ဧည့်သည်ပဲ.. ခီညားတို့ ရွာက.. ဧည့်သည်ကို ဧည့်ဝတ် မကျေပါလားဗျ.. ဟင်´
`` ဟေ.. ဘာများ ဖြစ်လို့လည်း ငါ့တူရယ်... ဘယ်သူက ဘာပြောလိုက်လို့လည်း´´
`` ဘယ်သူမှ ဘာမှ မပြောဘူး.. တာဝန် မကျေတာ ခီညားဗျ.. ခီညား..´´

``ငါ လည်း ဘာမှ မလုပ်မိပါဘူး.. ကွယ်´´
`` ဘာမှ မလုပ်လို့ ပြောနေတာပေါ့ဗျ´´

``အာ့တော့ သည်းခံပါ..ငါ့တူရယ်.. မလုပ်ပါရစေနဲ့ ငယ်ငယ်တုံးကသာ ၀ါသနာပါခဲ့တာပါ...
အခုတော့...ငါလည်း အသက်ကြီးပါပြီ ..
စိတ်သွားတိုင်း ကိုယ်မပါတော့ ပါဘူးကွယ်´´

``တိန်.. ခီညားကြီး ဘာတွေ ပြောနေတာလည်းဗျ....ကျုပ်ပြောနေတာက.. အရက်ရှာမရလို့ ပြောတာ´´
`` အေးလေ.. ငါလည်း အာ့ကို ပြောတာပဲ.. ငယ်ငယ်တုံးကသာ သောက်တာလို့.. အခု မသောက်တော့ဘူးလို့ ပြောနေတာ..´´
``တော်ဇမ်းဘာဗျာ... ကျုပ်တို့မှာတော့..ခီညားတို့ ရွာအတွက်... ပြဇာတ်တိုက်ဖို့.. ခေါင်းပူအောင် စဉ်းစားလိုက်ရတာ..
ခီညားတို့ကတော့.. အရက်လေး တစ်လုံးတောင် တိုက်ဖော်မရဘူး.. ဒါလားဗျ..ဧည့်ဝတ်ကျေတာ..´´

`` အော်.. အစကတည်းက..ပြောပါလား ငါ့တူရယ်.. ဘကြီး အိမ်မှာ ဆေးဖော်ဖို့ သိမ်းထားတဲ့.. အရက်တော့ ရှိတယ် ..အာ့ ယူသွားကွယ်..´´

`` အာ့ကြောင့် ကျုပ် ဒီရွာကို ချစ်တာဗျ.. ခိခိ´´
---------------------------------------------------------------------------------------------
( နောက် နေ့များအတွက် အရက်ရရန်..ကြံစည်ကြခြင်း)

သူကြီး ပေးလိုက်သော အရက်ကို အားလုံး မျှသောက်ရတော့.. အာမစွတ်ကြ...
သို့သော်လည်း မတတ်နိုင်....ဒါပဲ ရှိတော့ ဒါပဲ သောက်ရတော့မည်...

ကိုရင်က စပြီး..
`` ဟေ့ကောင် အောင်ဘု.. နောက်နေ့ တွေတော့..ဒီလိုမလုပ်နိုင်တော့ဘူးနော်..
ဒီနေ့လည်း သွားသာ ပြောရတာ.. မျက်နှာတော့ ပူတယ်ဟ´´
`` အာ့တော့ ဟုတ်တယ် အောင်ဘု... နေ့တိုင်းကြီး သူကြီး အိမ်ကို သွားသောင်းကျန်းလို့ မဖြစ်ဘူး..
တော်ကြာ..ထိပ်တုံးစာ မိနေမယ်..´´
`` အေးပေါ့ဗျာ.. နောက်နေ့တော့.. တစ်မျိုး စဉ်းစားတာပေါ့ဗျာ..´´
ထို အခါ ကျွန်ှုပ် အကို ကိုအောင်ဒင်က..
`` ငါ့မှာ တော့ အကြံ တစ်ခုရှိတယ်ကွ...´´
`` ဘာလည်း အကိုရ..လုပ်စမ်းပါအုံး..´´
``အခုတော့ ပြောလို့ မဖြစ်သေးဘူးကွ.. ဒီကိစ္စက လူနည်းနည်းသိလေ.. ကောင်းလေပဲ..´´
``အမ်..ပြောစမ်းဘာဗျ...´´
``မင်းတို့ နောက် တစ်နေ့ အရက် ပေါပေါ သောက်ရရင် ပြိးရော မဟုတ်လား.. ငါ့တာဝန်ထားစမ်းပါ..´´
``အင်း.. အာ့ဆို ပြီးရောဗျာ...´´

အရက်လည်း ကုန်ပြီ ဖြစ်သဖြင့်...
ကိုရင်က.. ပြဇာတ် ရေးနေတော့သည်...
ကျုပ်တို့လည်း.. ကိုရင့်ကို မနှောင့်ယှက် လိုသဖြင့်.. အသီး သီး အိပ်ယာ ၀င်ခဲ့ကြတော့သည်......

နောက် တစ်နေ့တွင်တော့ ပြဿနာ အကြီးအကျယ် တတ်တော့မည်ကို မည်သူမျှ ကြိုတင် မသိနိုင်ခဲ့......
-------------------------------------------------
(ရန်ရှင်းနိုင် အပမှီခြင်း)

ဒီနေ့ သင်္ကြန် အကြိုနေ့....
ကိုရင်လူထွက်ရေးသော...ပြဇာတ်အတွက်...ပြဇာတ်တိုက်ရန်..တိုင်ပင်နေကြသည်...

ကိုရင်က...သူကြီးပေးသော တော အရက်တန်ခိုးဖြင့်.. တစ်ညလုံး.. ကြိုးစား ပန်းစား ရေးထားသော.. ဇာတ်လမ်းအကျဉ်းကို
ဖတ်ပြလေသည်....
`` အခုက သင်္ကြန်တွက်ဆိုတော့.. ငါ့ ပြဇာတ်ကလည်း သင်္ကြန် ပြဇာတ်ဖြစ်ရမယ်ကွာ´´
`` အင်း..´´
`` အေး.. သင်္ကြန်ပြဇာတ် ဆိုတော့.. ရေပက်တာ ပါရမယ်..´´
``အင်း..´´
`` ဒီတော့ တစ်ယောက်က ရေပက်ရင်.. တစ်ယောက်က ရေပက်ခံရမှာပေါ့´´
`` ဟုတ်ပါပြီ ဆက်ပြောပါ..´´
`` သင်္ကြန်မှာ ရေပက်တာနဲ့ မပြီးဘူးလေ..´´
`` ဟုတ်ပြီ..´´
`` ဥပုသ်စောင့်ကြမယ်.. တရားစခန်းဝင်ကြတယ်လေ..´´
`` ဒါပေါ့..´´
``ပြီးတော့.. မူးပြီး ရမ်းကားတဲ့ လူတွေလည်း ပါတယ်လေ..´´
`` လိုရင်းသာ ပြောပါ ကိုရင်ရာ..´´
`` သင်္ကြန်ဆိုတာလည်း အချိန် တန်ရင်ပြီးသွားတာပဲ မဟုတ်လား..´´
`` အင်းဆို..´´
`` သင်္ကြန်ပြီးတော့..´´
`` အာာာ... ကိုရင်.. ခီညား ဇာတ်လမ်းကို ပြောလေ..´´
``ဒါပဲလေ.. သင်္ကြန်ပြီးတော့.. ပြီး ပြီလေ..´´
``တိန်.. ´´
`` အောင်မလေးဗျာ... ကောင်းလိုက်တဲ့ ပြဇာတ်...´´
``ဟုတ်ပတော်.. မျက်ရည်ကျလောက်အောင် ကောင်းတဲ့ ပြဇာတ်ပါလား..ဟင်..´´
`` သေဇမ်း... ပြဇာတ်ရေးမယ်ဆိုပြီး.. အရက်ပိုသောက်သွားတာပဲ ရှိတယ်..´´

`` ဟ.. သင်္ကြန်နဲ့ ဒီလောက် ကိုက်ညီတဲ့ ပြဇာတ် ကိုကွာ.. ငါစဉ်းစားမိသမျှတော့ ဒါပဲကွ´´

`` ကိုင်း အခုမှတော့ ဘယ်လို လုပ်ကြမလည်း... အကြိုနေ့ပဲရောက်နေပြီ...´´
`` ဘယ်လို မှ မလုပ်နဲ့.. ငါ့ပြဇာတ်ကို ငါ ပြန်ပြင်ပေးမယ်.
တစ်ခုပဲ ရှိတယ်..ငါ ပြောတဲ့ အတိုင်းသာ လိုက်လုပ်ကြ..´´

`` ကဲ.. ပေါက်တဲ့ နှဖူးတော့ မထူးပါဘူး... ဖြစ်ချင်ရာဖြစ်ပေါ့.. မနှစ်ကထက်တော့.. အခြေအနေ မဆိုးနိုင်လောက်တော့ပါဘူး..´´

`` ဒီတော့.. အောင်ဘု.. မင်းက..ဇာတ်စင် ဆောက်တဲ့ နေရာသွားပြီး ကြိးကြပ်ပေးစမ်းပါ..
မင်းအခန်း ဇာတ်တိုက်ဖို့ မလိုသေးဘူး...´´
`` အော်..အင်း....ကောင်းပါ့ဗျာ..ကောင်းပါ့..´´

သူတို့ပြဇာတ်တိုက်နေခဲံကြတုံး.. ကျွန်ှုပ်လည်း ဇာတ်စင်ဆောက်ရာနေရာသို့.. ရောက်လာခဲ့တော့သည်...

ရွာသားများ၏ တက်ညီလက်ညီဆောက်လုပ်ပေးမှုကြောင့်.. ဇာတ်စင်မှာ..ပြီးတောင် ပြီးတော့မည်...

မကြာလိုက်..
တစ်ရာ့ကိုး တစ်ရာ့ တစ်ဆယ် တစ်ယောက်.. အမော တစ်ကော အပြေးရောက်လာတော့သည်...
`` အောင်ဘုရေ..ပြဿနာတော့ တတ်ပြီဟ..´´
`` ဟင်..ဘာဖြစ်လို့လည်း´´
`` ရန်ရှင်းလေ.. ရန်ရှင်း...´´
`` အေးရန်ရှင်း ဘာဖြစ်လည်း မြန်မြန်ပြောစမ်းပါ´´
`` ရန်ရှင်း အပ မှိလို့ဟ..´´
`` ဘာ..´´

ရန်ရှင်းရှိရာသို့ ကျွန်ှုပ် ရောက်သွားသော အခါ...
ရန်ရှင်းကို.. ကိုရင်နှင့် လင်းထက်ကို တို့ နှစ်ယောက်က ချုပ်ထားကြသည်..
မိန်းကလေးများလည်း မျက်စိပျက် မျက်နှာပျက်...
ကို သတ်လတ်ကလည်း ဆရာတော်ကို သွားပင့်နေသည်..

`` ဟေ့ ငါ့ကို ဒူထင်နေတုံးကွ...´´
``ဒူတုံး..´´လို့ မေးလိုက်သော အခါ..
`` ငါ..ခင်ဝင်းကွ.. ခင်ဝင်း..´´
`` မြတ်စွာဘုရား ကယ်တော်မူပါ..´´

ခင်ဝင်းဆိုတာ..ကျုပ်တို့ရွာက.. ရာဇ၀င်လူမိုက်ကြီး ဆုံးသွားတာ နှစ် အနည်းငယ်တော့ ကြာခဲ့ပြီ..
ဆရာတော်ကလွဲရင်.. ဘယ်သူ့ကို မှ မကြောက်.. မိုက်ရဲ ရိုက်ရဲသော.. လူမိုက်ကြီး
ဒီလိုဆိုလျှင်တော့.. ရန်ရှင်း အပမှိတာ အမှန်အကန်ဖြစ်နိုင်သည်..
ဘာလို့လည်း ဆိုတော့.. ကိုခင်ဝင်းအကြောင်းကို.. ရန်ရှင်းသိဖို့ ဝေးလို့.. နာမည်တောင် မကြားဖူး..

ထို အချိန် ..ကိုသတ်လတ်ကြီးရောက်လာသည်...
`` ဆရာတော် မရှိဘူးကွ.. ဝေလံကုန်းကို..ကြွသွားတယ်တဲ့.. ညမှ ပြန်ရောက်မယ်တဲ့..´´

`` ဟာ.. အဲ့ဒါမှ ဒုက္ခပဲ.. ကဲ..ရန်ရှင်း..အဲ.. ကိုခင်ဝင်း.. ခီညား ဘာလိုချင်လည်း..ပြောပါဗျာ..
ကျုပ် သူငယ်ချင်းကိုတော့. ဒုက္ခ မပေးပါနဲ့..´´
``ဟေ့ကောင် အောင်ဘု မင်းလူတွေ ချုပ်ထားတာ.. လွှတ်ပေးခိုင်းလိုက်..
ငါ.. ဒေါသထွက်လာရင် မင်းသိတယ်နော်..´´
`` ကဲ..ကိုရင်တို့.. သူ့ကို လွှတ်ပေးလိုက်ပါ.. ´´
`` ဖြစ် ဖြစ်ပါ့မလားကွ... ´´
`` ဖြစ်ပါတယ်ဗျာ.. လွှတ်သာ ပေးလိုက်ဘာ..´´

`` အေး..ဒီလိုမှပေါ့ကွ..ဟေ့ အောင်ဘု..´´
`` ဗျာ..´´
`` သာအေးကို သွားခေါ်ပေးစမ်း...´´
သာအေးဆိုတာ.. ရွာမှာ ရှိသော တစ်ခုတည်းသော အရက်ဖို ပိုင်ရှင်..

``အာ.. ဘာလုပ်မလို့ တုံးဗျ..´´
`` တယ်.. ငါ လုပ်လိုက်ရ... သွားခေါ်ပေးဆို ခေါ်ပေးစမ်း´´
`` ဟုတ် ဟုတ်..ခေါ်ပေးဆို ခေါ်ပေးပါ့မယ်ဗျာ´´
`` နေ နေ မခေါ်နဲ့တော့ ငါကိုယ်တိုင် လိုက်မယ်..´´
``ငင် အမျိုးမျိုးပဲ...´´

မိန်းကလေးများကတော့ နေခဲ့ကြသည်..
ကျန်တဲ့လူများကတော့.. ကျွန်ှုပ်ကို စိတ်မချ ဟုဆိုကာ..လိုက်လာကြသည်..

ကိုသာအေး.. အရက်ဖိုသို့ ရောက်သောအခါ..
``ဟေ့ကောင် သာအေး.. ထွက်ခဲ့စမ်း..´´
``ဘယ်သူတုံးကွ..´´
`` ငါ ခင်ဝင်းကွ..ခင်ဝင်း..´´
``ဗျာ..´´
`` မဗျာနဲ့.. မင်းရှိသမျှ အရက် အကုန်ထုတ်ပေးစမ်း´´

ကိုသာအေး.က.. ကျုပ်ကို ဘယ်လိုလည်း ဆိုသော အကြည့်ဖြင့် ကြည့်သည်..
ကျုပ်ကလည်း.. ကိုသာအေးကို.. ဖြစ်ကြောင်းကုန်စင်.. ပြောပြလိုက်သော အခါ..

ကိုသာအေးတစ်ယောက်.. ရှိသမျှ အရက်ပုလင်းများကို ယူလာတော့သည်..

``ကိုကြီးခင်ဝင်း သောက်ပါ..ဗျ...သောက်ပါ..´´
`` အေး..ဒီလိုမှ ပေါ့သာအေးရ´´

ရန်ရှင်းလည်း.. အဲ.. ကို ခင်ဝင်း ပူးထားသော ရန်ရှင်းလည်း.. အရက်ကို အငမ်းမရ မော့လေသည်..

ကျုပ်တို့လည်း.. သူသောက်တာကို ကြည့်ပြီး.မနေနိုင်တော့.
`` ကို..ကိုကြီး ခင်ဝင်း..´´
`` ဟေး.. ဘာတုံးကွ..´´
`` ကျုပ်ကိုလည်း နည်းနည်းတိုက်ဗျာ..´´
`` ချလေကွာ..ချကြ..မင်းသူငယ်ချင်းတွေကိုလည်း တိုက်လိုက်..´´

အလဲ့..ဒီလိုတော့ ဘယ်ဆိုးလို့တုံး.. ရန်ရှင်းအပမှီတာ ခပ်ကောင်းကောင်း..
ကိုခင်ဝင်း အဲ.. ရန်ရှင်း..(ကိုခင်ဝင်း တစ်ပိုင်းရန်ရှင်းတစ်ပိုင်း) ကျေးဇူးကြောင့်..
ကျုပ်တို့လည်း.. အရက်ကို တစ်ဝ သောက်နေချိန်...

ပယောဂ ဆရာဆိုသူ ရောက်လာလေသည်..
ပယောဂ ဆရာကို မြင်သော အခါ.. လင်းထက်ကိုက..
`` ဒီလူ့ကို ငါ မြင်ဖူးတယ်ကွ.. မင်းတို့ရွာသားလား´´
`` မဟုတ်ပါဘူးဗျာ.. မျက်နှာစိမ်းဗျ..ကျုပ်တို့ရွာတစ်ဝိုက်က လူတော့ မဟုတ်ဘူး...´´

ပယောဂဆရာဆိုသူက...
`` ဟေ့.. အပမှိတယ်ဆိုတာ ဘယ်သူလည်း..´´
`` အောင်မာ.. ဘယ်သူတုံးကွ.. ငါ့ရှေ့လာပြီး စော်ကားနေတာ..´´
`` အော်..မင်းလား..မင်းဘယ်သူလည်း မှန်မှန်ပြောစမ်း.. ဘာလို့..
ဧည့်သည်ကို လုပ်ရတာလည်း´´
`` ငါ့နာမည် ခင်ဝင်း.. မင်းကရော ဘယ်သူလည်း´´
`` နဂါးဗိမာန်ရဲ့.. ကိုယ်စားလှည် ဆရာသန်းဆိုတာ ငါပဲ
ဒီမှာ မြင်လား ဆေးကြိမ်လုံး.. မင်း အခု ထွက်မလား မထွက်ဘူးလား´´
ပြောပြောဆိုဆို..စားပွဲကို ဗျန်းကနည်း ရိုက်လိုက်လေသည်...
ထိုအခါ...

`` အောင်မာ.. မလောက်လေး မလောက်စားနဲ့..ငါ့ကိုများ...ကဲကွာ´´
``ဖျောင်း ဖျောင်း´´
`` အောင်မငီးဗျ.. ´´

ရန်ရှင်းနိုင်က သောက်နေသော အရက်ပုလင်းဖြင့် ပယောဂ ဆရာကို ထရိုက်လိုက်ခြင်းဖြစ်သည်..
ပယောဂ ဆရာဆိုသူလည်း.. ဘာမှ မတတ်နိုင်.. သို့ဖြင့်..ပယောဂ ဆရာနှင့်.. ကိုခင်ဝင်း ဘယ်သူ စွမ်းလည်း ဆိုတာ
လက်တွေ့ မြင်သွားကြတော့သည်..

ကျွနှုပ်တို့လည်း ကိုခင်ဝင်းခေါ် ရန်ရှင်း အားကိုးဖြင့် အရက်ကို တစ်ဝကြီး သောက်ပြီးချိန်......

``အောင်ဘုရေ.. ဆရာတော်က.. အပမှီတဲ့ ကောင်လေးကို သူ့ဆီခေါ်ခဲ့ပါတဲ့´´

မလွန်ဆန်နိုင်သော ဆရာတော်၏ အမိန်ကြောင့် ကျွန်တော်တို့အားလုံး..
ဆရာတော့် ကျောင်းသို့ သိုင်းကွက်နင်းကာတစ်လှမ်းချင်း လှမ်းခဲ့ကြတော့သည်..

ကျောင်းပေါ်ရောက်တော့.. ဆရာတော်မှာ ကွမ်းယာလျှက်

ကျွန်တော်တို့လည်း ဆရာတော်ကို ကန်တော့နေစဉ်...
`` ဒုံး´´ ဆိုသော..အသံကြောင့်အားလုံး ပြိုင်တူ လှည့်ကြည့်မိတော့...

ကိုသတ်လတ်ကြီးပင်ဖြစ်သည်.. ဆရာတော်ကို ကန်တော့ရင်း..အမူးလွန်ကာ နှဖူးနှင့်ကြမ်းပြင်ဆောင့်မိသော အသံ..

ဘယ်လောက်တောင်မူးနေလည်းဆို..ကန်တော့နေသော ခေါင်းမှာ ပြန်ထောင်မလာတော့ပဲ..
ဖျင်ဘူးတောင်း ထောင်လျှက် ရှိလေသည်...

ရွာထဲမှလူတွေကလည်း စိတ်ဝင်တစားဖြင့်.. လာရောက် စပ်စုကြရာ..
ကျောင်းပေါ်တွင် လူတွေ ပြည့်လျှက်..

ဆရာတော်လည်း ကိုသက်လက်ကို မျက်မှောင်ကုတ်ကြည့်ရင်း..သက်ပြင်းတစ်ချက် ချလိုက်လေသည်...
ပြီးမှ..

`` ကဲ..ခင်ဝင်း ၀င်ပူးတဲ့ဆိုတဲ့ သူငယ် ဘယ်မတုံး..´´
`` သူ..သူ ပါဘုရား..´´

`` ဟဲ့..ရန်ရှင်း´´
မထူး..

``ဟဲ့ ရန်ရှင်း´´
မလှုပ်..

တစ်မျိုးပြောင်းခေါ်ကြည့်သည်..
`` ဟဲ့..ခင်ဝင်း´´
``ဘုရား...´´

``အော..ဒါဆို မင်းက ခင်ဝင်း ၀င်းပူးနေတာ သေခြာပြီပေါ့´´
`` တင်ပါ့ဘုရား´´

`` ငါ ထပ်မေးမယ်..မှန်မှန်ဖြေ..ခင်ဝင်းလား ရန်ရှင်းလား´´
`` ခင်ဝင်းပါဘုရား´´

``အိမ်း ဟုတ်ပြီ..´´ ဟုဆိုကာ ကပ္ပိယကြီးကို မေးဆတ်လိုက်လေသည်..
ကပ္ပိယကြီးကလည်း.. အလိုက်တစ်သိပင်..ဆရာတော်၏ လက်သုံးတော်ကြိမ်လုံးကို..
ယူလာလေသည်..

ဆရာတော်က..ကြိမ်လုံးကို မကိုင်သေး..
``ထပ်မေးမယ်..ခင်ဝင်းလား ရန်ရှင်းလား´´
မျက်နှာသေလေးဖြင့်...
`` ခင်.. ခင် ၀င်းပါဘုရား´´

ကြိမ်လုံးကို ကောက်ကိုလိုက်ပြီး...
``ခင်ဝင်း လား ရန်ရှင်းလား..´´
`` ရန်..အဲ.. ခင်ဝင်းပါဘုရား´´

ကြိမ်လုံးကို ဆ ကာ
``ခင်ဝင်းလား ရန်ရှင်းလား´´
`` ဟွာပါဘုရား´´
``ဘာဟွာ လည်း ကောင်းကောင်းဖြေစမ်း´´
`` ခင်.. ခင်ဝင်းပါဘုရား´´

``အေး..ခင်ဝင်းအုံးကွာ....´´
`` ဖြန်း..´´
``မြတ်စွာဘုရားကယ်တော်မူပါ..´´
``အောင်မာ ဖုတ်သရဲက.. ဘုရားတနေတယ်..ကဲကွာ´´
``ဖြန်း´´
``အောင်မငီး သေပါပြီဗျ´´
``သေပြီးသား မသာက.. သေပါပြီ အော်ရသလား..ကဲကွာ´´
``ဖြန်း´´
`` အုဖ်..အုဖ်´´
ရန်ရှင်းခမျာ မအော်ရဲတော့.. အော်ရင် ထပ်ရိုက်မှာဆိုးသဖြင့်.. ကြိတ်ခံနေရတော့သည်..
သို့သော်..
``အော.. ခုနကတော့.. ခုနှစ်သံချီအော်နေပြီးမှ.. အခုမှ မသံမထွက်တာ.. ငါ့ကြိမ်လုံးကို.. မဖြုံဘူးဆိုတော့ သဘောပေါ့..
မဖြုံအုံးကွာ´´
``ဖြန်း ဖြန်း ဖြန်း´´
`` အောင်မငီး ဆရာတော်ဘုရား တပည့်တော် ရန်ရှင်းနိုင်ပါဘုရား´´

``ဟင်း..မင်းတို့ အကြံ ငါ မသိရင်ခက်မယ်..ဟဲ့အောင်ဘု´´
``ဘုရား´´
`` ဒါ နင့်စနက်ပဲ မဟုတ်လား..လာစမ်း ဒီရှေ့ကို..´´
``ငင် ဘဘုန်း..တပည့်တော်နဲ့ ဘာမှ မဆိုင်ဘူးလေ..´´
``နင် မပါပဲ ဒီဧည့်သည်က.. ခင်ဝင်း ၀င်ပူးမလားဟဲ့´´
``ဖြန်း ဖြန်း ဖြန်း´´
``အောင်မငီး ဗျ´´

ကိုရင် ၊လင်းထက်ကို၊ သီဟရဲခေါင်၊ တစ်ရာ့ကိုး တစ်ရာ့တစ်ဆယ်တို့ တုပ်တုပ်မလှုပ်ရဲတော့..
ကိုသတ်လတ်ကတော့.. ဘာမှ မသိတော့.. ဖျင်ဘူးတောင်းထောင်က အိပ်တောင် အိပ်ပျော်နေလေသည်..

`` ဟင်..လူမိုက်တွေ.. လွန်လွန်ကျွံကျွံဖြစ်မှာစိုးလို့.. ငါက ပိတ်ပင်ခဲ့တယ်..
ဒါပေမယ့်...မရရအောင်သောက်ပြီး..ပြဿနာ တွေဖြစ်တယ်...
နောက်နေ့ကစပြီး မပိတ်ပင်တော့ဘူး.. သောက်ချင်သောက်ကြ..
ပြဿနာ ဖြစ်လာရင် ဟောဒါ ဘာတုံး..´´
`` ထွေးခံ ပါဘုရား´´ကိုရင်လူထွက်က ဖြေသောအခါ
`` တယ် ငါလုပ်လိုက်ရ.. ကြီမ်လုံးကို ပြောနေတာ..´´
`` တင်ပါ့ဘုရား´´
``အေး.. မင်းတို့..ကို မပိတ်ပင်တော့ဘူးဆိုတာ မင်းတို့က ဒီလိုပဲ ရှာကြံပြီး
သောက်မှာစိုးလို့ မပိတ်ပင်တော့တာ.. ခွေးဖြစ်အောင်သောက်ရင်တော့လား..ဟင်း ဟင်း´´

``ခေါ... ခလူး´´
`` ခေါ.. ခလူး´´
အလို ကိုသတ်လတ်တို့က ဟောက်များပင် ဟောက်နေလိုက်သေး...
ဆရာတော်လည်း ...
`` ကဲ မင်းတို့လူ မင်းတို့ ခေါ်သွားတော့..´´
--------------
``တောက်´´
စိတ်ထဲမှ ခံပြင်းစွာ.. တောက်ခေါက်လိုက်မိသည်..

``ဘာဖြစ်တာတုံးဟ´´
``ဘာဖြစ်ရမလည်း ကိုရင်ရ.. ဟို ဂဒေါင်းဂျား ရန်ရှင်းကြောင့်..
ကျုပ်က ဘုမသိ ဘမသိအရိုက်ခံရတာ..´´

``နေပါအုံး.. မင်းတစ်ကယ်ပဲ ဒီကိစ္စမှာ မပါဘူးလား..´´
``အာာ..ကြံကြီး စည်ရာဗျာ...ကျုပ်ဖြင့် စဉ်းတောင် မစဉ်းစားမိဘူး´´

`` ဒါဆိုရင်တော့ စဉ်းစားစရာ ကောင်းနေပြီ..
ရန်ရှင်းကတော့.. မင်းတို့ရွာက ခင်ဝင်းအကြောင်းမသိနိုင်ဘူး..´´
``အာ့ပြောတာပေါ့ဗျ.´´

`` အေး..သူညာတယ်ဆိုရင်တောင်.. လူတိုင်းသိတဲ့ မဖဲပြင် လိုဟာမျိုး ပူးရင်တော်သေးတယ်..´´
`` တိန်.. မဖဲဝါ လုပ်ပါဗျ.. ခီညားကလည်း ...
သူလုပ်မှပဲ မဖဲဝါလည်း ဖဲပြင်ရတော့မယ်..´´

`` အေးအေး.. အာ့မျိုး.. လူတိုင်းသိတာမျိုးဆိုရင်တော့ ညာတယ်ပြောလို့ရတယ်..´´
`` သူ့ကို မေးတော့လည်း မဖြေဘူးဗျ..တကယ်ပူးတာလိုလို..ဘာလိုလိုနဲ့ ရှောင်ထွက်သွားတာ´´
``အေးကွာ.. မနက်ဖြန်မှ..အေးအေးဆေးဆေး မေးကြည့်တာပေါ့.. မိုးချုပ်နေပြီကွာ.. အိပ်ကြစို့´´

--------------------------------------------------------------------
(သူကြီးက ဆင့်ခေါ်လိုက်ခြင်း)

သင်္ကြန် အကျနေ့သို့.. ရောက်ရှိလာခဲ့ပေသည်..
``အောင်ဘုတို့ အဖွဲ့.. တစ်ဖွဲ့လုံး သူကြီးအိမ်ကို ကြွပါတဲ့.. သူကြီးက ခေါ်ခိုင်းလိုက်လို့´´
ရွာဆော် စံတုတ်က လာပြောသော အခါ....

``သူကြီးက ခေါ်တယ်ဆိုပါလား.. ငါတို့ကို ထမင်းကျွေးမလို့လား မသိဘူး..ဟေဟေ့´´
`` ဟုတ်မယ်ဗျ..´´
``မိန်းကလေးတွေပါခေါ်ကွာ ´´

သို့ဖြင့် သူကြီးအိမ်သို့ရောက်သော်..
``ကဲ အောင်ဘုတို့ လာကြ ထိုင်ကြ´´
`` ဟုတ် သူကြီး´´
`` မင်းတို့ကွယ်.. မင်းတို့ လုပ်ပုံ ကောင်းသေးရဲ့လား..´´
`` ဘာလည်းဗျ.. ဘာကို ပြောတာလည်း´´
`` ဆရာသိန်း ခေါင်းကို.. ပုလင်းနဲ့ ရိုက်လိုက်တဲ့ ကိစ္စလေ´´
``အာာ..ဒါတော့ သူကြီး.. သူက..ကျုပ်သူငယ်ချင်းကို.. ကြိမ်လုံးနဲ့ ငေါက်လိုက်ငမ်းလိုက် လုပ်နေတာကိုးဗျ´´
``ဟ..မင့်သူငယ်ချင်းက.. အပမှီတယ်ဆိုလို့.. သူက စေတနာနဲ့ လာကုပေးတာလေ..´´

``အဲဒီတော့ သူကြီးက ဘာဖြစ်စေချင်တာတုံး´´
`` မင်းတို့ အဖွဲ့ သူ့ကို ရှိခိုးပြီး တောင်းပန်လိုက်ပါ...´´
``မတောင်းပန် နိုင်ဘူး..သူကြီး´´

``မတောင်းပန်လို့ မရဘူး.. တောင်းပန်ရမယ် အောင်ဘု ...ငါ ကအစ တစ်ရွာလုံးလေးစားရတဲ့..
ဆရာသိန်း ဖြစ်နေလို့ပဲ.. ငါ့ကို ရိုက်ရင်တောင်..ငါ ကျေအေး ပေးနိုင်တယ်..´´
``နေပါအုံး သူကြီးရ.. သူကြီး ခုနက ပြောသွားတယ်နော်..ဘာတဲ့ တစ်ရွာလုံးလေးစားရတဲ့လူ ဟုတ်လား´´

``အေးလကွာ.. မင်းတို့..တောင်းပန်လိုက်ပါ...ဒါ ငါ သူကြီးအမိန့်ပဲ´´
`` တစ်ရွာလုံး ထဲမှာ ကျုပ်တို့ မပါဘူး သူကြီး.. လုံး ၀မတောင်းပန်နိုင်ဘူး..သူကြီးဆိုရင် အခုချက်ခြင်း ရှိခိုးပြီး တောင်းပန်လိုက်မယ်..
ဒီလူကိုတော့ လုံးဝကို မတောင်းပန်နိုင်ဘူး.. အဲဒါ ကျုပ်အောင်ဘုဆိုတဲ့ ကျောင်းဆရာရဲ့ စကားပဲ..´´
`` ပြောရခက်ပါလား.. အောင်ဘုရာ..´´
ရန်ရှင်း မနေနိုင်တော့..၀င်ပြောလေပြီ..
`` ဒီမှာ သူကြီး.. ရှည် ရှည် ဝေးဝေး ပြောမနေနဲ့..
ကျုပ် အခုချက်ခြင်း ခင်းဝင်းကို ခေါ်ပြီး ပူးလိုက်ရမလား..´´

ခင်ဝင်းဆိုတော့ သူကြီးလည်း တွန့်သွားသည်...
`` ကဲ မပြောတော့ပါဘူးကွယ်.. မင်းတို့ သဘောသာ လုပ်ကြပါတော့..´´
-----------------------------------------------------------------
(နဂါးဗိမာန်)

သူကြီး တောင်းပန်ခိုင်းသော ကိစ္စကြောင့်..
ကျွန်တော်တို့ တစ်ဖွဲ့လုံး.. ဒေါသထွက်နေကြသည်..
ဒေါသ သာ ထွက်ရတာ..
တစ်ကယ်တော့.. ကိုယ့်ဘက် မှားနေတာတော့ အသေအခြာ..

ကိုသက်လတ်က..
`` တစ်ခြားလူဆိုရင် တောင်းပန်လိုက်မယ်ကွာ..အခုဟာက.. ပယောဂ ဆရာယောင်ယောင်
ဘိုးတော်ယောင်ယောင် ကို တောင်းပန်ရမှာတဲ့..´´
``အင်းလေ.. အာ့ကြောင့် ပြောတာပေါ့..ပယောဂ ဆရာ တစ်ကယ် စွမ်းရင်..
ကျုပ် တကယ် အပ မမှိမှန်း သူ ချက်ခြင်းသိရမှာပေါ့.. ဆရာတော်ကတောင် ရိပ်မိသေးတယ်..
သူက ဘာပယောဂဆရာလည်း..အလကား လူလိမ်´´
`` ငင် ဖျာမ ပေါ်ပြီ.. မင်း တကယ် အပမမှိပဲ ကိုခင်ဝင်းပါလို့ ဘယ်လို လိမ်နိုင်တာလည်း´´

`` ဒါက.. ငါသင်ပေး ထားတာပါကွ...´´
`` ဟင်.. အကို..အကို့လက်ချက်ပေါ့..ဟုတ်လား..´´

တရားခံ အစစ် က ကျုပ် အကို ကိုအောင်ဒင်.. ရိုက်ခံရတော့ ကျုပ်..

``အေးပေါ့ကွ..မင်းတို့ပဲ အရက်ပေါပေါ များများ သောက်ချင်တယ်ဆိုကွ..´´
``တိန်..ကောင်းကြရောဗျာ..´´

``ဒါနဲ့ အကို.. အဲဒီ.. ဆရာသိန်းဆိုတာ..ဘယ်ကနေ ဘယ်လိုပေါ်လာတာလည်း´´
`` လွန်ခဲ့တဲ ခြောက်လလောက်က ငါတို့ရွာကို စရောက်လာတာပဲကွ...
သူရောက်လာတော့.. သူ့တပည့်နှစ်ယောက်နဲ့.. သူကြီးကို ၀င်တွေ့တယ်..
ရွာမှာ အဓိဋ္ဌာန်ဝင်ချင်လို့ပါဆိုပြီး ခွင့်တောင်းတာပဲကွ´´

`` အင်း´´
``သူကြီးကလည်း ကောင်းတာ လုပ်တာပဲ ဆိုပြီး.. ခွင့်ပြုတာပေါ့.. ငါတို့ရွာအကြောင်းလည်း မင်းသိရဲ့သားနဲ့
ဧည့်သည် လာရင် သိပ်ပြီး ဧည့်ဝတ်ကျေကြတာလေကွာ..ဒီတော့ သူတို့ကို ထမင်း ဖိတ်ကျွေးတဲ့ လူက..မရှားဘူးပေါ့´´
``ဒါပေါ့လေ..´´
`` ဒါပေမယ့် အဲဒီဆရာက အိမ်လိုက်မစားဘူးကွ.. သူဓိဋ္ဌာန်ဝင်တဲ့ နေရာမှာကနေ ရွှေ့လို့ မရဘူးတဲ့.. စေတနာရှိကြရင်..
လာပို့နိုင်ပါတယ်တဲ့..
အာ့နဲ့ သူကြီးကပဲ ဦးဆောင်ပြီး.. အလှည့်ကျ ခွဲတမ်းချပေးလိုက်တာပေါ့ကွာ...´´
``ဖြစ်ချင်တော့ တစ်ရက်မှာ သူကြီးမြေးလေး.. ရွှေမိ .. အပြင်းဖျားတယ်ကွ.. တို့ရွာမှာကလည်း ဆေးမြီးတိုက လွဲရင်..
ဘာရှိမှာလည်း.. အဲဒီမှာ ဘယ်လိုမှ မသက်သာတဲ့ အဆုံး.. ဆရာသိန်းဆီ သွားပြတော့မှ ဆရာသိန်းက ဒါ ရွာသူ ပြုစားထားတာတဲ့
ဘာမှ မပူပါနဲ့..သူ့ဆေးပြာလေးသာ တိုက်လိုက်ပါ ချက်ခြင်း သက်သာသွားမယ်ဆိုပြီး တိုက်လိုက်တာ..
ဆေးပြာ တိုက်ပြီး သိပ် မကြာဘူးဟေ့.. ချက်ခြင်းကို သက်သာလာတာ..´´

``နေပါအုံး အကိုရ.. ကျုပ်တို့ရွာမှာ.. ဘယ်စုန်း ဘယ်ရွာသူမှ မရှိဘဲ ဘယ်ကနေ လာပြုစားရတာတုံး..´´
``အေး.. ငါတိုလည်း အစကတော့.. ဒီလိုပဲ ထင်တာပေါ့ကွ..မဟုတ်ဘူးဟေ့.. ရှိတယ်ဟ..´´
`` ဘယ်သူတုံး..´´
``ရွာမြောက်ပိုင်းက ဖွားလေးခင်တို့ မြေးအဖွားဗျ´´
`` ဘာ..လုံးဝ မဖြစ်နိုင်တာ.. ´´
``မင်းလိုပဲ စပြီး ကြားခါစကတော့.. တစ်ရွာလုံး ဒီလိုပဲ ပြောကြတာပဲလေ..´´
``ဒါပေမယ့်.. အာ့ ဆရာသိန်းက.. ကလေးကိုလည်း သေခြာ မေးကြည့်ပါအုံးလေဆိုတော့..
မေးကြည့်တော့မှ.. ရွှေမိလေးက..ဖွားလေးခင်မြေးလေး.. မြနှစ်နဲ့ အတူဆော့နေကြရင်း
ကလေးချင်း ရန်ဖြစ်သတဲ့...ဒါကို မြင်တဲ့လူကလည်း မြင်တယ်..အဲဒီနောက်ပိုင်း ရွေမိလေး အပျင်းဖျားတော့တာပဲ´´
``အင်း..အဲဒီတော့.. အခု ဖွားလေးခင်တို့ ဘယ်လိုနေကြတုံး´´
`` သူကြီးက သူ့ အချစ်ဆုံး မြေးလေးကို ထိတော့ ဘယ်ရမလည်း.ကွ.. သူကြီးအမိန့်နဲ့.. ဖွားလေးခင်တို့ကို...
ရွာပြင် ထုတ်လိုက်ကြတယ်..´´
``ဘာ.. ရက်စက်လိုက်ကြတာဗျာ.. ကျန်တဲ့ ရွာသားတွေက မတားကြဘူးလားဗျ´´
``မတားရဲဘူးကွ..ဆရာသိန်းပြောတာတွေက အမှန်တွေ ဖြစ်နေတာကိုးကွ.. ဒီတော့...
ဖွားလေးခင်တို့နဲ့လည်း ဘယ်သူမှ အဆက်အဆံ မလုပ်ရဲကြတော့ဘူး..´´
``ဘကြီးဘုန်းကြီးကရော...´´
`` ဘဘုန်းလည်း အစက တားတာပဲ..ဒါပေမယ့်..သူလည်း အာမမခံနိုင်ဘူးလေကွာ´´

ကျုပ် တော်တော် စိတ်မကောင်းဖြစ်သွားမိတယ်.. ဖွားလေးခင်ဆိုတာ ကျုပ်တို့ကိုငယ်ငယ်ကတည်းက..ထိန်းကြောင်းလာခဲ့သော
ရပ်မိရပ်ဖ တစ်ဦးဆိုလျှင် မမှား...
အခုတော့...........

``အဲဒီ ဆရာသိန်းက လည်းတော်တော် စွမ်းတယ်ကွ... သူ ပုတီးစိတ်နေတဲ့ အချိန်မှာ
မြွေတွေ ဆယ်ကောင်လောက်ရှိမယ်.. သူ့နားကို လာပြီး အရိုအသေပေးနေကြတာ.. ဘာမှ မလုပ်ကြဘူး´´
``ရွာသားတွေက မေးတော့.. ဒီနေရာမှာ နဂါးသိုက်ရှိတယ် အာ့ကြောင့် မြွေတွေက လာပြီး ခစားရတာတဲ့..
သူ့အိမ်မက်အရ ဆိုရင်..ဒီနေရာကို နဂါဗိမာန် တည်ရမယ်တဲ့.. အာ့နဲ့ သူကြီးက စပြီး တစ်ရွာလုံး အားကြိုးမာန်တတ်
နဂါးဗိမာန်ကြီး တည်လိုက်တာ.. အခု မင်းမြင်တဲ့ အတိုင်းပဲလေ..´´

လင်းထက်ကို က `` ဒါဆို အကို.. သူနာမည်က.. ဆရာသိန်း ဟုတ်လား´´
``အေးကွ´´
``သူက စရောက်ပြီးကတည်းက.. ဒီရွာမှာပဲ အမြဲ နေတော့တာလား..´´
`` မဟုတ်ဘူးကွ.. တစ်လ တစ်ခါ လောက်တော့.. ဂန္ဓာရီ ခရီးဆိုလား ဘာလား ထွက်တတ်တယ်..´´
``အော်...´´

လင်းထက်ကို မျက်နှာမှာ.. ဘာမှန်းမသိသော အရိပ်တစ်ချို့ ဖြတ်သန်းသွားလေသည်...
-----------------------------------------------------------------------------------
(ကိုသတ်လတ်၏ အသည်းကွဲရောဂါ)

ညနေစောင်း အချိန်တွင်တော့... ဘိုးအေးကြီး အဘလင်း ခေါ် လင်းထက်ကိုနှင့် ကိုသတ်လတ်တို့ နှစ်ယောက်တည်း အရက်ဆိုင်သို့
ချီတတ်သွားကြလေသည်...

ရွာပြင်ထုတ်ထားသော ဖွားလေးခင်ကို သွားရောက် အားပေးစကားပြောရအုံးမည်ဖြစ်သဖြင့်
ကျွန်တော်ကတော့ မလိုက်နိုင်တော့ပေ..
(အောက်ပါ အဖြစ်အပျက်များမှာ..လင်းထက်ကိုမှ တစ်ဆင့် ပြန်လည်ဖေါက်သည်ချခြင်းသာဖြစ်သည်..)

လင်းထက်ကိုနှင့် ကိုသတ်လတ်တို့..အရက်သောက်နေကြရင်း...
အသီးသီး ရေချိန်ကိုက်လာချိန်တွင်...
ကိုသက်လတ်က စတင်ပြီး...
``ဟျောင့် လင်းထက်ကို´´
``ဗျ´´
`` မင်း အသည်းကွဲဖူးလား´´
`` ကွဲဖူးတာပေါ့ဗျ.. လူပဲ အချစ်နဲ့ ဘယ်ကင်းနိုင်မလည်း..
အချစ်နဲ့ မကင်းသရွေ့တော့ အသည်းကွဲတာ ဘာဆန်းလို့လည်း´´

`` အေး.. မင်းအသည်းကွဲဖူးသလို.. ငါလည်း အသည်းကွဲဖူးတယ်ကွ..
ဒါပေမယ့်.. မင်းတို့လို ခနခန ကွဲနေတာ မဟုတ်ဘူး..
တစ်သက်မှာ တစ်ခါချစ်ပြီး တစ်ခါပဲ ကွဲခဲ့တာကွ´´

`` တော်စမ်းဘာ.. ကိုကြီးသက်ရာ.. လျှာရိုးမရှိတိုင်း..ဒီမှာ
ကျုပ်အသည်းကွဲတုံးကလည်း.. ခီညားလိုပဲ ပြောခဲ့ဖူးတာပဲ..
အခုတော့လည်း နေသားကျသွားပါပြီဗျ´´

``ဟျောင့် ဒေါင်းဇား.. ငါ မင်းနဲ့ အသည်းကွဲတာပြိုင်မို့.. ပြောနေတာ မှုတ်ဘူးကွ´´
``မမှုတ်လည်း ပြန်တော့ဗျာ´´
`` ငင်... ဖျာမ..´´
``ဒီလိုလေ.. ပြောမယ်ဆိုပြောလို့.. မပြောရင်လည်း ပြန်တော့လို့ပြောတာ.. ဟီးဟီး´´

``အာ့လို ရှင်းရှင်းပြောပါကွ.. ငါယစ်ထုပ်ကြီး ဘွ ရောက်ရတာ.. သူ.လေးကြောင့်ပေါ့ကွာ..´´
``ဟင်..အဟုတ်´´
`` အဟုတ်ပေါ့ကွ´´
`` ငါလေ.. ဟိုးးးး အရင်တုံးက.. အရက်ဆိုလို့.. ၀ီစကီကလွဲရင် ကျန်တာကို သောက်လို့မရခဲ့ပါဘူးကွာ´´
``ငင်.. ဘာထူးလို့လည်းဗျ´´
`` ဖြတ်မပြောဇမ်းဘာနဲ့ကွာ.. ပြောရတာ အရှိန်ပျက်ထှာ´´
``အော်..ဟုတ်ကဲ့ ဟုတ်ကဲ့´´

``သူ့ကို ငါချစ်သလောက် သူက ငါ့ကို ပစ်ထားရက်ခဲ့တယ်ကွာ..
ငါလေ..သူ့ကို တစ်နေ့မှ မေ့လို့မရခဲ့ဘူး..´´
``အင်း´´
``အာ့နဲ့ ငါလည်း.. သူ့ကို မေ့လိုမေ့ငြား.. အရက်တွေသောက်မိတယ်ကွ..
အရက်သောက်တော့ ပိုသတိရတယ်.. သတိရတော့ အရက်ပိုသောက်တယ်..
အာ့နဲ့.. ငါလည်း.. အရက်သံသရာထဲမှာ လည်နေတော့ပါပဲကွာ´´

``နေပါအုံး ကိုကြီးသက်ရ..သူ့နာမည်က ဒူတဲ့တုံး´´
နှစ်ယောက်လုံး ရေချိန်ကလည်း လွန်နေပြီ..
နာမည်မေးလိုက်တော့.. ကိုသက်လတ်မျက်နှာ တစ်မျိုးပြောင်းသွားတယ်..
ပြီးတော့.. လင်းထက်ကို ကို စိမ်းစိမ်းကြီး စိုက်ကြည့်လိုက်တယ်..
ပါးစပ်ကလည်း... ပြောလိုက်သေးတယ်..
``နွယ်´´တဲ့...

`` အော်..နွယ်တဲ့လား...´´
ကိုသက်လတ် လင်းထက်ကို ပြောတာကို မကြား....လင်းထက်ကို ကို စိုက်ကြည့်ကာ..
သူ့စကားကိုသာ ဆက်ပြောနေတော့သည်
``နွယ်ရယ် မင်း ငါ့နှလုံးသားကို နွယ်တစ်ပင်လို ရစ်ပါတ်သွားပြီှး..သစ်စိမ်းချိုး ချိုးရက်ခဲ့တာ..
ဘာသဘောလည်း နွယ်ရယ်.....
မင်းက ငါ့ကို ချစ်တတ်အောင် သင်ပေးခဲ့ပြီး မုန်းတတ်အောင် ဘာကြောင့် သင်မပေးခဲ့တာလည်း နွယ်´´

``ကိုသက်လတ် ခံစားချက်ကို နားလည်ပါတယ်..အခုချိန်တော့ မေ့ထားလိုက်ပြီး ပျော်ပျော်နေလိုက်ပါဗျာ´´

စိမ်းစိမ်းကြီး စိုက်ကြည့်ရင်း
`` ပျော်ပျော်နေရမယ်..ဟုတ်လားနွယ်... ဘယ်လိုနေလို့ရမှာလည်း နွယ်ရယ်..´´
``ငင်.. ကို..ကို ကိုကြီးသက်..ခီညား ကျုပ်ကို ဘယ်လို အကြည့်ကြီးနဲ့ ကြည့်နေတာလည်း´´

``အော်..နွယ်ရယ်.. ကိုယ့်ရဲ့ ဒီအကြည့်တွေကိုပဲ ရင်ခုန်လှချည်ရဲ့ဆို.. အခုတော့
ဘယ်လို ကြည့်တာလည်းတဲ့... မေးရက်လိုက်တာ..နွယ်ရယ်..´´

``ဟိုက်ရှ်..ကိုကြီးသက်..ကျုပ်..လင်းထက်ကိုနော်.. ´´
`` ကိုယ့်ကို မုန်းချင်းမုန်းလိုက်ပါ.. ဒါပေမယ့် မညာပါနဲ့ နွယ်..
မင်းဘယ်သူလည်းဆိုတာ.. အခုချိန်ထိ ကိုယ် မှတ်မိနေပါသေးတယ်နွယ်ရယ်´´

``တိန်..သေပြီဆရာ.. ကိုသတ်လတ်..ခီညား မူးနေပြီနော်..´´
`` ဟုတ်ပါတယ်..ကိုယ်မူးနေပါတယ်.. ဒါပေမယ့်. မင်းကိုတော့ မှတ်မိပါသေးတယ်နွယ်´´

``အောင်မငီးဗျာ.. ကယ်တော်မူကြပါအုံးဗျာ.. ကိုသက်လတ်ကြီးတစ်ယောက် အမူးလွန်ပြီး
ထမင်း ထမင်းချင်းပြုတ်စားဖို့ ကြံစည်နေတယ်ဗျ´´
``အော.. မင်းက.. နောက်တစ်ယောက်တွေ့တော့ ကိုယ့်ကို ဒီလိုပဲ..ပြောပြီပေါ့ ဟုတ်လား´´
`` ပြောတယ်ဗျာ ပြောတယ်.. ဘယ်နှယ့်ဗျာ. ခီညားဟာက ဘော်ဒါ အချင်းချင်း..
ရည်းစားနဲ့ မှားရတယ်လို့..´´
``ဒီမှာနွယ်.. မင်းတို့ မိန်းကလေးတွေက ဒီလိုပဲ အသစ်တွေ့ရင် အဟောင်းမေ့တတ်သလား ကွာ ဟင်´´
`` မေ့တယ်ဗျာ မေ့တယ်...´´လင်းထက်ကို စိတ်ပေါက်ပေါက်နှင့် ဘုတောလိုက်တော့

``မေ့အုံးကွာ.´´
``ဖြန်း´´
``အောင်မငီး သေပါပြီဗျ´´
ကိုသက်လတ်က..လင်းထက်ကို ပါးကို ရိုက်ချလိုက်ခြင်းဖြစ်ပေသည်..

``ဟေ့လူကြီး ခီညားကြီး လွန်နေပြီနော်´´
`` ကိုယ့်ကို ခွင့်လွှတ်ပါ.. အချစ်ကြီးသူမို့ အမျက်ကြီးမိတာပါ.´´
``အောင်မငီး.. အောင်ဘုရေ ငါ့ အဖြစ်ကို လာကြည့်လှည့်ပါအုံးဟ....´´
`` ဘယ်လင်ငယ်ကို တမ်းတနေတာတုံး ဟင်..ကဲကွာ´´
`` ဖြန်း´´
`` အောင်မငီး သေပါဗြီဗျ.... အမေရေ.. သားမှားပြီဗျ´´
``အော်အုံးကွာ..´´
``ဖြန်း..ဖြန်း´´

ကိုသက်လတ် ဘယ်လောက်တောင် ရိုက်လိုက်လည်း မသိ..
လင်းထက်ကို တစ်ယောက်..
`` ကယ်တော်မူကြပါဗျို့..´´ လို့.. အော်ရတဲ့ အထိပဲ..

ဒါကို မနေနိုင်တဲ့ ရွာသားတွေက... သူတို့ကို မနည်းကြီး ဆွဲခေါ်လာလို့..လင်းထက်ကို ခမျာ သက်သာ သွားရှာတယ်..

ဒါပေမယ့်.. မသက်သာသူက.. ကိုသက်လတ်...ဘယ်လိုဖြစ်လည်းဆိုတော့.....

ညအချိန်... အားလုံး အိပ်နေကြချိန်မှာ..
`` နွယ်ရေ..မင်းငါ့ကို ရက်စက်တယ်ကွာ´´ ဆိုပြီး အသံပြဲကြီးနဲ့ ထ အော်ပါလေရော..

အစကတော့.. အားလုံး သည်းခံနေသေးတယ်..

ကြာတော့.. သည်းမခံနိုင်သူက..
နွယ်နွယ်အောင်..
`` ဒီမှာ ကိုသက်လတ်.. မယားတ ရူးချင်ရင်လည်း.. တစ်ခြား နာမည်နဲ့ ရူးပါ..
ကျမ နာမည် မထည့်ပါနဲ့..´´
ဒါလည်း မရ...
`` နွယ်ရက်စက်တယ်ကွာ´´
``ပြောလေကဲလေပါလား..ကဲဟယ်´´
``ဖြန်း´´

``အောင်မငီးနွယ်ရဲ့..ကိုယ့်အဖြစ်ကို လာကြည့်ပါအုံး...ငီးးးးး´´
ဗူးနွယ်က တစ်စခန်းထလေသည်..
``အယ်.. ပြောမရ ဆိုမရနဲ့ ဘယ်နွယ်ကို ပြောမှန်းမသိ..ကဲဟယ်´´
``ဖေါင်း´´
``အောင်မငီးဗျ´´

ဒါလည်းမရဘူး.. ဆက်ပြီး အသည်းကွဲနေတုံး..ဆိုတော့...
ကိုရင်လူထွက်က..မနေသာတော့..
``ဟျောင့် သက်လတ်..မင်း ငြိမ်မလား မငြိမ်ဘူးလား´´
``နွယ်ရေ မင်းမရှိတော့ ကိုယ့်ကို ၀ိုင်းပြောနေကြပြီ နွယ်ရဲ့...´´
``အာာာ.. ဒီလောက်တောင် ဖြစ်လှတာ..ကဲကွာ´´
``ဖုန်း´´
`` ငင့်..သေပါပြီဗျ´´

ဒါလည်း မမှတ်ဘူး....
ကျုပ်လည်း မနေနိုင်တော့..
``အူးသက်လတ်..မူးတာတော့မူးပေါ့ဗျာ.. ဒါပေမယ့် ကျုပ်မျက်နှာတော့
နည်းနည်းလေး ပြန်ကြည့်ပါအုံး´´
`` ဒူ့မျက်နှာမှ မကြည့်ဘူးကွ.. နွယ့်မျက်နှာပဲ ငါ ကြည့်မယ်..´´
`` အာာာ..ဒီလူကြီး.. ကြည့်ချင်အုံးကွာ..ကဲ´´
``ဖေါင်း´´

``နွယ်ရေ လာကြည့်ပါအုံးဟ.. ကိုယ့်ကို အနိုင်ကျင့်နေကြတယ်..´´

ရန်ရှင်းနိုင်ကပါ...
`` ဒီလူကြီး လုပ်တာနဲ့ အိပ်လို့ကို မရတော့ဘူး.. ဆူအုံးကွာကဲ´´
`` ဖြန်း´´

မူးပိုင်လည်း မနေဘူး.. အများ မိုးခါးရေသောက်တော့.. သူလည်း သောက်ရတော့တာပေါ့..
``ကဲဟယ်.´´
``ဖေါင်း´´

နောက်တစ်ယောက် လက်စွမ်းပြသူက..
သံပုရာသီး....
``ဒီလောက်ဖြစ်လှတဲ့..လေးလေး..ကဲဟယ် ကဲဟယ်´´
``ဖေါင်း ဖေါင်း´´
သံပုရာသီးရိုက်တော့.. သီဟ က မေးတယ်..
``သံပုရာသီး.. နင်က ဘာလို့ ရိုက်တာလည်း´´
``ဘာမှ မဟုတ်ဘူး ၆ညင်ကပ်လို့ ရိုက်တာ´´
``အော..အာ့လိုလား.. အာ့ဆိုငါလည်း ဒီလူကြီးကို ၆ညင်ကပ်နေတာ ကြာပြီ
ရိုက်လိုက်အုံးမယ်..´´
``အေး..ရိုက်အေ´´
``ကဲကွာ.. ´´
``ဖောင်း´´

ဒါကို မသီရိက..
`` ဟဲ့... နင်တို့ကလည်းဟယ်..လူကြီး တစ်ယောက်ကို..
ဒီလို ရိုက်စရာလားဟဲ့.. ငါက..ဒီလိုရိုက်တယ်ဆိုတော်သေးတယ်..´´
``ဖောင်း´´

``ရန်ရှင်းကို အရက်ချော့တိုက်တဲ့ လူကြီးကို ညီမလည်း ရိုက်ချင်တယ်´´
``အော်..ညီမလေး..ချစ်ခွန်းချို..ရိုက်သာရိုက်အေ´´
``အူးလေး.ကန်တော့နော်..ကဲဟယ်´´
``ဖြန်း´´

``အောင်မငီးဗျာ..ရိုက်တာတောင်မှ အရင်ကန်တော့လိုက်သေးတယ်..´´

ထိုအချိန်.. ဘာမပြော ညာမပြော. အိပ်ချင်မူးတူးဖြင့် ၀င်ရိုက်သူက..
တစ်ရာ့ကိုး တစ်ရာ့တစ်ဆယ်..

``ဖောင်း ဖောင်း ဖောင်း ဖောင်း´´

``ဟျောင့် မင်းကရော ဘာလို့ရိုက်တာလည်း´´

`` သိဘူးလေ မင်းတို့ ရိုက်နေကြတာတွေ့တော့..ငါမှ ၀င်မရိုက်ရင်..
ခေတ်နောက်ကျသွားမှာ စိုးလို့.. ရိုက်ကြည့်တာ..´´

``အောင်မလေးဗျာ..ရိုက်ကြပါဗျာ... ရိုက်ကြပါ.. ခေတ်နောက်ကျမှာ စိုးလို့ ရိုက်တာတဲ့..´´

``ကဲ..ပြောနေကြာတယ်ကွာ..ညနေက ငါ့ကို ရိုက်ထားတဲ့လူကြီး သေစမ်း´´
`` ဟာ.. အဘ လွန်မယ်..လွန်မယ်´´

တစ်ချိန်လုံး ငြိမ်နေခဲ့သော လင်းထက်ကို.. ဒေါသကို မထိန်းနိုင်တော့ဘူးထင်တယ်..
အိမ်အောက်က ၀ါးရင်းတုတ်သွားယူပြီး.. ကိုသက်လတ်ကို ၀င်ရိုက်တာ...
အဆွဲမြန်လို့..ကိုသက်လတ်..ကံကောင်းသွားတယ်..

နောက်တစ်နေ့တွင်တော့ ကိုသက်လတ်ခမျာ....
-------------------------------------------------------------------
(ကျွနှုပ်နှင့်.. တစ်ရာ့ကိုး တစ်ရာ့တစ်ဆယ် တို့၏ ရန်ပွဲ)

သင်္ကြန်အကြတ်နေ့....

ဒီနေ့တွင်တော့....

ကိုသက်လတ်က..မနေ့ညက များသွားသည်ဆိုသော အကြောင်းပြချက်ဖြင့်
( ဆွမ်းကြီးဝိုင်းလောင်းတာကို အမှတ်မရှိ) သွားဖြေမယ်ဆိုလို့...

ကျွန်တော်တို့ တစ်သိုက်.. ကိုသာအေး ရဲ့ အရက်ဖိုသို့ ရောက်ခဲ့ကြပြန်ချေတော့သည်...
အရက်သောက်ပြီးလို့ ရေချိန်ကိုက်လောက်သော အချိန်တွင်...
ပြဇာတ်တိုက်ရန်... ပြန်လာခဲ့ကြလေသည်...

လမ်းတွင်....

တစ်ရာ့ကိုး တစ်ရာ့တစ်ဆယ် ခလုတ်တိုက်ကာ..
ပက်ကြားကွဲကြား ခေါင်းစိုက်နေလေသည်...
ဒါကို မနေနိုင်လို့ ကျုပ်က သွားထူတော့....

``ဟျောင့် အောင်ဘု.. မင်းက ငါ့ကို မူးနေတယ်ထင်လို့ လာထူတာလား..
မမူးသေးဘူးကွ..´´
`` အာ့ဆို မင်းက ဘာလို့ ခေါင်းစိုက်နေတာတုံး´´

``စိုက်ချင်လို့ စိုက်နေတာ မဟုတ်ဘူးကွ မိုဟာမက်ကြီး ငရဲခံနေတာ မြင်လို့
ကြည့်ကောင်းလို့ ကြည့်နေတာကွ´´
``ဘယ်မှာလည်း မှန်းစမ်း´´
``အာ့မှာ သေခြာကြည့်...´´

``ဂဒေါင်းဂျားက မူးမူးနဲ့ လျှောက်ပြောနေပြန်ပြီ...
အာ့ မိုဟာမက် မဟုတ်ဘူးကွ.. ဘင်လာဒင်ကွ ဘင်လာဒင်´´

``ဟျောင့် မူးနေတာက မင်းကွ..မင်း သူ့ဘေးမှာ အရာတိုလာ ခိုမေနီတောင် ရှိသေးတယ်´´
``တိန်....ဂဒေါင်းဂျား.. အရာတိုလာက သေမှ မသေသေးတာ´´

``ဟကောင် မင်းမကြားဖူးဘူးလား.. ကောင်းတာလုပ်တဲ့ လူတွေ နတ်ပြည်မှာ..မသေခင်က ဗိမာန်ကြိုပြီးပေါ်နေတာလေ´´
``အေးလေ..အာ့နဲ့ ဘာဆိုင်လည်း´´

``ဆိုင်တာပေါ့ကွ.. သူတို့လည်း မသေခင်က ငရဲကို ကြိုရောက်နေတာလေ´´
``ငင်.. မင့်ဟာ မဟုတ်သေးဘူးနော်..´´

``ဟုတ်မဟုတ်.. ကိုကြီးသက်ကို မေးကြည့်လေကွာ´´
``အေး ... ၁၀၉-၁၁၀ ပြောတာ မှန်တယ်ကွ´´

`` ဘာကို ခီညားက ရမ်းသမ်းပြီး မှန်နေတာတုံး.. ကိုရင် သူတို့ပြောတာ ဖြစ်နိုင်လား´´
`` မဖြစ်နိုင်တာကွာ.. အာ့ ၆ကုလားတွေ.. သေလို့ ငရဲကျတာတော့ ဖြစ်နိုင်ပါတယ်..
မသေခင်က ငရဲကျတာတော့ တစ်ခါမှ မကြားဖူးပါဘူးကွာ´´

ဒါကို တစ်ရာ့ကိုး တစ်ရာ့တစ်ဆယ်က
``ဟျောင့် အောင်ဘု.. မင်းက ဘယ်လောက်နားလည်လို့လည်း... ဒီမှာ ကိုသက်လတ်ကြီးက ဟုတ်ပါတယ်လို့
ထောက်ခံနေတာ မင်းမကြားဘူးလား´´
``ဟ.. ဒီမှာလည်း ကိုရင်က မဟုတ်ပါဘူး ငြင်းနေတာ မင်း မသိဘူးလား´´

``အာ့ကိုရင်က.. ကိုသက်လတ်လောက်သိလို့လား´´
``အောင်မာ..မင့်ကိုသက်လတ်ကရော..ကိုရင်လောက် သိလို့လားကွ´´

``ဟျောင့် သိတာ မသိတာ..ငါနားမလည်ဘူးကွာ..သတ္တိရှိရင် နပမ်းလုံးမလား´´
``လုပ်လိုက်လေ ကြာသလားလို့´´

``အေး...လုံးမယ်.. ဘယ်လိုလည်း.. ကိုသတ်လတ်..လုံးမယ် မဟုတ်လား´´
`` ကတောက်စ် ချမယ်ကွာ´´

``ကဲ ကိုရင်..သူတို့က လုံးမယ်တဲ့..ခီညားကရော..´´
``ဟားး ကိုရင်ပါကွ စိန်ခေါ်ရင် အိမ်သာထိတောင် လိုက်တယ်ကွ´´

``ကဲ ဒါဆို ချကြဗျာ´´
``ဟျောင့် တစ်ရာ့ကိုး တစ်ရာ့ တစ်ဆယ်.... မင့်လူ ကိုသက်လတ်လောက်တော့..
ငါ့ ကိုရင်က အယားတောင် မပြေဘူးကွ မှတ်ထား´´
`` ဟျောင့် အောင်ဘု.. အပြောမကြီးနဲ့...
ပြီးမှ မင့် ကိုရင် ကြောက်ပါပြီ အော်နေရမယ်ကွ´´

ကိုရင်နဲ့ ကိုသက်လတ်ကတော့.. ပုဆိုးတိုတို ပြင်ဝတ်နေကြပြီ...

`` ထွိန်... တောမှာသွားပြော ဟျောင့်.. ကိုရင်ကွ.. ဇ နဲ့ မှတ်ထား´´
`` အောင်မာ.. ငါ့ ကိုကြီးသက်ကလည်း တစ်သက်တည်း ရှိ..ရှိ´´

``ဟိုင်းယား..´´
``ဒရှိ ဒရှိ´´

အပြောတောင်မဆုံးသေး.. နပမ်းလုံးကုန်ကြပြီ...

`` ချကွ..ဒါမှ ငါ့ကိုကြီးသက်ကွ´´
`` ချထား ကိုရင်..ချ..ချ´´

ရွာပြင် လယ်ကွင်းထဲတွင်...
နပမ်းလုံးနေကြသော..ကိုရင်နဲ့ ကိုသက်လက်
သူတို့ကို အားပေးနေသော.. ကျွန်တော်နှင့် တစ်ရာ့ကိုး တစ်ရာ့တစ်ဆယ်

ဘေးမှ ပရိသတ်အဖြစ် ကြည့်နေကြသော...
လင်းထက်ကို... ရန်ရှင်းနိုင်.... သီဟရဲခေါင်..တို့တစ်သိုက်....

ထိုအချိန်...
``ဟေ့ ဘယ်ကောင်မှ မပြေးနဲ့..အကုန်ထိပ်တုံးခတ်ပစ်မယ်..´´
ဆိုသော အသံနှင့်အတူ ရောက်လာသူက သူကြီးနှင့် ရွာသားတစ်ချို့...

``သူကြီး ခီညားက ကျုပ်တို့ကို ဘာလို့ ထိပ်တုံးခတ်မှာလည်း´´
``အော်..အောင်ဘုတို့ကိုး.. မင်းတို့ကိုလည်း ဖမ်းသင့်ရင်ဖမ်းရမှာပဲ...ငါ့ရွာမှာ ဒါမျိုး လာလုပ်လို့ မရဘူးကွ´´
``အင်းလေ..ကျုပ်တို့က ဘာလုပ်နေလို့လည်းဆို..´´
`` မင်းတို့ ကြက်တိုက်နေတာ.. ငါ မြင်တယ်ကွ´´

``တိန်...ကြက်တိုက်ရအောင်..ဘယ်မလည်းကြက်´´
``အဲ.... ငါ မြင်တော့ မြင်လိုက်တယ်ကွ.. မင်းတို့ ဘယ်မှာ ဖွက်ထားလိုက်လည်း´´
``ကြံကြီးစည်ရာ သူကြီးရာ.. ဒါ ကျုပ်တို့ ကြက်တိုက်နေတာ မဟုတ်ဘူးဗျ..
ဇာတ်တိုက်နေတာ.. ဇာတ်တိုက်နေတာ..´´

``ဟေ..ဟုတ်လား.ဟ... မင်းတို့ ဇာတ်တိုက်တာလည်း အဆန်းသားနော်´´
``ဆန်းရမယ်လေဗျာ.. ပွဲမ၀င်ခင် အပြင်က ကျင်းပ ဆိုသကိုးဗျ´´

``အေးအေး..အာ့ဆိုလည်း..ဆက်ပြီးတိုက်ကြကွာ... ငါလည်း အားပေးမယ်..´´
``ငင်..´´
``သေပြီဆရာ...´´
-------------------------------------------------
(ဆရာတော်ပေးသော... အတွေးတစ်စ)

``အောင်ဘုရေ...စောစောက ကပ္ပိယကြီးလာသွားတယ်...
မင်းပြန်ရောက်ရောက်ခြင်း... ဘဘုန်းက..သူ့ဆီလာခဲ့ပါတဲ့´´

``တိန်..ဖြစ်ပြန်ပြီ.. ဟျောင့် အောင်ဘု..ဒီတစ်ခါတော့..
ငါတို့ မလိုက်တော့ဘူးကွာ..နော်နော်...မင်းတျောက်တည်းသွားတော့.....သိလား´´

``အမ်..တော်တော်အားကိုးရတဲ့ လူတွေ..´´

ဆရာတော့်ကျောင်းသို့ရောက်သော်.......

``အောင်ဘု..လာကွယ်..´´
``တင်ပါ့ဘုရား´´

``မင်းမနေ့က ဒကာမကြီး မယ်ခင်တို့ မြေးအဖွားဆီ သွားတယ်ဆို´´
``တင်ပါ့..သွားတယ် ဘုရာ့´´

``ဘာသွားလုပ်တာတုံး´´
``ဒီလိုပါ အဘ.. ဖွားလေးခင်တို့ကို စုန်းရယ်လို့ စွပ်စွဲပြီး ရွာပြင်ထုတ်တားတာကို စိတ်မကောင်းလို့ပါဘုရား´´

`` မင်းမကြောက်ဘူးလား..´´
``မကြောက်ပါဘူးဘုရား.. ကြောက်လည်း ကြောက်စရာမလိုဘူးထင်တယ် အဘ´´

``ဟဲ့ ဘာလုံ့တုံး´´
``ဖွားလေးခင်ဆိုတာ.. မွေးကတည်းက ဒီရွာမှာနေလာခဲ့တာ..
သေရင်လည်း ဒီရွာမှာ ခေါင်းချသွားမယ့် သူပါဘုရား...
ဒါကို မနေ့တစ်နေ့ကမှ ရောက်လာတဲ့.. အထက်လမ်းဆရာလိုလို..သိုက်ဆရာလိုလို..ဘိုးတော်လိုလို
လူတစ်ယောက်ကြောင့်...ရွာအပြင်ရောက်ရတယ်ဆိုတာ..မဖြစ်သင့်ပါဘူးဘုရား´´

``အိမ်း´´
``ပြီးတော့.. ဒီလူ ရောက်မလာခင်က.. ဒါမျိုး အဖြစ်အပျက်တွေ မကြားခဲ့ဖူးဘူးဘုရာ့...
အခု ဒီလူရောက်လာမှ.. ဒါမျိုးတွေကြားရတယ်ဆိုတော့.. ဒီကိစ္စတွေကို ဒီလူ သယ်လာတာပဲ ဖြစ်လိမ့်မယ်ဘုရာ့´´

``အင်း.. မင်းပြောတာ မှန်တယ်..အောင်ဘု
အစက ငါလည်း..ရွာကလူတွေကို.. တရားချပါသေးတယ်...
ဒါပေမယ့်.. သူတို့တွေက.. အစွဲအလမ်းသိပ်ကြီးတာ ကလား...´´
``မှန်ပါ့´´

``သူတို့ အစွဲကို ချွတ်ဖို့ကြပြန်တော့လည်း... ဒီဆရာတု ဆရာယောင်ရဲ့..
ဇစ်မြစ်ကိုသိမှ ဖြစ်မယ်လေ´´
``ဒါတော့ အမှန်ပဲ ဘုရာ့´´

``အောင်ဘုရယ်... မင်းကို ဘဘုန်းတစ်ခုလောက် အကူအညီ တောင်းချင်တယ်..´´
``တင်ပါ့ဘုရား´´

``မင်းတို့ သူငယ်ချင်းတစ်စု.. မပြန်ခင်.. ဒီရွာကလူတွေရဲ့ အစွဲကို ချွတ်ပေးခဲ့ပါကွယ်´´
``တင်ပါ့ တပည့်တော် သူငယ်ချင်းတွေနဲ့ တိုင်ပင်ပြီး ကြိုးစားကြည့်ပါ့မယ်ဘုရား´´

``မင်းတို့ သူငယ်ချင်း တစ်စု.. ဖြစ်အောင်လုပ်နိုင်ပါလိမ့်မယ်ကွယ်´´
``တင်ပါ့ဘုရား..ဖြစ်အောင်ကြိုးစားပါ့မယ် ဘုရား..´´

``အိမ်း..သာဓုကွယ်..သာဓု..သာဓု´´
``တပည့်တော်ကို ပြန်ခွင့်ပြုပါအုံး ဘုရား´´

ဆရာတော့်ကျောင်းမှ ပြန်လာအပြီးတွင်တော့..ကျွန်တော့် ခေါင်းထဲမှာ
တွေးစရာတွေ တစ်ပုံတစ်ပင်နှင့်.....
------------------------------------------------------------
(လင်းထက်ကို၏ အကြံ)

``ဟျောင့် အောင်ဘု.. မျက်နှာလည်း မကောင်းပါလား ဘာလည်း ဆရာတော်က..
ဆော်ပလော်တီးလိုက်ပြန်ပြီလား´´

``မဟုတ်ဘူး သီဟရ.. အခုခေါ်တဲ့ကိစ္စက..ဆော်ပလော်တီးဖို့ မဟုတ်ဘူးကွ´´
``ဒါဖြင့် ဘာကိစ္စတုံး...´´

``ဟိုပယောဂ ဆရာရဲ့ ဇစ်မြစ်ကို ဖော်ထုတ်ပေးဖို့တဲ့ကွ´´
ကိုသက်လတ်က ၀င်ပြီး
``ဟာ.. ဒါတော့ မလွယ်လောက်ဘူးနော်...´´
`` အာ့ကြောင့် ကျွန်တော် ခေါင်းခဲနေတာပေါ့.. ကိုသက်လတ်ရာ
ဆရာတော်ကလည်း.. ကျွန်တော်တို့ မပြန်ခင်..မဖြစ်ဖြစ်အောင်... လုပ်ပေးဖို့..
အကူအညီတောင်းထားတယ်..ဗျ´´

``အင်း ငါတို့ ၀ိုင်းပြီး စဉ်းစားကြတာပေါ့ကွာ´´

ထိုအချိန်..အဘလင်းက..
``ဒီကိစ္စ ဘာမှမပူနဲ့ကွာ..ငါ့တာဝန်ထား..´´
``ဟင်..အဘ..တစ်ကယ်ပြောတာလား..
မနောက်နဲ့နော်´´
``နောက်စရာလားကွ...´´
``အဘက..ဘယ်လိုလုပ်ဖို့ စိတ်ကူးရှိလို့လည်း...´´

`` မင်းတို့ အဲဒီဆရာကို မမှတ်မိလို့ပါ... ငါတို့..ဒီကိုလာဖို့ တိုင်ပင်တဲ့ နေ့မှာ..
ဘီယာဆိုင်ရှေ့ မြွှေအလမ္ပာယ် လာပြတဲ့.. ယောပြန်ကြီး နဂါးနိုင် ဆရာသန်းဆိုတာကို မှတ်မိလား´´

``အော..ဟုတ်သားပဲ.. ကျုပ်လည်း အခုမှ မှတ်မိတော့တယ်.. ´´
``ရန်ရှင်း အပမှီတဲ့နေ့ကတည်းက ငါသူ့ကို သတိထားမိတာကွ...
ဒါပေမယ့်..ဇဝေ ဇ၀ါဖြစ်နေတာ..မနေ့က..မင်းအကို..ပြောပြတော့မှ..ငါလည်း မှတ်မိတာကွ´´

`` ဒါဆို..သူ့ ကို ဘယ်လိုပညာပေးကြမလည်း´´
``ငါစဉ်းစားထားတာတော့ ရှိတယ်ကွ.. ဒါပေမယ့် လုပ်သင့် မလုပ်သင့်..စဉ်းစားနေတာ..´´

``ပြောသာ ပြော လင်းထက်ကိုရာ..ငါတို့လည်း သိရတော့ အကြံပေးနိုင်တာပေါ့´´

``ဒီလိုကွ..နှစ်ဆန်း တစ်ရက်နေ့မှာ..ငါတို့ ဖျော်ဖြေရေးစမယ်လေ..´´
``အင်း.. ´´
``အဲဒီနေ့မှာပဲ သူ့ကို..%^$#$#@#$#%%^$%$$´´

``အိုကေ..ဒီအကြံကောင်းတယ်.. ဘာလို့ မလုပ်သင့်ရမှာလည်း..
လုပ်ကို လုပ်ရမယ်.. မိန်းကလေးတွေလည်း ကူညီရမှာပေါ့....အားလုံး သဘောတူလား´´
``တူတယ်.....တူတယ်..´´

``အိုကေ..ညီစေနော်..´´
``ညီစေပေါ့ဗျာ´´
-------------------------------------------------------------------------
( ကြိုတင်ပြင်ဆင်ခြင်း)

အတတ်နေ့သို့ပင် ရောက်ခဲ့ပြီ...
မနက်ဖြန်ဆိုလျှင်... ပွဲထွက်ရတော့မည်..

ကျွန်တော်တို့လည်း.. ဆရာတော် တာဝန်ပေးထားသော ကိစ္စက တစ်ဖက်
မနက်ဖြန်..ဧည့်ခံ ဖို့က..တစ်ဖက်ဖြင့်.. အသီးသီး တာဝန်ခွဲဝေနေကြရသည်

ဆရာတော်၏ တာဝန်ပေးမှုကြောင့်..ဧည့်ခံ အစီအစဉ် တစ်မျိုး
ပြောင်းလည်းသွားသော်လည်း....

အကောင်းဆုံးဖြစ်အောင်တော့ ကြိုးစားနေကြရသည်...

ပြဇာတ်အတွက် ဇာတ်တိုက်ခြင်း..
သီချင်းဆိုဖို့ နဲ့ ယိမ်းကခြင်း အတွက်..တီးလုံးတိုက်ခြင်းတို့ဖြင့် မအားလပ်နိုင်အောင်ဖြစ်နေကြသည်........

နေ့လယ်ပိုင်းမှာ...

သမီးလတ် နှင့် နွယ်နွယ်အောင်တို့ နှစ်ယောက်... နဂါးဗိမာန်သို့...သွားရောက်ကာ.....

`` ဒီမှာ နဂါးနိုင်ဆရာသန်းဆိုတာ ရှိလား မသိဘူး´´
``အော်..ရှိပါတယ် ခီည.. ကြွကြပါ ခီည ကြွကြပါ... ဆရာ..
ဆရာ့ကို တွေ့ချင်လို့တဲ့.....´´

ဆရာသန်းဆိုသူက.. ပုတီးကို တစ်ဂျောက်ဂျောက် စိပ်နေရာမှာ..လှည့်ကြည့်ကာ...
``အော..ဧည့်သည်တွေကိုး...လာကြကွယ်..ထိုင်ကြ´´
``ဟုတ်ကဲ့...´´
`` ကဲ ငါ့တူမကြီးတို့ကို ဆရာ ဘာများကူညီပေးရမလည်း..ရှေ့ဖြစ်ဟောရမလား... နောက်ဖြစ်ဟောရမလား
မြွေနိုင်ဆေးပေးရမလား... ပယောဂကုပေးရမလား´´

သမီးလတ်က...
``တစ်ခုမှ မဟုတ်ပါဘူး´´
``တိန်..အာ့ဆို..ဘာကိစ္စ´´
``ဒီလိုလေ..ဆရာရဲ့..ဆရာက နဂါးကိုတောင် နိုင်မှတော့.... မြွေလည်းနိုင်မှာပေါ့နော်´´
``ဒါပေါ့....နတ်မြွေ..တိုက်မြွေ...အစောင့်မြွေ... မြွေဆိုး...မြွေမိစ္ဆာ...မြွေသူတော်ကောင်း
မြွေဖြူ..မြွေညို..မြွေပြာ..မြွေကြား..ရေမြွေ... သဲမြွေ..မြေမြွေ..ပင်လယ်မြွေ..အို...မြွေမှန်သမျှ...
ငါ..ဆရာ ငါ့အမိန့်အောက်မှာ..ပြားပြားဝပ်စေရမယ်ဟေ့´´

``ဟယ်..တော်လိုက်တာ..ဆရာရယ်...အာ့ကြောင့် ဆရာ့ကို အားကိုးတစ်ကြီးပင့်တာပါ..´´
``ဒီလိုပဲဖြစ်ရမယ်လေ...ဟဲဟဲ´´
``ဟဲဟဲ´´
``ကဲ.. အကြောင်းရင်းကို သေခြာပြောပါအုံးကွယ့်´´
``မနက်ဖြန်နှစ်ဆန်း တစ်ရက်နေ့မှာ သမီးတို့က..ပွဲကျင်းပမယ်လေ..´´
``အော်..´´
``အာ့..ဆရာ.. များကူညီနိုင်မလားလို့ပါ..´´
``ဘယ်လိုကူညီရမှာလည်း..´´

``ဒီလိုပါ..ဆရာ..မနက်ဖြန်..သမီးတို့..ပွဲကို..ထူးထူးခြားခြားဖြစ်သွားအောင်.
ဆရာ့ အစွမ်းကို စင်ပေါ်မှာ ပြစေချင်လို့ပါ...´´
``အယ်...ဒါတော့ မဖြစ်နိုင်ပါဘူးကွယ်´´

နွယ်နွယ်အောင်က.. တစ်သောင်းတန်လေး.. သုံးရွက်ကို ရှေ့သို့ တိုးပေးလိုက်ပြီး...
``ဆရာရယ်..ကူညီပါ.. ´´

``အယ်.. အင်း....ကူညီရမှာပေါ့ကွယ်..ဟဲဟဲ´´
``ကျေးဇူးတင်ပါတယ်..ဆရာ..ဟဲဟဲ´´
``ဟဲဟဲ´´
``ဟဲဟဲ´´
-----------------------------------------------------------
(ကပ္ပိယကြီး၏ ကြက်တူရွေး)
(ဒီအကြောင်းအရာကိုတော့.. သီးသန့် ဖော်ပြပြီးသားဖြစ်ပါတယ်..ဒါပေမယ့်..
နောက်ပါဝင်မယ့် အပိုင်းများမှာ.. ကြက်တူရွေးရဲ့ အခန်းကဏ္ဍပါလာမှာ ဖြစ်လို့
မသိသေးသူများ..သိအောင်ဖော်ပြပေးလိုက်ပါတယ်.. သိပြီးသူများလည်း သည်းခံ၍ ဖတ်ကြကုန်...)

ကျုပ်တို့ရွာ.. ဘုန်းကြီးကျောင်းမှာ... ရေတွင်းတစ်တွင်းရှိတယ်...
အဲဒီရေတွင်းကို... ရွာရှေ့ပိုင်းက.. မိန်းကလေးတွေ..ရေလာခပ်လေ့ရှိကြတယ်...
ညနေဆိုရင်.. ရေလာခပ်တဲ့.မိန်းကလေးတွေ..စကားသံတွေနဲ့..
ကျောင်းဝင်းတစ်ဝင်းလုံး..ဆူညံနေတာပဲ..

ဒါကို ကပ္ပိယကြီးက မကျေနပ်လို့..
ကြက်တူရွေးတစ်ကောင်မွေးထားတယ်
ပြီးတော့ စကားတစ်ခွန်းသင်ပေးတယ်..
သင်ပေးတာက.. တစ်ခွန်းဆိုမှ တစ်ကယ့်ကို တစ်ခွန်းတည်းရယ်...

ကျေနပ်လောက်ပြီဆိုတဲ့ အချိန်ကျတော့....
အာ့ ကြက်တူရွေးကို.. ရေတွင်းနားမှာ သွားထားတယ်..
ကြက်တူရွေးထားပြီးကတည်းက.. ရေတွင်းမှာ..မိန်းကလေးတွေ စကားမပြောရဲကြတော့ဘူး...

ကပ္ပယကြီး သင်ပေးထားတာက...
``ယိုးလိုက်လို့´´တဲ့...

ဒါပေမယ့် ခက်တာက.. ဘယ်သူ ဘာပဲ ပြောပြော... ကြက်တူ ရွေးက.. အာ့လိုပြောနေတော့..
ဆရာတော်တောင် တရားဟောခါနီးရင်.. အာ့ ကြက်တူရွေးကို ဝေးဝေးပို့ထားခိုင်းရတယ်..
--------------------------------------------------------------
(အလွမ်းကို ကုစားနည်း)

ဇာတ်တိုက်လို့လည်း ပြီးပြီ...
သီချင်းတိုက်လို့လည်း ပြီးပြီ...
ယိမ်းတိုက်လို့လည်း ပြီးပြီ...
ကျန်တဲ့ ကိစ္စတွေလည်း စီစဉ်ပြီးသွားပြီ ဆိုတော့....
ညနေပိုင်း.. အေးအေးဆေးဆေးပင်

ကျွန်တော်တို့..သူငယ်ချင်း တစ်သိုက်လည်း
စကားဝိုင်းဖွဲ့ ပြောနေရင်း....

ကိုသက်လတ်က...
``ကြည့်ကြစမ်းပါအုံးကွာ.. ဟိုးအနောက်ဆီမှာ...
နေလုံးကြီးက..ပုံတောင်ပုံညာ တောင်တန်းကြီးကို မေးတင်လို့..
ရေခပ်ဆင်းတဲ့ အပျိုချောလေးတွေက..တစ်မျိုး...
ထန်းပင်လေးတွေက အစီအရီ... လှည်းလမ်းတစ်လျှောက် ဖုန်လုံးကြီးတွေထနေတာ..
ကြည့်စမ်း... ဘယ်လောက်လှတဲ့... သဘာဝ ပန်းချီကား တစ်ချပ်လည်း..
ဒီလို ပန်းချီမျိုးကို.. လီယိုတော်စတွိုင်းတောင် ဆွဲနိုင်ပါ့မလားကွာ´´

``တိန်.. လီယိုနာဒို ဒါဗင်ချီ လုပ်ပါဗျ´´
``လျှာမရှည်နဲ့.. လီယိုချင်းတော့ တူတယ်မဟုတ်လား..´´
``ငင်..အင်း ဟုတ်ပါ့ဗျာ´´

သီဟရဲခေါင်က...
``ဟုတ်တော့ ဟုတ်တယ်ကွ..ဒီလို ရှုခင်းမျိုးကို.. ငါတို့ နေတဲ့ မြို့ကြီး ပြကြီးမှာ..
ဘယ်မြင်ရမှာလည်းကွာ.... ´´
`` အဲဒါပြောတာပေါ့ကွ... ဒီရှုခင်းကို ကြည့်ရင်း..ငါ့ရင်ထဲမှာ ဟာတာတာကြီးကွာ..
အင်းးးး....ငါ့ရဲ့ နွယ်လေးကို လွမ်းလိုက်တာ..´´
`` ဘာမှလည်း မဆိုင်ဘူး´´
``မင်းတို့က ဘယ်ခံစားတတ်မလည်းကွ...ငါ့မှာတော့.. လွမ်းလွန်းလို့..ရင်ကွဲလု မတတ်ပါပဲကွာ..
ဟုတ်တယ်မဟုတ်လား..ကိုရင်ရာ´´

``အေးပေါ့ကွာ.. ငါလည်း ဒီလို ရှုခင်းကို ကြည့်ပြီး.. ငါ့ရဲ့ ငယ်ချစ်ဟောင်းလေးကို လွမ်း.....လွမ်း´´
``အဟမ်း..အဟမ်း´´မသီရိရဲ့ ချောင်းဟန့်သံကြောင့်
ကိုရင့် စကား ရှေ့မဆက်ဘဲ...တစ်ဝက်တစ်ပျက်နဲ့ ရပ်သွားလေသည်..

ဒါကို အလိုက်မသိသော.. တစ်ရာ့ကိုး တစ်ရာ့ တစ်ဆယ်က..
``ကိုရင် ဆက်ပြောလေဗျာ´´
``အဲ..ဟွာလေ..ငယ်ချစ်လေးကို လွမ်းသလိုထင်ရပေမယ့်.... ကိုယ့်အချစ်ဆုံးကြီးက
ဘေးမှာ ရှိနေတော့..ဒီလိုရှုခင်းမျိုးကို ကြည့်ရတာ..အရမ်းကြည်နူးဖို့ကောင်းတယ်လို့ ပြောမလို့ပါကွာ
ဟီးဟီး´´

ဘိုးအေကြီး အဘလင်းကလည်း...
`` ကြည့်စမ်း.. နေလုံးကြီး တစ်ဖြည်းဖြည်းနိမ့်ဆင်းသွားပုံက..ဘယ်လောက် ကဗျာ ဆန်လိုက်လည်း
ကိုသက်လတ် မပြောနဲ့..ငါတောင် လွမ်းလာပြီကွာ...´´

``လွမ်းတာကို ကုနိုင်တဲ့ နည်းတော့ ရှိတယ်ကွ´´
ထန်းရည်အိုးလေးပိုက်ကာ..ပြောရင်းရောက်လာသူက.. ကျုပ် အကို ကိုအောင်ဒင်

ကိုသက်လတ်က
``လုပ်စမ်းပါအုံးဗျ.. လွမ်းတာကို ဘယ်လိုကုရတာလည်း´´
``ဟဲဟဲ.. တစ်ကယ်လွမ်းနေတာလား..´´
``တစ်ကယ်ပေါ့ဗျ..ကျုပ်တင်လွမ်းတာ မဟုတ်ဘူး.. ဟောဒီ အဘတို့လည်း လွမ်းတာပဲ..
သီဟတို့လည်း လွမ်းတာပဲ.. တစ်ရာ့ကိုး တစ်ရာ့တစ်ဆယ်လည်း လွမ်းတာပဲဗျ....´´

``ဟားးး... အောင်ဒင်တို့က ဒါမျိုးကို ရှာနေတာ...ဒီလို လွမ်းတာလောက်တော့..
ငါ့နည်းနဲ့သာ..ဆို အကုန်ပျောက်..´´
``နိပ်ဟ.. လုပ်စမ်းပါအုံးဗျာ..ကျုပ်တို့ကို အလွမ်းပျောက်အောင် ကုပေးစမ်းပါ..´´
`` ကုပေးမှာပေါ့ကွ.. ဘယ်သူအရင်ကုမလည်း..´´

တစ်ရာ့ကိုး တစ်ရာ့တစ်ဆယ်က..
``ကျုပ်အရင် ကုမယ်..´´
``ဘယ်ရမလည်းကွ.. ငါအရင်လွမ်းတာ ငါအရင်ကုမယ်´´
``ဟေ့ကောင်တွေ.. မရဘူး.. ငါမင်းတို့ထက် အသက်ကြီးတယ်..
ငါအရင်ကုမယ်..´´

``ကဲပါဗျာ.. ကိုကြီးသက်က.. အသက်ကြီးလို့ ဦးစားပေးလိုက်ပါ့မယ်..
သူပြီးရင်တော့..ကျုပ်အလှည့်နော်..´´
``အေးအေး.. ကဲ..သက်လတ်ကို.. ငါကုပေးနေတုံး..
မင်းတို့ ထန်းရည်အေးအေးဆေးဆေးသောက်´´
``အိုကေ´´
``ဟျောင့်တွေ..ငါ့ဖို့တော့ချန်အုံးနော်..´´

``ကဲ..သက်လတ်ရေ.. ဒီဖျာပေါ်မှာ မှောက်လိုက်..´´
``တိန်..ကို..ကို..အောင်ဒင်..ဘာ..ဘာလုပ်မလို့လည်းဗျ´´
``မင်းပဲ လွမ်းတယ်ဆို..ငါကုပေးမယ်လေ..´´
``ဂယ်နော်..´´
``အေးပါဆို..´´
``ညစ်ရဘူးနော်.´´
``အေးပါဆိုကွာ´´
``စိတ်ချမယ်နော်´´
``အာ...မင်းမကုရင်နေကွာ´´
``အဲ..ကုပေးပါဗျ.. လွမ်းလွန်းလို့ပါ..ဟီးဟီး´´

``ကိုင်း ဒါဆိုမှောက်လိုက်..´´
``မှောက်ပြီဗျား´´

``ကဲကွာ..´´
``အောင်မငီး သေပါပြီဗျ....´´
ကိုသက်လတ် ခြေသလုံးပေါ်သို့.. တက်နင်းခြင်းဖြစ်လေသည်...

``ဒီလို အော်နေတာ.. အလွမ်းတွေ မကုန်သေးလို့..လာထား´´
``အားး..ကျိုးပါပြီဗျ...´´
``ကိုင်း နောက်တစ်မျိုး..´´
``အောင်မလေး သေရပါတော့မယ်ဗျ...´´
``ဒီလောက်နဲ့ မရသေးဘူး.. ခြေထောက်ကို ချိုးပေးမှ ရမယ်´´ဟုဆိုကာ..
ကိုသက်လတ် ခြေထောက်ကို ခေါက်ကာ..ခြေဖ၀ါးမှ ဖိကာဖိကာ ချိုးလေတော့သည်..
ပါးစပ်ကလည်း..
``လွမ်းသေးလား ဟင်..လွမ်းသေးလား´´
``အောင်မလေး.. အမေရေ့ သား လူပေါင်းမှားပြီဗျ... နောက်ကို
မလွမ်းတော့ပါဘူးဗျ...´´

``အာ့ဆိုရပြီ..ကိုင်း နောက်တစ်ယောက်..´´
``ငင်...သီ..သီဟ.. မင်း အလှည့်..လေ..သွားသွား´´
``ဟျောင့်..၁၀၉-၁၁၀... မင်းမညစ်နဲ့.. ခုနကပြောတော့..ကိုသက်လတ်ပြီး မင်းအလှည့်ဆိုကွ´´
``ငင့်..ငါ က လွမ်းတော့ဘူး.. ထန်းရေလေး သောက်လိုက်တာ အလွမ်းပြေသွားပြီ..ဟီးဟီး´´
``ဒါဆို အဘ သွားလေ..´´
``အဲ.. ငါလည်း လွမ်းတော့ဘူး..ထန်းရေသောက်လို့ အလွမ်းပြေသွားပြီ..´´

``ဟျောင့်တွေ..လာလေ..´´
``ဟဲဟဲ အကိုကြီး..ကျုပ်တို့ လွမ်းတော့ဘူးဗျ.. ´´
``အဲဒါပဲ မြင်လား.. ငါ့နည်းက ဘယ်လောက်ကောင်းလည်း..
တစ်ယောက်ကိုပဲ ကုရသေးတယ်.. ကျန်တဲ့လူတွေပါ..မလွမ်းတော့ဘူး..
လွမ်းရင် အချိန်မရွေးလာပြောနော်..ဟဲဟဲ´´

``တိန်..ဟုတ် ဟုတ် ဟုတ်ကဲ့..´´
``ဟျောင့်အောင်ဘု.. . မင်းတို့ရွာမှာ နေသမျှကာလပါတ်လုံး...
ငါ ဘယ်တော့မှ မလွမ်းတော့ဘူး ....´´
-------------------------------------------------------------------------
( ကြက်တူရွေးကို အသုံးချဖို့ ကြံခြင်း)

`` အကို ..´´
``ဟေ...´´
``အကိုတို့က ဒီ ဆရာသန်းဆိုတဲ့လူကို..ဘာလို့...ဒီလောက်..
ယုံကြည်နေကြတာလည်းဗျ´´

``သူက တော်တော် စွမ်းတယ်ကွ´´
``ဘယ်လောက်များ စွမ်းလို့လည်းဗျာ...´´
``သူက..မြွေကို နိုင်ယုံတင်မကဘူးကွ..
ပယောဂတို့ စုန်းတို့ပါ နိုင်တယ်´´
``ဒါလေများဗျာ´´

``ကျန်သေးတယ်ကွ... နဂါးဗိမာန် စတည်တဲ့နေ့ကဆို....
သူက တဲထဲမှာ..ကျောပေးပြီး.. ထိုင်နေတာဟေ့....
သူကြီးက ဘေးကပေါ့....´´
``အင်း..´´

``ငါတို့ကလည်း အုတ်သည်တဲ့လူနဲ့.. သစ်သယ်တဲ့လူနဲ့ပေါ့ကွာ..
အဲဒီမှာဟေ့.. ဆရာသန်းက.. လှည့်မကြည့်ဘဲ.. အုတ် ဘယ်နှစ်စီးရှိပြီ...
လှည်းဘယ်နှစ်စီးရှိပြီနဲ့..လှမ်းပြောတာကွ...သူကြီးကဆို.. အံ့သြလို့မဆုံးဘူး´´
``အော်...´´
``ဒါတင်မကဘူးဟေ့..နောက်တစ်နေ့... မြေပေါက်တဲ့လူက ဘယ်နှစ်ယောက်...
ပန်းရံက ဘယ်နှစ်ယောက်.. မိန်းကလေး ဘယ်နှစ်ယောက်ပါတယ်..
ယောက်ျားလေး ဘယ်နှစ်ယောက်ပါတယ်..အတိအကျပြောတာကွ...
ဒီထက်ထူးဆန်းတာက.. ဘယ်သူကတော့.. ဘာရောင်ဝတ်ထားတယ်ကအစ..
တစ်ခုမှ မလွဲဘူးဟေ့.. ငါဖြင့် အံ့ရောပဲ´´

``ခိခိ´´
``မင်းက ဘာရီတာတုံးကွ´´
`` အကိုတို့ကို ရီချင်လို့ပါဗျာ...´´
`` ဟ..ဘာရီစရာပါလို့လည်း..´´

``ကဲပါ အကိုရာ.. ဒါတွေ မနက်ဖြန် အဖြေပေါ်မှာပါ...ကျုပ်ကို ကပ္ပိယကြီးရဲ့.. ကြက်တူရွေးလေးသာ ခနငှားပေး´´
``ဘာလုပ်မလို့လည်းကွ..´´
``ဒီကိစ္စက လူသိနည်းလေ.. ကောင်းလေပဲဗျ´´
``အော..မင်းက..ငါ့စကားနဲ့ ငါ့ကို ပြန်ပြောတာပေါ့...ဟုတ်လား..´´
``မဟုတ်ရပါဘူးဗျာ..ဟဲဟဲ´´

အကို ထွက်သွားတော့....
သီဟက..
``အောင်ဘု.. မင်းအကြံကို ငါနည်းနည်းရိပ်မိသလိုပဲ´´
``ရှူး... ရိပ်မိရင် အသာနေ.. အဘရဲ့ အကြံနဲ့.. ငါ့အကြံပေါင်းလိုက်ရင်..
ဆရာသန်းဆိုတဲ့လူ....ခေါင်းတောင် ဖော်နိုင်မှာ မဟုတ်ဘူး..´´
``ဟဲဟဲ´´
``ဟဲဟဲ´´
--------------------------------------------
(တာဝန်ခွဲကြခြင်း)

ကိုရင်က..
``အောင်ဘုရေ.. မိုက်တွေသာ ကောင်းပေ့စေကွာ.. မနက်ဖြန်အတွက်ကတော့..
အားလုံးအိုကေပဲ...´´
``အဲဒီအတွက်ကတော့ မပူနဲ့..ရန်ရှင်း..ကိုယ်တိုင်လုပ်နေတယ်ဗျ
ဒါနဲ့...စင်အောက်မှာ ဘယ်သူတာဝန်ယူမှာလည်း..´´

``သီဟနဲ့ တစ်ရာ့ကိုး တစ်ရာ့တစ်ဆယ် တာဝန်ယူမယ်လို့ပြောတယ်..´´
``စင်ပေါ်က ကိစ္စကျတော့ရော... ´´
``ပထမပိုင်းကို.. သီရိနဲ့ မိန်းကလေးတွေ တာဝန်ယူမယ်
နောက်ပိုင်းကိစ္စကတော့... သက်လတ်နဲ့ အဘ..တာဝန်ယူ´´
``အင်း´´

``နောက်ပြီး... ရန်ရှင်းနဲ့ ငါက..ပွဲကို ထိန်းထားမယ်
မင်းကတော့.. ဆရာတော့်ကို အချိန်ကိုက်ပင့်လာခဲ့..ဆရာတော်ရောက်တာနဲ့...
ဟိုလူကို... ပွဲသိမ်းလက်သီး သွင်းမယ်´´

``အိုကေ´´
``အဓိကက...အချိတ်အဆက်မိဖို့ပဲကွ..အချိတ်အဆက်လွဲသွားတာနဲ့..
ရေစုန်မျောပြီ´´

``ဒါကတော့ စိတ်ချပါဗျာ...´´

``ကျန်သေးတယ်ကွ.. ဖွားလေးခင်တို့ မြေးအဖွားပါ..ခေါ်လာရင် မကောင်းဘူးလား´´
``ကောင်းတော့ ကောင်းတယ်ဗျ.. ဆရာတော် ရောက်လာပြီးမှ သူတို့ရောက်မှ ကောင်းမှာ..´´
``အေး..ဒါတော့ ဟုတ်တယ်.. ဒီတော့..ဒီကိစ္စကို ဗူးနွယ်က တာဝန်ယူ..ဟုတ်ပြီလား´´
``ဟုတ်..´´

``ရန်ရှင်းက.. သူ့ကို တွယ်ထားတဲ့ လက်စရှိတော့ အစပိုင်း ရန်ရှင်းမပါတာ ကောင်းတယ်..
နောက်ပိုင်းမှာ လိုအပ်လာရင်.. ရန်ရှင်းကို ခင်ဝင်း ပူးခိုင်းသင့်ရင် ပူးခိုင်းရမယ်ကွ..´´
``ဖြစ်ပါတယ်... ´´

``ကဲ.. ဒါဆိုရင်တော့...
မနက်ဖြန်အတွက်..စိတ်ချရပြီ...
အားလုံး.. ညီစေနော်...´´
``ညီစေပေါ့...´´
---------------------------------------------
(ပွဲကကြရာဝယ်.....)
နှစ်ဆန်းတစ်ရက်နေ့.....
ကျုပ်တို့ရွာဓလေ့အတိုင်း...နှစ်ဆန်းတစ်ရက်နေ့အထိ..ရေကစားကြတုံး

ဆရာတော့်ကျောင်းကို.. ဆွမ်းချိုင့်လာပို့သော..ပါတ်ဝန်းကျင်မှ..ရွာသူရွာသားများ တစ်ဖွဲဖွဲရောက်လာကြသည်...

ကျုပ်တို့အဖွဲ့ကလည်း.. ပွဲထွက်ရန်.. အသင့်ပြင်နေကြသည်...
ဆရာတော် တရားဟောပြီးချိန်တွင်တော့....
ကျွန်တော် တို့အဖွဲ့လည်း ပွဲစတင်ထွက်တော့သည်...

ရန်ရှင်းနိုင်က...
``ပထမဦးဆုံး အနေနဲ့.... (ဂွပ်)... သင်္ကြန်မိုး သီချင်းဖြင့် သီဆိုဖျော်ဖြေမယ့်သူက....
ကိုရင်လူထွက် ငပိချက်ပဲ ဖြစ်ပါတယ် ခင်ဗျား´´
``ရွီ ဖြောင်း ဖြောင်း´´

ကိုရင်က စင်မြင့်ပေါ်သို့ ဟန်ပါပါ တက်လာပြီး သင်္ကြန်မိုး သီချင်းကို ကျကျနန သီဆိုသွားလေသည်....

``ဟုတ်ကဲ့ နောက်တစ်ဖန် သီဆို ဖြော်ဖြေရန် အလှည့်ကျသူကတော့... (ဂွပ်)
မျိုးကြီးရဲ့ ကျောက်စာများသီချင်းကို သီဆိုမယ့် ကိုရင်လူထွက်ပဲ ဖြစ်ပါတယ် ခင်ဗျား´´
``ရွီ ဖြောင်း ဖြောင်း´´
``တိန်.....´´

ပရိသတ်က အားပေးနေမှတော့.. ကိုရင်လည်း မနေသာ.. ဆိုရပြန်လေသည်...

ကိုသက်လတ်က...
``ဟျောင့် အောင်ဘု.. ရန်ရှင်း တစ်ဂွပ်ဂွပ်နဲ့ ဘာတွေလုပ်နေတာလည်း..သွားကြည့်ရအောင်´´

``အော..လက်စသက်တော့ ဒင်းက.. အရက်သောက်နေတာကိုး
ဒါမျိုးလုပ်လို့ရမလားကွ..ပေးဇမ်း ငါတို့လည်းသောက်မယ်´´

ကိုရင် သီချင်းဆိုပြီးသွားပြန်ပြီ....
``ဟုတ်ကဲ့... နောက်ထပ်တစ်ခါ သီဆိုမှာကတော့..
လေးဖြူရဲ့ အမဲလိုက်အကနဲ့..ကိုရင်လူထွက်ပဲ ဖြစ်ပါတယ် ခင်ဗျား´´
``တိန်...´´

``အခုလို ကိုရင်လူထွက်က.. အမဲလိုက်အကနဲ့..သီဆိုပြီးတဲ့နောက်
မျိုးကြီးရဲ့ အိမ်ပြန်လမ်း သီချင်းကို ထပ်မံဖျော်ဖြေမယ့်သူကတော့
အင်း...ကိုရင်လူထွက် ဖြစ်ပါတယ်ခင်ဗျား´´
`` ငင်...ရန်ရှင်းတော့ ငါ့ကို သေအောင်သတ်နေပြီ´´
ပရိသတ်ကလည်း အားပေးတယ်....

တစ်ပုဒ်ပြီးသွားပြန်လေပြီ...

``နောက်ထပ်တစ်ခါ.. သီဆိုဖျော်ဖြေရန် အလှည့်ကျသူကတော့ဖြင့်...
တွံတေးသိန်းတန်ရဲ့..ကိုယ်ရယ် မင်းရယ် ပန်းပိတောက်ရယ်..သီချင်းဖြင့်
ဖျော်ဖြေမယ့်..ကိုရင်လူထွက်ပဲ ဖြစ်ပါတယ်ခင်ဗျား´´

``ငီးး...ဖျေယိုးမ ရန်ရှင်း ငါ့ကို ဘယ်အညှိုးနဲ့.. လုပ်နေလည်း မသိဘူး´´

စင်အောက်က ပရိသတ်ကလည်း..
``ဟားး မိုက်တယ်ကွာ.. ဒီအဆိုတော် သီချင်းမျိုးစုံရတယ်ဟ...´´

``နောက် ထပ် တစ်ဖန် သီဆိုဖျော်ဖြေမယ့်သူကတော့.. ကိုရင်..ရင်´´
``ဖုန်း..´´
``အင့်´´
ကိုရင်က ရန်ရှင်း နားရင်းကိုပိတ်ရိုက်လိုက်ကာ...
``ဂဒေါင်းဂျား..မူးမူးနဲ့ ဘာတွေ အော်နေတာလည်း..´´
``ခီညားပဲ.. ယောမှာ ယွချင်လှချည်ရဲ့ဆို..ဗျ..´´
``ဟ..ယွချင်တာကတော့ ယွချင်တာပေါ့ကွ...
ဒီလောက်တော့ လွန်လွန်းနေပြီ ဖျာမရ... အစီအစဉ် ချက်ခြင်းပြောင်းစမ်း´´

``ဟုတ်ကဲ့ခင်ဗျာ.. အခု နောက်ထပ်တစ်ဖန်.. ဦးရွေရိုးအကနဲ့..ဖျော်ဖြေမှာကတော့..
အင်း..ကိုရင်လူထွက်ပဲ ဖြစ်ပါတယ်ခင်ဗျား´´
``ငင်... ဒေါင်းဇား.. ပွဲပြီးမှ မင်းနဲ့ငါတွေ့မယ်..´´
``ခီညားပဲ..အစီအစဉ်ပြောင်းဆိုဗျ´´

ကိုရင်လူထွက်ကလည်း မခေ.. ကျရာအခန်းက တာဝန်ကျေအောင် လုပ်နိုင်ပေသည်...
ဦးရွှေရိုးကပုံများ..ဘယ်လောက်ကောင်းလိုက်လည်းဆို... ပရိတ်သက်က.. လက်ခုပ်သံ
တစ်ဖြောင်းဖြောင်းနှင့်.... အားပေးကြလေတော့သည်...

ဦးရွှေရိုးကပြီးသောအခါတွင်တော့.. ကိုရင်လူထွက်လည်း.. ဟိုက်နေပေပြီ...
``ဟောဟဲ..ဟောဟဲ.. ဟျောင့် အောင်ဘု..အမောပြေ တစ်ခွက်လောက်ပေးဇမ်း..
မင်းတို့ပဲ သောက်နေတာ..ငါလည်း သောက်အုံးမယ်..´´

ကိုရင်က.. ရန်ရှင်းနိုင်လက်ထဲမှ..မိုက်ကို.လုကာ..
``တော်တော့..မင်းမအော်နဲ့တော့.. ဖျာမ.. မူးမူးနဲ့...ဘာတွေအော်မှန်းမသိဘူး´´

``အခု တစ်ဖန်..ကျွန်တော်တို့ အဖွဲ့သားများက.. ``ဘကြီးအောင်ညာတယ်´´
ပြဇာတ်ကို..ကပြဖျော်ဖြေမှာ ဖြစ်ပါတယ်..
ပြဇာတ်မှာ ပါဝင်မယ့်သူများကတော့.... ကျွန်တော်ကိုရင်လူထွက်... တစ်ရာ့ကိုး တစ်ရာ့ တစ်ဆယ်
ကိုသက်လတ်..နှင့် ကျွန်တော်တို့ရဲ့ ညီမလေး.. ဗူးနွယ်တို့ ဖြစ်ပါတယ်ခင်ဗျား´´

``ရွှီ..ဖြောင်းဖြောင်းဖြောင်း´´

ပြဇာတ်ရဲ့ သဘောကတော့ အားလုံး သိတဲ့ အတိုင်းပင်..
ဗူးနွယ်..က.. ထိုင်ခုံတစ်လုံးပေါ်တွင်ထိုင်ကာ.. ကိုရင်က..ပန်းပု ထုဟန်ပြုနေရပေသည်...

ထိုအချိန်...
တစ်ရာ့ကိုး တစ်ရာ့ တစ်ဆယ်ထွက်လာကာ...

``ဟာ..အုကိုရင်.. ဘာတွေလုပ်နေတာတုံးဗျ´´
``ဟျောင့်.. အုကိုရင်မှုတ်ဘူးလေ.. ဘကြီးအောင်ကွ..ဘကြီးအောင်´´
``အောင်မာ..ခီညားက နာမည်တွေဘာတွေတောင် ပြောင်းလို့..ဒါနဲ့..
အောင်ဘု ညီမက..ဘာထိုင်လုပ်နေတာတုံး´´
``တိန်..ဟျောင့် အာ့ အောင်ဘု ညီမ မဟုတ်ဘူးလေကွာ... ငါထုထားတဲ့ ပန်းပုရုပ်လေ´´
``အော်..အာ့ရောင်းဖို့လား..´´
``အေးပေါ့ကွ...´´
``အာ့ဆို ကျုပ်ဝယ်မယ်ဗျာ´´

ကိုရင်က..ပြဇာတ်ထဲက အတိုင်း
``မင်းလိုချင်ရင်..ငါးကျပ်နဲ့ပေးမယ်ကွ´´
``ဟင်..ခီညား တစ်ကယ်ပြောတာလား...´´
``အေးပေါ့ကွ´´
``အာ့ဆိုရော့..ငါးရာ..တစ်ပြားမှ ပြန်မအမ်းနဲ့´´
``တိန်...မဟုတ်ဘူးလေ..´´
``ဘာမဟုတ်ရမှာလည်း..ခီညားပြောတော့.ငါးကျပ်နဲ့ပေးမယ်ဆို..
ကျုပ်ငါးရာတောင် ပေးထားတာပဲ´´
ဟုဆိုကာ..ဗူးနွယ်ကို..အတင်းဆွဲခေါ်လေတော့သည်..

ဗူးနွယ်ကလည်း..
``အာာာ..ဒီ..တစ်ရာ့ကိုး တစ်ရာ့တစ်ဆယ်.. ရူးကြောင်မူးကြောင်နဲ့..ကဲဟယ်´´
``ဖောင်း´´
``အောင်မငီးဗျ..´´

``အုကိုရင်..သူက တစ်ကယ်ချတယ်ဗျ..´´
``ချမှာပေါ့ကွ..မင်းက ပြဇာတ်ထဲမှာ မပါတာတွေ လျှောက်ပြောနေတာကိုး´´
``နေစမ်းပါအုံး..ပြဇာတ်ထဲက..ဘယ်လိုလည်း..´´
``မင်းက ငါးကျပ်မပြည့်သေးလို့.. သွားရှာရအုံးမှာလေကွာ..´´
``အော်..သိပြီ..´´

မိုက်ကရိုဖုန်းဖွင့်ရက်သားပြောနေသဖြင့်..သူတို့ပြောသော စကားများကို..
စင်အောက်က ပြိတ်သက်က.. အတိုင်းသားကြားနေရသည်...

``အာ့ဆို..အုကိုရင်..ကျုပ်ပိုက်ဆံသွားရှာလိုက်အုံးမယ်.. ခနစောင့်..´´
``အေး..အေး.. မင်း ပိုက်ဆံပြည့်ရင်လာခဲ့သိလား´´

ထိုအချိန်..အရေးပိုင်မင်းအဖြစ် သရုပ်ဆောင်ရမည့်.ကိုသတ်လတ်က သိုင်းကွက်နင်းကာ..၀င်ရောက်လာလေသည်...

``ဟေ့...ကိုရင်..ခီညား ဘာတွေလုပ်နေတာလည်း´´
``အော်..အရေးပိုင်မင်းပါလား..ကြွပါ.ကြွပါ´´
``ဒါနဲ့ ဟို ရုပ်ထုက ရောင်းဖို့ဆို..´´
``ဟဲဟဲ အရေးပိုင်မင်းလိုချင်ရင် ယူသွားပါ..´´
``ယူပါဘူး´´
``တိန်...မဟုတ်ဘူးလေ...´´
``ဟုတ်ပါတယ်.. ခီညား ခုနက.. တစ်ရာ့ကိုး တစ်ရာ့တစ်ဆယ်ကို ရောင်းနေတာ..
ကြားတယ်..ကျုပ်မယူဘူး´´
``ငင်.....´´

သူတို့နှစ်ဦး အခြေအတင်ပြောနေကြစဉ်...
ဗူးနွယ်က..စင်ဘေးမှာ ရှိသော..သံပုရာသီးကို.. လက်ယပ်ခေါ်ကာ..
``မမ..ညီမလေး.. ရေသောက်ချင်လို့.. ခန ထိုင်ပေးပါ..´´
``အော်..အေးအေး..မြန်မြန်လုပ်နော်´´
``အင်းပါ..´´

``မဟုတ်သေးဘူးလေ... သက်လတ်ရ.. မင်းက ယူရမှာလေ..
အာ့မှ တစ်ရာ့ကိုး တစ်ရာ့ တစ်ဆယ်က...ဘကြီးအောင်ညာတယ်..ဖြစ်မှာပေါ့´´

``အော်..အာ့လိုလား.. ´´
`` အေး..အာ့လို´´
``အာ့ဆို ကျုပ်ယူသွား...သွား..ဟင်
အုကိုရင် ခီညား ရုပ်တုက..တစ်မျိုးပြောင်းသွားပါလား..´´
``ဘယ်မှာလည်း..တိန်..ဘယ်လိုလုပ်..သံပုရာသီးဖြစ်သွားတာတုံး
ကဲ သတ်လတ်ရေ.. မထူးတော့ဘူး.. ယမင်းရုပ်ဖြစ်ရင်ပြီးတာပဲ..
ယူသာသွားတော့´´
``အော်..အင်းအင်း..´´

ကျုပ်မနေနိုင်တော့ဘူး..အရက်သောက်ထားတဲ့ အရှိန်ကြောင့်..သွေးကလည်း ဆူနေပြီဆိုတော့...

``ဒီလိုလုပ်လို့ရမလားကွ...ငါ့၈တူကို ဒူမှ မထိနဲ့... ထိတဲ့လူ......အသေပဲ..´´
ဆိုပြီး စင်ပေါ်တတ်ကာ.. ကိုသက်လတ်ကို.. နပမ်းဝင်လုံးလိုက်သည်....

အောက်က ပြိတ်သက်ကလည်း..
``ဟေး..အောင်ဘုကွ..ချ..ချ...ဒါမှ ငါတို့ယောသားကွ´´
ဟုဆိုက.. သြဘာပေးကြတော့သည်....

ကိုရင့်ခမြာ.. ``ဟျောင့် အောင်ဘု..ရှုပ်ကုန်ပြီဟ.. ငါသေသာ သေချင်တော့တာပဲ..
ဟျောင့်တွေ တော်ကြပါတော့ဟ..´´

ပြိတ်သက်ကတော့..``အောင်ဘု..အာ့လူကြီးကို မှောက်သွားအောင်ချ.. မင်းမနိုင်ရင်...ငါတို့ တတ်ခဲ့မယ်..ချထား´´

ပြိတ်သက်က..ဒီလိုဆိုတော့.. ကိုရင်ဖြတ်ထိုးဥာဏ်သုံးရတော့သည်...
``ဟျောင့်အောင်ဘု.. မင်းမချနဲ့နဲ့တော့..မင်းကို..ငါ ဒီရုပ်ထုပေးလိုက်မယ်..သက်လတ်ကို မပေးဘူး..ဟုတ်ပြီလား´´
``ခီညားသေခြာလား´´
``အေးပါကွာ..သေခြာပါတယ်..´´
``အာ့ဆိုပြီးရော.. လာ..၈၃၄...နောက်တစ်ခါ..ခီညား ဒီထက်နာမယ်မှတ် ကြားလား အူးသတ်လတ်..´´
``ကြား..ကြားပါတယ်ကွာ..´´

``ရွှီ...ဖြောင်းဖြောင်းဖြောင်း...အာ့မှ အောင်ဘုကွ... ဘာရမလည်း
ယောသားကို ဒီလိုလာစမ်းလို့မရဘူးကွ......မှတ်ထား´´

ဇာတ်က..မထင်မှတ်ပဲ.. ပြောင်းသွားချိန်တွင်...
တစ်ရာ့ကိုး တစ်ရာ့တစ်ဆယ်က.. ဘုမသိ..ဘမသိ အရက်သောက်နေရာမှ..ထလာက..

``အုကိုရင်.. အုကိုရင်.. ဘယ်မလည်း..ကျုပ်လိုချင်တဲ့ ယမင်းရုပ်လေး...´´
``မရှိတော့ဘူးကွ..အရေးပိုင်မင်း..အဲ..အောင်ဘုယူသွားပြီ´´

ထိုအချိန်..ဗူးနွယ်က ရေသောက်ရမှ..ပြန်လာထိုင်နေလေပြီ..

``အာ..အုကိုရင်မညာနဲ့..ဟိုမှာဗျ.. ယမင်းရုပ်လေးက..ဟီးဟီး´´
ကိုရင်လူထွက်လှည့်ကြည့်လိုက်ပြီး...
``တိန်...ဗိုင်းတာမ..ဘယ်လိုပြန်ရောက်လာတာလည်း´´
``အာ့ဆို..ယူသွားတော့မယ်နော်... ´´
``နေ..နေအုံးကွ..ယူလို့မရသေးဘူး..ဒီဇာတ်လမ်းရဲ့သဘောက..
အရေးပိုင်မင်း..ယူမှ..ရမှာလေ..´´
``အာဗျာ..ရှုပ်နေတာပဲ..´´
``မရှုပ်ပါဘူးကွာ.. မင်းကလည်း..အာ့မှ ဘကြီးအောင်ညာတယ်ဖြစ်မှာပေါ့..´´
``အော်..အာ့လိုလား..´´
``အေး..အာ့လို..´´
``အာ့ဆို..ကျုပ်.. ပိုက်ဆံသွားရှာလိုက်အုံးမယ်..သိလား..´´

ထိုအချိန်..ဗူးနွယ်က.. ချစ်ခွန်းချိုကို..လှမ်းခေါ်ကာ..
``မမ..ခနလေးထိုင်ပေးပါ..ညီမ..ခုနကရေသောက်တာများသွားပြီး ရူရှူးပေါက်ချင်လို့..´´
``အော်..အေး.အေး..ရပါတယ်ညီမရယ်´´

ကိုသက်လတ်..တော်တော်နဲ့ ထွက်မလာသဖြင့်..
``အရေးပိုင်မင်းထွက်လာတော့ဟ...´´

ကိုသတ်လက် သိုင်းကွက်နင်းကာထွက်လာပြန်သည်...
`` ဒီယမင်းရုပ်ကို ကျုပ်ယူရအုံးမှာလား..´´
``အင်းလေ..´´
``အာ့ဆိုယူမယ်ဗျာ..ကိုင်း လာထား´´

``ငါ့ ချစ်လေးကို ဒီလိုလုပ်လို့မရဘူးကွ...´´ဆိုပြီး..ရန်ရှင်းတစ်ယောက်
ကိုသက်လတ်ကို နပမ်းဝင်လုံးပြန်သည်...

ပြိတ်သက်ကလည်း..
``ချကြဟေ့..ချကြဟ.. ..မိုက်ထှာကွာ..အောင်ဘုတို့ ပြဇာတ်က..တကယ်မိုက်တယ်´´

ကိုရင်က ကြက်သေသေကာ ဘာလုပ်ရမှန်းမသိတော့...
သတိဝင်လာသော အချိန်တွင်တော့.....
``ဟျောင့်တွေ တော်ကြပါတော့ဟ.. ဒီလိုလုပ်ကွာ..
ရန်ရှင်း မင်းအရုပ် မင်းယူသွားတော့´´
``အာ့ဆို ပြီးရော..နောက်ကို..ကျုပ်ချစ်လေးကို ထိဖို့..မကြိုးစားနဲ့..သေသွားမယ်´´
``ငင်..အေးး..အေးပါကွာ..´´

တစ်ရာ့ကိုး တစ်ရာ့တစ်ဆယ်..၀င်လာပြန်သည်..
``ဘယ်မလည်းကိုရင်.. ကျုပ်လိုချင်တဲ့..ယမင်းရုပ်လေး..´´
``ရန်ရှင်းယူသွား...တိန်.. မီတာမယေး..ဘယ်လိုပြန်ရောက်လာတာတုံး´´
``ဒီတစ်ခါတော့ မရတော့ဘူးဗျာ..ယူသွားတော့မယ်..´´
``အာာာ..ဟျောင့်..မလုပ်ပါနဲ့ကွာ.. ဒါက အရေးပိုင်မင်းယူမှ..ဖြစ်မှာကွ..´´
``ခီညား ဗျာ..အမျိုးမျိုးပဲ..ဟွန်း...ကဲဗျာ..ပိုက်ဆံသွားရှာအုံးမယ်´´
``အေးအေး..သွားရှာပါကွာ.. ကျေးဇူးတင်ပါတယ် မောင်မင်းကြီးသား´´

ကိုရင်က.. အရုပ်ကို ဖုန်သုတ်ဟန်ပြုကာ..ဗူးနွယ်နားကပ်သွားပြီး..
``ညိ ဘယ်လိုလုပ်လိုက်တာလည်း´´
``ရေဆာလို့သွားသောက်တာလေ..´´
``အာ့ဆိုရင် နောက်တစ်ခါသွားရင်.. ဟိုကောင်တွေနဲ့ ပါက်သက်တဲ့..လူတွေကို မထိုင်ခိုင်းနဲ့..
ကြားလား´´
``ဟုတ်..´´

ပြီးတော့..ဟန်မပျက်..
``အင်း..အရေးပိုင်မင်းလည်း ဘယ်အချိန်လာမလည်း မသိဘူး..´´
ဟု..သွယ်ဝိုက်ကာ.. ကိုသက်သက်ကိုခေါ်လိုက်သည်....
သို့သော်..ထွက်မလာ...

``အရေးပိုင်မင်းလာမှ.. ဒီကိစ္စရှင်းမှာဆိုတော့.. အရေးပိုင်မင်း မြန်မြန်လာသင့်ပြီ´´
ဒါလည်းထွက်မလာ....
ဒီတော့..ကိုရင်မနေနိုင်တော့ဘဲ..
စင်ဘေးသို့ကပ်သွားပြီး...

``ဟျောင့်သက်လတ်..ထွက်ခဲ့တော့လေကွာ´´
``ငင့်..လာဘူး..´´
``လာပါကွ´´
``ဟင့်အင်း..ညက..အိမ်မက်မကောင်းဘူး.. အတီးခံရတယ်တဲ့...
အာ့ကြောင့် လာဘူး´´
``လာပါဆို..´´
``လာဘူးဆို..´´
``ဒီတစ်ခါ ယမင်းရုပ် ယူရမှာပါကွ´´
`` အင်..သေခြာလား´´
``အေးပါဆို..´´
``ဂယ်နော်´´
``ဂယ်ပါဆို..ငါအာမခံတယ်´´
``အာ့ဆိုထွက်လာပြီ..´´

သူတို့.ပြောနေတုံး..ဗူးနွယ် ရှုပ်ပြန်သည်..
မသီရိကို..လှမ်းခေါ်ကာ..
``မမ..ညီမလေး..နည်းနည်းညောင်းလာလို့..
ခန ထိုင်ပေးပါ..´´
``ဖြစ်ပါ့မလား.ညီမရယ်..ခုနကလိုဖြစ်နေမှ´´
``ခနလေးပါ..မမရယ်´´
``အင်း...အာ့ဆို..ခနပဲနော်.´´

``ဟော..ပြောရင်းဆိုရင်း..အရေးပိုင်မင်းကြွလာပါပြီ..´´
`` ဒီမှာ အုကိုရင်..မြန်မြန်ပြီးသွား..မြန်မြန်အေးတယ်.. ဘယ်မလည်း
ယမင်းရုပ်´´
``ဟောဒီမှာ..အဲ..ဘယ်လိုဖြစ်တာတုံး´´
``အာာာ..ဒီတစ်ခါတော့.မရတော့ဘူး... ခီညားပြောထားပြီးသား..
ယူကိုယူသွားတော့မယ်´´

``ဘာကွ..ငါ့ချစ်ဆုံးကို ထိလို့ရမလား´´
``ရတာမရတာ ကျုပ်မသိဘူးဗျာ..ခီညားပြောတော့... ဒီတစ်ခါ..ယမင်းရုပ်ကို တစ်ကယ်ယူရမှာဆို´´
``မရဘူးကွ..အသက်ချင်းလည်းပလိုက်မယ်..´´
``ယူမှာပဲဗျာ´´
``ယူအုံးကွာ..ဟိုင်းယား...ဒရှိ ဒရှိ´´
နပမ်းလုံးကြပြန်လေသည်..
အောက်က ပြိတ်သတ်ကလည်း..

``ကိုရင်ကွ..ချထား..ချ´´
``ကိုသက်လတ်ကွ..ချထား´´
ဆိုကာ..အားပေးနေကြပြန်သောအခါ...

``ဖောင်း´´
``ဖြောင်း´´
``ခွက်´´
`` အောင်မလေး..သေပါပြီဗျ´´
``အား.. သက်လတ်ငါ့ကို တစ်ကယ်ကိုက်တယ်´´

ထိုအချိန်.. သီဟရဲခေါင်မှ..ပါးနပ်စွာ...

``ဤတွင်.. အုကိုရင်...ဖျာသယ်..အဲလေ..အုကိုရင် ညာတယ်ပြဇာတ်ပြီးဆုံးပါပြီ ခင်ဗျား´´
ဟု ကြေငြာလိုက်မှ.... ပွဲပြီးတော့သည်....
--------------------------------------------------------------------------------------

(နင်လားဟဲ့... နဂါးနိုင်ဆရာသန်း)

``ကျွန်တော်များ..ဒုတိယပိုင်း အစီအစဉ်အနေဖြင့်.. နဂါးနိုင်ဆရာသန်းမှ..
သူ့ရဲ့..နဂါးမျက်လုံး..အစီအစဉ်ကို..တင်ဆက်မှာဖြစ်ပါတယ်´´

``ဆရာသန်းဟာဆိုရင်ဖြင့်..သူ့ရဲ့ မျက်လုံးကို..အ၀တ်ဖြင့်စည်းကာ..
စင်ပေါ်တတ်လာသူမှန်သမျှကို.. မကြည့်ဘဲ..နဂါးမျက်လုံး အစွမ်းဖြင့်..
အတိအကျ ပြောမယ့် သရုပ်ပြကွက်ဖြစ်ပါတယ်´´

ဆရာသန်းဆိုသူ..စင်ပေါ်တတ်လာလေသည်..
သူ့တပည့်နှစ်ယောက်က..မျက်လုံးကို အ၀တ်ဖြင့်စည်းကာ...

``ကဲ..ဆရာရေ.. အခုတတ်လာသူက..ယေက်ျားလေးလား မိန်းကလေးလားဗျာ´´
``မိန်းကလေးတစ်ယောက်ပါ...´´
``သူ ဘာရောင်ဝတ်ထားပါသလည်း ခင်ဗျာ´´
``အဖြူရောင်ပါ..´´
အောက်ကပြိတ်သက်ကတော့ အံ့သြလို့မဆုံး..ဟာကနဲ ဟင်ကနဲ့
ဒီလိုနဲ့..မိန်းကလေးတွေ တစ်ယောက်ပြီးတစ်ယောက်တက်လာတယ်..
အကုန်မှန်အောင်ဖြေနိုင်တယ်....

ကျုပ်တို့ အစီအစဉ်စပြီ..
ကပ္ပိယကြီးရဲ့ ကြက်တူရွေးကို..ခေါ်လာတယ်..ပြီးတော့.သူ့ရှေ့မှာ..မိုက် တစ်လုံးချပေးလိုက်ပြီး...
တပည့်ဖြစ်သူတို့ကိုင်ထားတဲ့ မိုက်ကြိုးကို ဖြုတ်လိုက်တယ်...

ဒီတစ်ခါ တတ်လာသူက.. ဘိုးအေကြီး အဘလင်း
``ဆရာရေ...ဒီတစ်ခါ ဘာရောင်ဝတ်ထားလည်း´´
``ယိုးလိုက်လို့´´ကြက်တူရွေးက အော်တယ်..မိုက်နဲ့ဆိုတော့..
အသံက ဟိန်းထွက်လာတယ်..
နဂါးနိုင်ဆရာသန်း... က...
``အဲ...ပြန်မေးစမ်းကွာ´´
``ယိုးလိုက်လို့´´
``တိန်..´´
``ယိုးလိုက်လို့´´
``ဒူတုံးကွ´´
``ယိုးလိုက်လို့..´´
``ငါလိုဆရာကို နောက်ရဲလား´´
``ယိုးလိုက်လို့...´´
``မနောက်ကြနဲ့ကွာ..´´
``ယိုးလိုက်လို့´´

တပည့်နှစ်ယောက်က.ရိပ်မိသွားပြီး..
ကြက်တူရွေးကို အမဲဖျက်ရန်အလာ..
ကိုသက်လတ်က..အဆင်သင့်စောင့်နေကာ..
``မင်းတို့နှစ်ယောက် ကြက်တူရွေးကို ထိရဲထိကြည့်..ဒီမယ်မြင်လား´´
ဘာပြလိုက်သည်မသိ.. တပည့်နှစ်ယောက် ဘာမှ မလှုပ်ရှားရဲတော့....

အောက်က ပြိတ်သတ်က..``ဆရာသန်း..ဖြေလေဗျာ..´´
``အဲ..ဟိုဒင်း´´
``ယိုးလိုက်လို့´´

ထိုအချိန်..
ရန်ရှင်းနိုင်က... `` ကဲကဲ.. ဆရာသန်းရဲ့ အာရုံတွေ..နောက်ကုန်တာကြောင့်...
နောက်အစီအစဉ်တစ်ခု ပြောင်းပါ့မယ်..ဒါကလည်း နဂါးနိုင်ဆရာသန်းဆိုတဲ့ အတိုင်း
ဆရာသန်းက.. အင်မတန် အဆိပ်ပြင်းသောမြွေများနှင့်.. ကစားပြမှာ ဖြစ်ပါတယ် ခင်ဗျား´´

ဆရာသန်းတို့ အကြိုက်တွေ့လေပြီ.. သူက အဆိပ်ထုတ်ထားသော မြွေများဖြင့်..
သူ့အစွမ်းပြရမည်ဆိုသောကြောင့်ပင်....
ဒါနဲ့..သူအဆင်သင့်ယူထားသော..သူ့မြွေများကို ထုတ်ကာ ထုတ်ကာ.ကစားပြလေသည်...

ဘိုးအေကြီး အဘလင်းကလည်း..
သူ့ခါးကြားမှာ ထည့်လာသော..ရော်ဘာဖြင့်ပြုလုပ်ထားပြီး.. တစ်ကယ့် ငန်းတော်ကြားမြွေနှင့် ခွဲမရအောင်တူသော
မြွေရုပ်ကို.. ထုတ်ကာ..
ဆရာသန်းရှေ့သို့ချလိုက်သော အခါ.......
``ငင်...ငန်း..ငန်း..ငန်းတော်..ကြား.ကြား´´
ဟုဆိုကာာ တက်သွားလေတော့သည်...

ဆရာ့အထာနပ်သော.. သူ့တပည့်နှစ်ယောက်က.. သူတို့ဆရာကို နှာနှပ်ရန် စင်ပေါ်သို့
ပြေးအတက်...
သီဟနဲ့ တစ်ရာ့ကိုး တစ်ရာ့ တစ်ဆယ်က.. တစ်ယောက်စီကို ချုပ်ထားလိုက်ကြလေသည်....

သူတို့ စင်ပေါ်သို့ တက်မရသောအခါ.. ပွဲကို ဆူစေရန်.. ဟူသော ရည်ရွယ်ချက်ဖြင့်...
``ဆရာသန်းမှာ..ရောဂါရှိလို့ပါ... သူတို့..တမင်သက်သက်.လုပ်လို့..ဆရာသန်းရောဂါ ပြန်ပေါ်တာပါ´´
ဟုအော်သောအခါ
ရွာသူရွာသားများ လှုပ်လှုပ်ရှားရှားဖြစ်ကုန်ကြသည်...
ထိုအခါ...ရန်ရှင်းက
``ခင်ဝင်းတဲ့ကွ.. မိုက်တဲ့ကောင် ထကြည့်..စမ်း... ငါ့အကြောင်းသိတယ်မဟုတ်လား´´
ဟု..၀ါးရင်းတုတ်ကိုင်ကာ ကြိမ်းလိုက်တော့..
တစ်ယောက်မှ တုတ်တုတ်မလှုပ်....

ကိုရင်က..မိုက်ကရိုဖုန်းကို ကိုင်ကာ..
``ကဲ ပရိတ်သတ်များ ခင်ဗျား..ကျွန်တော်များ.. ဖျော်ဖြေတင်ဆက်တဲ့..ဒုတိယပိုင်း အစီအစဉ်ပြီးဆုံးလို့...
တတိယပိုင်း အစီစဉ်စပါတော့မယ် ခင်ဗျား´´

``ဟင်..ဘာလည်းဟ´´
``ဘယ်လိုကြီးလည်း´´
``အေးလေ..ဒါ ဖျော်ဖြေတာတဲ့လား´´
စသဖြင့်..တစ်ယောက်တစ်ယောက် ပြောဆိုကြလေတော့သည်...
ထိုအချိန်မှာပင်...
ဆရာတော်ကြွလာပြီး.. စင်ပေါ်သို့တတ်ကာ..
``ကဲ..မင်းတို့..မြင်ကြပြီလား... နဂါးနိုင် ဆို.. အခုတော့..မြွေရုပ်မြင်တာနဲ့..
တတ်သွားပြီ..ပြီးတော့..မင်းတို့ အထင်ကြီးနေတဲ့..နဂါးမျက်လုံးက...
ကြက်တူရွေးကိုတောင် မမြင်နိုင်ပါလားကွ´´

ဗူးနွယ်ကလည်း ဖွားလေးခင်တို့ မြေးအဖွားကို အချိန်ကိုင်ပင် ခေါ်လာခဲ့သည်..
ဆရာတော်က ဆက်၍..
``မယ်ခင်တို့ မြေးအဖွားမှာ သနားစရာ...ဒီဆရာတု ဆရာယောင်ရဲ့ စကားကြောင့်..
သူတို့ခမျာ.. ရွာပြင်မှာနေရရှာတယ်...မင်းတို့ရွာသားတွေ စဉ်းစားကြစမ်းပါ.. ငါဒါပဲပြောမယ်´´

ကိုရင်လူထွက်က ၀င်ပြီး
`` ဒီလိုပါ..ဒီဆရာသန်းဆိုတဲ့လူက.. မြို့ကြီးတွေမှာ မြွေနိုင်ဆေးဆိုပြီးညာရောင်းနေတဲ့ လူလိမ်တစ်ယောက်ပါ...
သူကိုင်တွယ်နေတဲ့ မြွေတွေကလည်း..အဆိပ်ထုတ်ထားတဲ့..မြွေတွေဖြစ်ပြီး... နဂါးမျက်လုံးဆိုတာကလည်း..
သူ့တပည့်တွေနဲ့ စည်းဝါးကိုက်..အမေးအဖြေလုပ်ကြတာပါ.. အမေးမှာ သူတို့ပဲသိတဲ့ သင်္ကေတတွေပါဝင်တာကြောင့်
ဆရာသန်းက.. သူကိုယ်တိုင်မြင်ရသလိုဖြေနိုင်တာပါ....အခု ကြက်တူရွေးလေး..၀င်ရှုပ်လိုက်တော့..ဆရာသန်း မှန်အောင်
မဖြေနိုင်တော့သလို... ကြက်တူရွေးကိုတောင် လူလို့ ထင်ခဲ့ပါတယ်..
ဒါကိုကြည့်ခြင်းအားဖြင့်.. ဆရာသန်း တစ်ကယ်စွမ်းမစွမ်း.. အဖြေပေါ်လောက်ပါပြီ..
ပြီးတော့..ဖွားလေးခင်တို့...ကို..ရွာသူရယ်လို့ စွပ်စွဲခံရတာဟာ..သူ့စားပေါက်ထွင်ခြင်းရဲ့ရလဒ်ပါပဲ´´

ကျွန်တော်ကလည်း
`` ကျုပ်ဒီရွာသား တစ်ယောက်အနေနဲ့ ပြောရရင်.. ဒီလူရောက်လာမှ.. စုန်းတွေ..နဂါးတွေဆိုတာ ကြားရပြီး
သူမရောက်ခင်က.. ကျုပ်တို့ရွာ ဘာပြဿနာ ဘာသံမှ မကြားခဲ့ဖူးပါဘူး.. ဒါဆိုရင်တော့ ခင်ဗျားတို့ သဘောပေါက်သင့်ပါပြီ..
ကဲ..ဖွားလေးခင်.. ဆရာတော်ကို ကန်တော့လိုက်ပါအုံဗျာ..´´

ဖွားလေးခင်ခင်မျာ..မျက်ရည်တွေ ကျလို့.. ဆရာတော်ကို..တုန်တုန်ရီရီဖြင့် ကန်တော့ရှာတယ်..
ရွာသားများသာမက..ရွာနီးချုပ်စပ်က..လူအများပါ သဘောပေါက်သွားပြီး.. ဆရာတော့်ကို အကြိမ်ကြိမ် ရှိခိုးကန်တော့ကြတော့တယ်.......
-----------------------------------------------------------------------------
( နှုတ်ဆက်ချိန်....)

ဆရာတော်..က ကျောင်းကို ပြန်ကြွဟန်ပြင်လိုက်ပြီးမှ..
``ဟဲ့အောင်ဘု..´´
``ဘုရား..´´
``မင်း ငါနဲ့ လိုက်ခဲ့အုံး´´
``တင်ပါ့ဘုရား´´
ဆရာတော့်ကျောင်းသို့ရောက်သော်....

``မင်းတို့ သူငယ်ချင်းတစ်စုရဲ့..ကြိုးစားမှုကြောင့်
တစ်ရွာလုံးကို လိမ်နေတဲ့ လူလိမ်ကို ဖော်ထုတ်နိုင်ခဲ့ပြီ´´
``မှန်ပါ့´´
``အခု အဖြစ်အပျက်ဆို မင်းအမြင်ပဲ..
မင်းတို့က.. ရုပ်မြင်သံကြားတွေ..ကွန်ပြူတာတွေ အင်တာနက်တွေ..
မရိုးနိုင်အောင် သုံးနေကြပေမယ့်.. သူတို့ခမျာ.. စာတစ်အုပ်တောင်
မဖတ်နိုင်ဘူး...´´
``တင်ပါ့´´
``အေး.. စာမဖတ်တော့ ဘာဖြစ်လည်း...အကန်းလိုပဲ...
ဖတ်ချင်တဲ့ စိတ်ရှိအုံး.. ဘယ်မလည်း စာအုပ်..ဘယ်မလည်း ဂျာနယ် မဂ္ဂဇင်း´´
``မှန်ပါတယ်ဘုရား´´
``အေး..သူတို့ အတွက်..မင်းလည်း စာသင်ပေးခဲ့ဖူးတာပဲ...
မင်းတို့လို ခေတ်ပညာတတ်တွေရဲ့ အားနဲ့ မှ ဒီရွာက လူတွေ အသိဥာဏ်ပွင့်လင်းအောင်
လုပ်နိုင်မယ်ဆိုတာ.. ဒီနေ့ အဖြစ်အပျက်က သက်သေပဲ အောင်ဘု...´´
``မှန်ပါ့..´´
``ဒီရွာကလူတွေ မျက်စိပွင့် နားပွင့်အောင်..ခေတ်ပညာတတ်တွေကပဲ စွမ်းဆောင်နိုင်လိမ့်မယ်လို့ပဲ..ငါယုံကြည်တယ်..အောင်ဘု´´
``မှန်..မှန်ပါ့ဘုရား..´´
``အိမ်း....ဒါပဲကွယ်.. မင်းလည်းသွားနိုင်ပြီ´´

ကျွန်တော်လည်း ဆရာတော့်ကို.နှုတ်ဆက်ပြီး အိမ်ပြန်လာချိန်တွင်..ခေါင်းထဲမှာ..ချာချာလည်နေတော့သည်....

နောက်တစ်နေ့...ပြန်ကြဖို့ပြင်ဆင်ကြပြီ..

အထုပ်ကိုယ်စီဆွဲလို့..
ရွာမှ..အသင့်ပြင်ပေးထားသော..လှည်းများပေါ်သို့..အသီသီး တက်ကြလေပြီ....
တစ်ရွာလုံး လာရောက်နှုတ်ဆက်ကြသည်...
ပြန်မယ့်သူရော.. နေခဲ့ကြမည့်သူများရော..မျက်နှာမကောင်းကြ..

ဆရာတော်ကိုယ်တိုင်..လာရောက်နှုတ်ဆက်ကာ... ဆုမွန်များ တောင်းပေးလျှက်.....

ကိုရင်က..`` ဟျောင့် အောင်ဘု.. တတ်တော့လေကွာ.. နေမြင့်နေမယ်..´´

ကိုရင်ပြောလိုက်ချိန်မှာပင်..ခေါင်းထဲမှာ လင်းကနဲ့..ဆုံးဖြတ်ချက် တစ်ခုကို..
ပြတ်ပြတ်သားသား ချလိုက်ပြီးပြီ...
ထို့ကြောင်..ကျွန်တော်..ခေါင်းယမ်းပြရင်း
``ကျွန်တော် မလိုက်တော့ဘူး ကိုရင်... ကျွန်တော်နေခဲ့တော့မယ်´´
``ဟင်..ဟျောင့်..မနောက်နဲ့ကွာ´´
``ကျွန်တော် တစ်ကယ်ပြောတာ.. ကျွန်တော် ဒီရွာမှာ
ဟိုးအရင်တုံးကလို....ဒီရွာရဲ့ ကျောင်းဆရာလေး..အောင်ဘု အဖြစ်နေခဲ့တော့မယ်´´

``စဉ်းစားပါအုံးကွာ´´
``ကျွန်တော် စဉ်းစားပြီးမှ..ပြောတာပါ...´´
ကျွန်တော့်ချစ်သူ...သံပုရာသီးကတော့.. ကျွန်တော့်ကို နားလည်တယ်ထင်...
ခေါင်းတစ်ချက်ငြိမ့်ပြကာ...
``အနေဝေးလည်း.. စိတ်ထဲမှာ အားလုံးရှိနေကြမှာပါ´´တဲ့....

``သာဓု..သာဓု..သာဓု´´...သာဓုခေါ်သံကြောင့် လှည့်ကြည့်လိုက်တော့...
ဆရာတော့်မျက်နှာမှာ အပြုံးတွေနဲ့....
ကျန်တဲ့ရွာသူရွာသားတွေလည်း အပြုံးကိုယ်စီဖြင့်...ကျွန်တော်လည်း ပြုံးလိုက်မိသည်ထင်.....

ဒီလိုနဲ့..သူငယ်ချင်းများကို တင်ဆောင်သွားသော..လှည်းများကလည်း တစ်ရွေ့ရွေ့..ထွက်ခွာသွားခဲ့ပြီ....

ကျွန်တော့်ချစ်သော..သူငယ်ချင်းများလည်း..တစ်ဖြည်းဖြည်း...ဝေးကာ ဝေးကာ....နောက်ဆုံး
ကျွန်တော့်မြင်ကွင်းမှ လုံးဝ ပျောက်ကွယ်သွားတော့သည်.............

(ပြီးပါပြီ)

------------------------------
ဒီဇာတ်လမ်းမှာ သူငယ်ချင်းများ နာမည်ကို ထည့်ရေးပေမယ့်.. သာစေနာစေ ဆန္ဒလုံးဝမရှိပါကြောင်း..
အပျော်သက်သက်သာ ဖြစ်ပါကြောင်း.....
ကာယကံ ၀စီကံ မနောကံနှင့် ပြစ်မှားမိတာရှိပါကလည်း..ခွင့်လွှတ်တော်မူကြပါရန်......
တောင်းပန်ပါသည်
အားလုံးပဲ...နှစ်သစ်မှာ ပျော်ရွှင်ချမ်းမြေ့ကြပါစေ.....

(ထာဝရ ခရီးသည်)

ထာဝရ ခရီးသည်

Pages

Friday, April 18, 2014

ယောသင်္ကြန် (ဒုတိယတွဲ)

1 comment:

ပြောစရာရှိတာဒီမှာပြောနိုင်ပါတယ်

နာရီကြည့်ချင်ရင်..ဒီမှာ

လာရောက်သူများ